ଓଡ଼ିଶାରେ କେତେ ମୋବାଇଲ ୟୁଜର୍ସ ? ୧ କୋଟି ୩୭ ଲକ୍ଷ ଗ୍ରାହକଙ୍କ ସହ ଶୀର୍ଷରେ ଜିଓ
କନକ ବ୍ୟୁରୋ : ଟେକ୍ନୋଲୋଜିର ବ୍ୟବହାର ବଢିବା ସହ ମୋବାଇଲର ଚାହିଦା ମଧ୍ୟ ବଢିଛି । ମୋବାଇଲକୁ ଏବେ ଆବଶ୍ୟକୀୟ ଜିନିଷ ଭାବେ ଗଣାଯାଉଥିବା ବେଳେ ଓଡ଼ିଶାର ମୋବାଇଲର ଚାହିଦା ବଢିବାରେ ଲାଗିଛି । ଚଳିତ ବର୍ଷ ସେପ୍ଟେମ୍ବର ସୁଦ୍ଧା ଓଡ଼ିଶାରେ ମୋଟ ୩ କୋଟି ୩୦ ଲକ୍ଷ ୬୯ ହଜାର ଲୋକେ ମୋବାଇଲ ବ୍ୟବହାର କରୁଛନ୍ତି । ଗତ ଅଗଷ୍ଟ ମାସ ତୁଳନାରେ ସେପ୍ଟେମ୍ବରରେ ମୋବାଇଲ ଗ୍ରାହକଙ୍କ ସଂଖ୍ୟା ୫୮ ହଜାରରୁ ଅଧିକ ବୃଦ୍ଧି ପାଇଛି ।
Kanak News is now on WhatsApp
Join and get latest news updates delivered to you via WhatsApp
ଜିଓ ଏବଂ ଭୋଡାଫୋନ୍ ଆଇଡିଆର ଗ୍ରାହକ ସଂଖ୍ୟା କମୁଥିବା ବେଳେ ଏୟାରଟେଲ ଏବଂ ବିଏସଏନଏଲ ଗ୍ରାହକଙ୍କ ସଂଖ୍ୟା ବଢୁଥିବା ଦେଖିବାକୁ ମିଳିଛି । ଏବେ ରାଜ୍ୟରେ ଜିଓ ଗ୍ରାହକଙ୍କ ସଂଖ୍ୟା ୧ କୋଟି ୩୭ ଲକ୍ଷ ୫୯ ହଜାରରୁ ଅଧିକ ସହ ପ୍ରଥମରେ ରହିଛି । ୧ କୋଟି ୧୩ ଲକ୍ଷରୁ ଅଧି ଗ୍ରାହକଙ୍କ ସହ ତାଲିକାରେ ଦ୍ୱିତୀୟରେ ରହିଛି ଏୟାରଟେଲ । ବିଏଏନଏଲର ୬୩ ଲକ୍ଷରୁ ଅଧିକ ଗ୍ରାହକ ରହିଥିବା ବେଳେ ଭୋଡାଫୋନ୍ ଆଇଡିଆରେ ୧୬ ଲକ୍ଷରୁ ଅଧିକ ଗ୍ରାହକ ଅଛନ୍ତି ।