ହରିଆଣା ନୁହ ହିଂସାକୁ ନେଇ ମୁଖ୍ୟମନ୍ତ୍ରୀ ଖଟ୍ଟରଙ୍କ ବୟାନ । କହିଲେ ପ୍ରତିବ୍ୟକ୍ତିଙ୍କୁ ନା ପୋଲିସ ନା ସେନା କେହି ବି ସୁରକ୍ଷା ଦେଇପାରିବେ ନାହିଁ
କନକ ବ୍ୟୁରୋ : ନୁହ ହିଂସା ଭିତରେ ପ୍ରତିକ୍ରିୟା ରଖିଛନ୍ତି ହରିଆଣା ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟର । ସେ କହିଛନ୍ତି କି ପ୍ରତିବ୍ୟକ୍ତିଙ୍କୁ ସୁରକ୍ଷା ଦେବା ସମ୍ଭବ ନୁହେଁ । ଏଥିପାଇଁ ଆମକୁ ସ୍ଥିତି ବଦଳାଇବାକୁ ପଡିବ । ପ୍ରତିବ୍ୟକ୍ତିକୁ ନା ପୋଲିସ ନା ସେନା କେହି ବି ସୁରକ୍ଷା ଦେଇପାରିବେ ନାହିଁ । ଏଥିପାଇଁ ସାମାଜିକ ସଦଭାବ ଠିକ କରିବାକୁ ପଡିବ ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି, ଆପଣ ଯେକୌଣସି ଦେଶକୁ ଯାଆନ୍ତୁ ନା କାହିଁକି ପୋଲିସ ପ୍ରତ୍ୟେକ ବ୍ୟକ୍ତିଙ୍କୁ ସୁରକ୍ଷା ଦେଇପାରିବ ନାହିଁ । କିନ୍ତୁ ଏଥିପାଇଁ ଏଭଳି ବାତାବରଣ ସୃଷ୍ଟି କରିବାକୁ ପଡିବ । ଏନେଇ ରାଜ୍ୟରେ କେନ୍ଦ୍ରୀୟ ରିଜର୍ଭ ପୋଲିସର ୨୦ଟି ଟିମ୍ ନିୟୋଜିତ କରାଯାଇଛି । ସେମାନଙ୍କ ମଧ୍ୟରୁ ନୁଂହରେ ୧୪ଟି ଟିମ୍, ପଲବଲରେ ୩ଟି ଟିମ୍, ଗୁରୁଗ୍ରାମରେ ୨ଟି ଓ ଫରିଦାବାଦରେ ଗୋଟିଏ ଟିମ୍ ନିୟୋଜିତ କରାଯାଇଛି ।
ସେପଟେ ମୋନୁ ମାନେସରଙ୍କ ଗିରଫ ସଂପର୍କରେ ଖଟ୍ଟର କହିଛନ୍ତି ଏନେଇ ତାଙ୍କ ପାଖରେ କୌଣସି ସୂଚନା ନାହିଁ । ଆମେ ରାଜସ୍ଥଶନ ସରକାରଙ୍କୁ ସାହାଯ୍ୟ ମାଗିଛୁ, କାରଣ ଏହାପୂର୍ବରୁ ମାନେସରଙ୍କ ନାମରେ ରାଜସ୍ଥାନ ସରକାର ମାମଲା ରୁଜୁ କରିଥିଲା । ରାଜସ୍ଥାନ ସରକାରଙ୍କୁ ସମସ୍ତ ପ୍ରକାର ସହାୟତା କରିବାକୁ ଆମେ ପ୍ରସ୍ତୁତ ଅଛୁ । ଏହି ମାମଲାରେ ରାଜସ୍ଥାନ ପୋଲିସ କାର୍ଯ୍ୟାନୁଷ୍ଠାନ ନେବାକୁ ତାଙ୍କୁ ସ୍ୱାଧୀନତା ଦିଆଯାଇଛି ।
ସୂଚନା ଥାଉକି ହରିଆଣାର ନୁହ ହିଂସାରେ ଏପର୍ଯ୍ୟନ୍ତ ଦୁଇଜଣ ହୋମଗାର୍ଡଙ୍କ ସମେତ ୬ଜଣଙ୍କର ମୃତ୍ୟୁ ହୋଇଛି । ମାମଲାରେ ସଂପୃକ୍ତ ଥିବା ସନ୍ଦ୍ରେେ ୧୧୬ଜଣଙ୍କୁ ଗିରଫ କରାଯାଇଛି ।