ମଦ ନାଁରେ କେମିକାଲ ପାଉଚ୍ ବିକ୍ରି । ଯାହାକୁ ପିଇ ଗଲା ୧୯ ଜୀବନ, ୪୦ରୁ ଅଧିକ ଗୁରୁତର ।
କନକ ବ୍ୟୁରୋ: ଗୁଜୁରାଟ ବୋଟାଦ ଜିଲ୍ଲାର ରୋଜିଦ୍ ଇଲାକାରେ ବିଷାକ୍ତ ମଦ ପିଇ ୧୯ ଜଣ ପ୍ରାଣ ହରାଇଥିବାବେଳେ ୪୦ ଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଘଟଣା ପରେ ପୋଲିସ ତନାଘନା ଚଳାଇଛି । ଏହାସହ କେମିକାଲ ବନାଉଥିବା ଫ୍ୟାକ୍ଟ୍ରି ମାଲିକ ସହ ୧୦ଜଣଙ୍କୁ ଗିରଫ କରିଛି ।
Kanak News is now on WhatsApp
Join and get latest news updates delivered to you via WhatsApp
ପୋଲିସର ପ୍ରାଥମିକ ସୂଚନା ମୁତାବକ, ମଦ ନୁହେଁ ବରଂ କେମିକାଲ ପାଉଚ୍ କରି ବିକ୍ରି କରୁଥିଲେ କିଛି ଯୁବକ, ଯାହାକୁ ପିଇ ଲୋକେ ପ୍ରାଣ ହରାଇଛନ୍ତି । ଏହାକୁ ପୁରା ଯୋଜନା ବଦ୍ଧ ଭାବରେ କରାଯାଇଛି । ଏଠାରେ ଥିବା ଇମୋସ୍ ନାମକ କମ୍ପାନୀ ମିଥାଇଲ ପ୍ରସ୍ତୁତ କରେ । କମ୍ପାନୀର ଗୋଦାମ ମ୍ୟାନେଜର ଜୟେଶ ଗୋଦାମରୁ ପାଖାପଖି ୨୦୦ ଲିଟର କେମିକାଲ ବାହାର କରି ୬୦ ହଜାର ଟଙ୍କାରେ ବିକ୍ରି କରିଦେଇଥିଲା । ଯାହାକୁ ନେଇ କିଛି ଯୁବକ ପାଉଚ୍ ପ୍ରସ୍ତୁତ କରି ମଦ ନାଁରେ ବିକିଦେଇଥିଲେ । ଏହି କେମିକାଲ କୁ ପିଇ ଲୋକଙ୍କ ଜୀବନ ଯାଇଛି । ଏବେବି ଅନେକ ଡାକ୍ତରଖାନାରେ ଜୀବନ ମରଣ ସହ ସଙ୍ଘର୍ଷ କରୁଥିବା ଜଣାପଡିଛି । ତେବେ ସମ୍ପୃକ୍ତ କେମିକାଲ ଫ୍ୟାକ୍ଟି ମାଲିକକୁ ଗିରଫ କରିବା ସହ କେମିକାଲ ପାଉଚ୍ ପ୍ରସ୍ତୁତ କରି ବିକିଥିବା ସମସ୍ତ ଯୁବକଙ୍କୁ ଗିରଫ କରି ସେମାନଙ୍କ ବିରୋଧରେ ହତ୍ୟା ମାମଲା ଚଳାଇଛି ପୋଲିସ ।