କନକ ବ୍ୟୁରୋ : ଗୁଜରାଟ ଓ ହିମାଚଳ ପ୍ରଦେଶରେ ଅନୁଷ୍ଠିତ ହେବାକୁ ଯାଉଛି ବିଧାନସଭା ନିର୍ବାଚନ । ଏହି ନିର୍ବାଚନକୁ ନେଇ ରାଜନୈତିକ ଚର୍ଚ୍ଚା ଜୋର ଧରିଥିବା ବେଳେ କଂଗ୍ରେସ ଛାଡିଥିବା ପୂର୍ବତନ କଂଗ୍ରେସ ନେତା ଗୁଲାମନବୀ ଆଜାଦଙ୍କର ପୁଣି କଂଗ୍ରେସ ପ୍ରେମ ଦେଖିବାକୁ ମିଳିଛି । ଗୋଟିଏ ପଟେ ସେ କଂଗ୍ରେସ ଛାଡି ନିଜର ସ୍ୱତନ୍ତ୍ର ଦଳ ପ୍ରତିଷ୍ଠା କରିସାରିଥିବା ବେଳେ ଏବେ ସେ ଗୁଜରାଟ ଓ ହିମାଚଳରେ କଂଗ୍ରେସର ପ୍ରଦର୍ଶନକୁ ନେଇ ଟିପ୍ପଣୀ କରିଛନ୍ତି । ସେ କହିଛନ୍ତି କି, ଏବେ ମୁଁ କଂଗ୍ରେସରେ ନଥିଲେ ବି ମୁଁ ଚାହୁଁଛି କଂଗ୍ରେସ ଉଭୟ ଗୁଜରାଟ ଓ ହିମାଚଳ ପ୍ରଦେଶରେ ବିଜୟ ଲାଭ କରୁ । ସେ ଆହୁରି କହିଛନ୍ତି କି କଂଗ୍ରେସର ଧର୍ମ ନିରପେକ୍ଷତା ବିରୋଧରେ ସେ ନୁହଁନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଆମ୍ ଆଦମୀ ପାର୍ଟିକୁ ଟାର୍ଗେଟ କରି ଆଜାଦ କହିଛନ୍ତି ଯେ, ଆପ କେବଳ କେନ୍ଦ୍ରଶାସିତ ଅଞ୍ଚଳ ଦିଲ୍ଲୀର ପାର୍ଟି । ସେ କେବେ ବି ପଞ୍ଜାବରେ ସରକାର ଚଳାଇ ପାରିବ ନାହିଁ । ଏହାସହ ହିମାଚଳ ଓ ଗୁଜରାଟରେ କଂଗ୍ରେସ ହିଁ କେବଳ ବିଜେପିକୁ ଚ୍ୟାଲେଞ୍ଜ ଦେଇପାରିବ ବୋଲି ସେ କହିଛନ୍ତି । ଏହା ସହ ଏବେ ପଞ୍ଜାବରେ ନିର୍ବାଚନ ହେଲେ ଆମ୍ ଆଦମୀ ପାର୍ଟି ପରାଜିତ ହେବ ବୋଲି ଆଜାଦ କହିଛନ୍ତି ।
କହିରଖୁ କି ଉଭୟ ଗୁଜରାଟ ଓ ହିମାଚଳରେ ତ୍ରୀକୋଣୀୟ ଲଢେଇ ଆରମ୍ଭ ହୋଇଛି । ଏଥିରେ ବିଜେପି, କଂଗ୍ରେସ ଓ ଆମ୍ ଆଦମୀ ପାର୍ଟି ସାମିଲ ଅଛନ୍ତି । ୨୦୧୭ ଗୁଜରାଟ ବିଧାନସଭା ନିର୍ବାଚନରେ ମୋଟ ୧୮୨ ଆସନରୁ ବିଜେପି ୯୯, କଂଗ୍ରେସ ୭୭ ଟି ଆସନରେ ବିଜୟଲାଭ କରିଥିଲେ । ସେହିଭଳି ୨୦୧୭ ହିମାଚଳ ପ୍ରଦେଶ ବିଧାନସଭା ନିର୍ବାଚନରେ ମୋଟ ୬୮ ଟି ଆସନ ମଧ୍ୟରୁ ବିଜେପି ୪୪ ଟି ଓ କଂଗ୍ରେସ ୨୧ ଟି ଆସନରେ ବିଜୟୀ ହୋଇଥିଲା ।