କନକ ବ୍ୟୁରୋ: ଓଡିଶାରେ ଆତ୍ମହତ୍ୟା ମାମଲା ବଢିବା ଚିନ୍ତା ବଢାଇଛି । ସ୍ଥିତି ଏମିତି ହୋଇଛି ଯେ ଆତ୍ମହତ୍ୟାରେ ଜାତୀୟ ହାରଠୁ ଆଗରେ ଅଛି ଓଡିଶା । ଆତ୍ମହତ୍ୟା ଭଳି ଚରମ ପଦକ୍ଷେରୁ ଦୁରେଇ ରହିବା ପାଇଁ ଆଜିର ଦିନକୁ ସାରା ବିିଶ୍ୱ ଆତ୍ମହତ୍ୟା ନିରୋଧୀ ଦିବସ ଭାବେ ପାଳନ କରୁଛି ।
Kanak News is now on WhatsApp
Join and get latest news updates delivered to you via WhatsApp
ପରିବାରର ଖରାପ ପରିସ୍ଥିତିରେ ପଡି ଆତ୍ମହତ୍ୟା ଉଦ୍ୟମ କରିଥିବା କଟକ ମେରିଆ ବଜାରର ଆଲୋକ ବେହେରା, ଏବେ ଜୀବନ ଯାତ୍ରାରେ ବେଶ ସଫଳ ହୋଇଛନ୍ତି । କୋଭିଡ ସମୟରେ ବାପାଙ୍କ ରୋଜଗାର ଓ ବଡ ଭଉଣୀଙ୍କ ଦରମା ବନ୍ଦ ହେବାରୁ ଘର ଚଳିବା କଷ୍ଟକର ହୋଇଗଲା । ଏପରି ସମୟରେ ମାଆ ହୃଦଘାତରେ ଆଖି ବୁଜିଦେବାରୁ ଆଲୋକ ହତାଶ ହୋଇ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ । କିନ୍ତୁ ଜଣେ ସାଙ୍ଗର ଆଶ୍ୱସନା ଓ ସାହାଯ୍ୟ ଯୋଗୁଁ ଆତ୍ମହତ୍ୟାରୁ ବିରତ ହୋଇଥିଲେ । ଏବେ ଆଲୋକ ନିଜ ଉଦ୍ୟମରେ ଭଲ ରୋଜଗାର କରି ପରିବାର ସହ ଭଲରେ ଚଳୁଛନ୍ତି । ଏଥିସହ “ଆତ୍ମହତ୍ୟା ମୁକ୍ତ ଓଡିଶା” ନାରେ ଏକ ସଂଗଠନ କରି ଲୋକଙ୍କୁ ଆତ୍ମହତ୍ୟା ନକରିବା ପାଇଁ ସଚେତନ ମଧ୍ୟ କରୁଛନ୍ତି ।
ଆତ୍ମହତ୍ୟା ହତାଶ ମନର ଏକ ଦୁର୍ବଳ ନିଷ୍ପତି । ସଚେତନତା ଦ୍ୱାର ଆତ୍ମହତ୍ୟାକୁ ଦୁରେଇ ହେବ ବୋଲି ସାମାଜିକ କର୍ମୀ ଓ ମାନସିକ ରୋଗ ବିଶେଷଜ୍ଞ କହିଛନ୍ତି । ଆତ୍ମହତ୍ୟାରୁ ଦୂରେଇ ରହିବା ପାଇଁ ମାନସିକ କାଉନସେଲିଂ ଓ ସଚେତନତା ଜରୁରୀ ବୋଲି କହିଛନ୍ତି ମାନସିକ ରୋଗ ବିଶେଷଜ୍ଞ ଡାକ୍ତର । ଆତ୍ମହତ୍ୟା ଏକ ସାମାଜିକ ବ୍ୟାଧିରେ ପରିଣତ ହୋଇଛି । ଚାକିରି, କ୍ୟାରିୟର, ପରିବାରରେ ବିବାଦ, ନିର୍ଯାତନା, ହିଂସା, ମାନସିକ ଅସ୍ଥିରତା, ନିଶା, ଆର୍ଥିକ ସଙ୍କଟ ଆତ୍ମହତ୍ୟାର ପ୍ରମୁଖ କାରଣ । ତେବେ ସଚେତନତା ଦ୍ୱାରା ଏହି ସାମାଜିକ ବ୍ୟାଧିକୁ ଦୁରେଇ ହେବ ।