କନକ ବ୍ୟୁରୋ : ଦେଶରେ ଧୀରେଧୀରେ କମୁଛି କରୋନା ସଂକ୍ରମଣ । ୨୪ ଘଂଟାରେ ମୋଟ୍ ୩ ଲକ୍ଷ ୩୩ ହଜାର ୫୩୩ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଅର୍ଥାତ ଗତକାଲି ଅପେକ୍ଷା ଆଜି ୪ ହଜାର ୧୭୧ କମ୍ ମାମଲା ଆସିଛି । କିଛିଦିନ ହେଲା ଦେଶରେ କରୋନା ସଂକ୍ରମଣ ତଳମୁହାଁ ହୋଇଛି । ଗତକାଲି ଦେଶରେ ୩ ଲକ୍ଷ ୩୭ ହଜାର ୭୦୪ ସଂକ୍ରମିତ ଚିହ୍ନଟ ହୋଇଥିଲେ । ତେବେ ଗତ ୨୪ ଘଂଟା ଭିତରେ ୨ ଲକ୍ଷ ୫୯ ହଜାର ୧୬୮ ଜଣ କରୋନାରୁ ସୁସ୍ଥ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏବେ ସାରାଦେଶରେ ମୋଟ୍ ୨୧ ଲକ୍ଷ ୮୭ ହଜାର ୨୦୫ ସକ୍ରିୟ ଆକ୍ରାନ୍ତ ରହିଥିବାବେଳେ ଟେଷ୍ଟ ପଜିଟିଭ ହାର ରହିଛି ୧୭ ଦଶମିକ ୭୮ ପ୍ରତିଶତ । ଶୁକ୍ରବାର ଦେଶରେ ମୋଟ୍ ୩ ଲକ୍ଷ ୪୭ ହଜାର ୨୫୪ ଜଣ କରୋନା ପଜିଟିଭ ହୋଇଥିଲେ । ଆଇଆଇଟି କାନପୁରର ସୂତ୍ର ମଡେଲ ଅନୁସାରେ ଜାନୁଆରୀ ୨୩ ଅର୍ଥାତ ଆଜି ଦେଶରେ ୪ ଲକ୍ଷ ସଂକ୍ରମଣ ସହ ପିକ ଆସିବା କଥା । ହେଲେ ଗତ ୪ଦିନ ହେଲା ଦେଶରେ ୩ ଲକ୍ଷରୁ ଅଧିକ ମାମଲା ସାମ୍ନାକୁ ଆସୁଛି । ଏବଂ ଗୁରୁବାରଠାରୁ କରୋନା ଗ୍ରାଫ ଧୀରେଧୀରେ ତଳକୁ ଖସୁଥିବା ଦେଖା ଯାଉଛି । ଅନୁମାନ କରାଯାଉଛି କେତେକ ସହରରେ କରୋନା ପିକ ଛୁଇଁ ତଳକୁ ଖସିବା ଆରମ୍ଭ କରିଥିବାବେଳେ ଆଉ କେତେକ ସହରରେ ପିକ୍ ଆସିବା ଆହୁରି ବାକି ରହିଛି ।