କେମିତି ବିକ୍ରି ହୁଏ ଲୁଟ୍ ସୁନା? କନକ କ୍ୟାମେରା ଆଗରେ କଳା କାରବାରର କାହାଣୀ କହିଲେ ବ୍ୟବସାୟୀ
କନକ ବ୍ୟୁରୋ: ଡକାୟତି, ଲୁଟ ହେଉ ଅବା ଛିନତାଇ । ସୁନା ଲୁଟିବା ପରେ ଆଖି ପିଛୁଳାକେ ଗାଏବ ହୋଇଯାଆନ୍ତି ଲୁଟେରା । ହେଲେ କୁଆଡ଼େ ଯାଏଁ ଏହି ଲୁଟ ସୁନା ? କାହିଁକି ଲୁଟେରା ମିଳନ୍ତି, ହେଲେ ସୁନା ମିଳେ ନାହିଁ । ପୋଲିସକୁ ଚକମା ଦେଇ ଦୁଇ ପାଦ ଆଗରେ କେମିତି ଥାନ୍ତି ଲୁଟେରା । ଏହି କଳା କାରନାମାର ସତ କାହାଣୀ ଜାଣିବାକୁ ଅନୁସନ୍ଧାନ କରିଥିଲା କନକ ନ୍ୟୁଜ୍ ।
Kanak News is now on WhatsApp
Join and get latest news updates delivered to you via WhatsApp
ଚୋରମାନେ ଲୁଟ୍ ସୁନାକୁ ଧରି ଦୋକାନୀ କିମ୍ବା ବଣିଆଙ୍କ ପାଖରେ ପହଂଚିବା ପରେ ଏହାର ମାନ ପରୀକ୍ଷା କରାଯାଏ । ଆଉ ଚୋରି ସୁନାକୁ ଦେଖିବା ପରେ ମନୋପଲି ଆରମ୍ଭ କରିଦିଅନ୍ତି ଦୋକାନୀ । ଏପରିକି ୨୨ କ୍ୟାରେଟର ସୁନାକୁ ନିମ୍ନମାନର ସୁନା କହି ୧୦ ଗ୍ରାମ ଅର୍ଥାତ୍ ଭରିଏ ସୁନା ବାବଦକୁ ମାତ୍ର ୧୫ରୁ ୨୦ ହଜାର ଟଙ୍କା ଲୁଟେରାଙ୍କୁ ଦେଇଥାନ୍ତି । ଏହାପରେ ସୁନାକୁ ତରଳାଇ ୨୪ କ୍ୟାରେଟର ସୁନା ବିସ୍କୁଟରେ ପରିଣତ କରନ୍ତି । ଆଉ ଏହି ସୁନା ବିସ୍କୁଟ ବଦଳରେ ଡିଲରଙ୍କ ଠାରୁ ଗହଣା କିଣିଥାନ୍ତି । ଯେଉଁ ଗହଣା ଆପଣଙ୍କ ବେକରୁ ଲୁଟ ହୋଇଥିବ ତାହା ପୁଣି କେଉଁ ଦୋକାନର କାଂଥରେ ସୋ’ପିସ୍ ପାଲଟି ଯାଇଥିବ ।
ଆଳୁ ଖୋଳୁ ଖୋଳୁ ମହାଦେବ ବାହାରିବା ପରି ଲୁଟେରାଙ୍କୁ ଖୋଜୁ ଖୋଜୁ ସୁନା କିଣୁଥିବା ଦଲାଲମାନଙ୍କ ବାବଦରେ ଜାଣିବାକୁ ପାଇଥିଲା ପୋଲିସ୍ । ଆଉ ସେମାନଙ୍କ ଭିତରୁ ସୁନା କିଣିଥିବା ଦୋକାନୀ ଓ ବଣିଆଙ୍କୁ ଗିରଫ ମଧ୍ୟ କରାଯାଇଛି ।