ହସ୍ପିଟାଲରେ କର୍ମଚାରୀଙ୍କ ପାଇଁ ଡ୍ରେସ୍ କୋଡ୍ ଲାଗୁ , ସ୍ୱାସ୍ଥ୍ୟମନ୍ତ୍ରୀ କହିଲେ – ମେକଅପ୍ କି ଜିନ୍ସ ଚଳିବନି ।
କନକ ବ୍ୟୁରୋ: ହରିୟାଣା ସରକାର ହସ୍ପିଟାଲ କର୍ମଚାରୀଙ୍କ ପାଇଁ ସ୍ୱତନ୍ତ୍ର ଡ୍ରେସ୍ କୋଡ୍ ଜାରି କରିଛନ୍ତି । ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଅନିଲ ବିଜ୍ କହିଛନ୍ତି ଯେ, ସରକାରୀ ସ୍ୱାସ୍ଥ୍ୟ କେନ୍ଦ୍ରରେ କାମ କରୁଥିବା କର୍ମଚାରୀଙ୍କୁ ଏଣିକି ସ୍ୱତନ୍ତ୍ର ପୋଷାକ ପିନ୍ଧିବାକୁ ପଡିବ । ଏହାର ଉଲଙ୍ଘନ କଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଖାଲି ଏତିକି ନୁହେଁ କୌଣସି ମହିଳା କର୍ମଚାରୀ ମେକଅପ ନେଇ ପାରିବେ ନାହିଁ କି କେହି ଜିନ୍ସ ପିନ୍ଧି ଆସିପାରିବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ମନ୍ତ୍ରୀଙ୍କ କହିବା କଥା, ଯେକୌଣସି ଘରୋଇ ହସ୍ପିଟାଲକୁ ଗଲେ ସେଠାରେ ସବୁ ଡାକ୍ତରଙ୍କ ଠାରୁ ଆରମ୍ଭ କରି ସ୍ୱାସ୍ଥ୍ୟକର୍ମୀ ସମସ୍ତେ ଡ୍ରେସ୍ କୋଡରେ ରହୁଛନ୍ତି । ହେଲେ ସରକାରୀ ହସ୍ପିଟାଲରେ ଏହାର ବ୍ୟତୀକ୍ରମ ଘଟୁଛି । ରୋଗୀ ଓ ସ୍ୱାସ୍ଥ୍ୟ କର୍ମୀଙ୍କ ଭିତରେ ଫରକ୍ ଜଣାପଡୁନି । ଏହାଦ୍ୱାରା ଅନେକ ସମୟରେ ବିଭିନ୍ନ ସମସ୍ୟା ସୃଷ୍ଟି ହେଉଥିଲେ ବି ଏହାର ଠିକଣା ଲଗାଯାଇପାରୁନାହିଁ । ତେଣୁ ଏସବୁକୁ ଦୃଷ୍ଟିରେ ରଖି ସରକାରୀ ହସ୍ପିଟାଲରେ ସବୁ କର୍ମଚାରୀଙ୍କ ପାଇଁ ଡ୍ରେସ୍ କୋଡ୍ ବାଧ୍ୟତାମୂଳକ କରାଯାଇଛି ।