ମାୟାନଗରୀରେ ଆତଙ୍କବାଦୀ ଆକ୍ରମଣ ସୂଚନା । ହାଇଆଲର୍ଟ ଜାରି କଲା ମୁମ୍ବାଇ ପୋଲିସ ।
କନକ ବ୍ୟୁରୋ: ଓମିକ୍ରନକୁ ଦୃଷ୍ଟିରେ ରଖି ନୂଆ ବର୍ଷ ପାଳନକୁ ମାୟାନଗରୀ ମୁମ୍ବାଇରେ ନିଷିଦ୍ଧ କରାଯାଇଥିବାବେଳେ ଏଠାରେ ଖାଲିସ୍ତାନୀ ଆତଙ୍କବାଦୀ ଆକ୍ରମଣ ସୂଚନା ପାଇଛି ଗୁଇନ୍ଦା ବିଭାଗ । ଏହାକୁ ନେଇ ସାରା ସହରରେ ହାଇ ଆଲର୍ଟ ଜାରି କରିଛି ମୁମ୍ବାଇ ପୋଲିସ ।ସୂଚନା ପାଇବା ପରେ ମୁମ୍ବାଇ ପୁଲିସ ପ୍ରମୁଖ ରେଳଷ୍ଟେସନ୍ ଏବଂ ଅନ୍ୟ ସର୍ବସାଧାରଣ ସ୍ଥାନଗୁଡ଼ିକରେ ନିରାପତ୍ତା ବ୍ୟବସ୍ଥା କଠୋର କରିବା ସହ ପୁଲିସ କର୍ମଚାରୀମାନଙ୍କର ସାପ୍ତାହିକ ଛୁଟି ଏବଂ ଦୀର୍ଘକାଳୀନ ଛୁଟି ବାତିଲ କରିଛି।
Kanak News is now on WhatsApp
Join and get latest news updates delivered to you via WhatsApp
ନବବର୍ଷ ଅବ୍ୟବହିତ ପୂର୍ବରୁ ମୁମ୍ବାଇରେ ଖଲିସ୍ତାନୀ ଆତଙ୍କବାଦୀମାନେ ଆକ୍ରମଣ କରିବାର ସମ୍ଭାବନା ଥିବା ପୁଲିସକୁ ସୂଚନା ମିଳିଛି। ତେଣୁ, ଶୁକ୍ରବାର ଦିନ ‘ବନ୍ଦୋବସ୍ତ ଡିୟୁଟି’ ନିମନ୍ତେ ଆମେ ପୁଲିସ କର୍ମଚାରୀମାନଙ୍କର ସାପ୍ତାହିକ ଛୁଟି ଏବଂ ଦୀର୍ଘକାଳୀନ ଛୁଟି ବାତିଲ କରିଛୁ। ଆମେ ସଜାଗ ରହିଛୁ ଏବଂ ଡିସେମ୍ବର ୩୧ ତାରିଖ ଦିନ ସମଗ୍ର ସହର ଉପରେ ସତର୍କ ଦୃଷ୍ଟି ରଖିବୁ।
‘ଜିଆର୍ପି’ ମୁମ୍ବାଇର କମିସନର୍ କାଇଜର୍ ଖଲିଦ୍ ଟୁଇଟ୍ କରି କହିଛନ୍ତି, କୋଭିଡ୍-୧୯ ପରିସ୍ଥିତି ସଂକ୍ରାନ୍ତରେ ସରକାରଙ୍କ ନିର୍ଦେଶ ମାନିବାକୁ ଆମେ ଜନସାଧାରଣଙ୍କୁ ପରାମର୍ଶ ଦେଉଛୁ। ଗୁରୁତ୍ବପୂର୍ଣ୍ଣ ରେଳ ଷ୍ଟେସନ୍ରେ ଯାଞ୍ଚ, ତଲାସ ଏବଂ ଆକ୍ରମଣ ଭଣ୍ଡୁର କରିବା ପାଇଁ ପୁଲିସ ବହୁସଂଖ୍ୟକ କର୍ମଚାରୀ ମୁତୟନ କରିଛି। ଆମେ କଡ଼ାକଡ଼ି ଆଇନ ପ୍ରବର୍ତ୍ତନ କରିବୁ। ଏଥିପାଇଁ ଜନସାଧାରଣଙ୍କ ସହଯୋଗ ଲୋଡୁଛୁ।