ଆମେରିକାରେ ନିର୍ବାଚନ ଲଢିବେ ଉତ୍ତର ପ୍ରଦେଶ ଝିଅ । ଜୋ ବାଇଡେନଙ୍କ ପାର୍ଟିରୁ ପ୍ରାର୍ଥୀ ହୋଇ ଦେଶକୁ କଲେ ଗର୍ବିତ
କନକ ବ୍ୟୁରୋ : କିଛିବର୍ଷ ହେବ ଭାରତୀୟମାନେ ସାରା ଦେଶରେ ନାଁ କମାଇବାରେ ଲାଗିଛନ୍ତି । ଭାରତୀୟ ବଂଶୋଦ୍ଭବ କମଳା ହାରିସ ଆମେରିକାର ଉପ ରାଷ୍ଟ୍ରପତି ପଦରେ ଅଧିଷ୍ଠିତ ହୋଇ ଦେଶକୁ ଗର୍ବିତ କରିଥିବା ବେଳେ ଏବେ ପୁଣି ଜଣେ ଭାରତୀୟ ମହିଳା ଆମେରିକାର ଶାସିତ ଜୋ ବାଇଡେନଙ୍କ ପାର୍ଟିରୁ ପ୍ରାର୍ଥୀ ହୋଇ ନିର୍ବାଚନ ଲଢିବାକୁ ଯାଉଛନ୍ତି । ଉତ୍ତର ପ୍ରଦେଶ ଗାଜିଆବାଦରେ ରହୁଥିବା ଭାରତୀୟ ଭାରତୀୟ ମୂଳ ନିବାସୀ ସବା ହାଇଦର ଏବେ ଆମେରିକା କାଉଣ୍ଟି ବୋର୍ଡ ନିର୍ବାଚନରେ ପ୍ରାର୍ଥୀ ହେବାକୁ ଯାଉଛନ୍ତି । ଆମେରିକାର ଡୁପେଜ କାଉଣ୍ଟ ବୋର୍ଡ ନିର୍ବାଚନରେ ଜୋ ବାଇଡେନଙ୍କ ଡେମୋକାଟ୍ରିକ ପାର୍ଟିରୁ ସେ ପ୍ରତିଦ୍ୱନ୍ଦିତା କରିବେ । ଏହା ପୂର୍ବରୁ ସେ ୨୦୨୧ ମସିହାରେ ସ୍କୁଲବୋର୍ଡ ନିର୍ବାଚନ ମଧ୍ୟ ଲଢି ସାରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୁହାଯାଉଛି କି ମୂଳ ଭାରତୀୟ ଝିଅ ସବା ହାଇଦରଙ୍କ ସମାଜସେବାକୁ ନଜରରେ ରଖି ବାଇଡେନଙ୍କ ପାର୍ଟି ତରଫରୁ ତାଙ୍କୁ ପ୍ରାର୍ଥୀ ଭାବେ ଚୟନ କରାଯାଇଛି । ଏହି କାଉଣ୍ଟ ବୋର୍ଡ ନିର୍ବାଚନରେ ୧୦ ଲକ୍ଷ ମତଦାତା ଭୋଟ ଦେବେ ବୋଲି ଜଣାପଡିଛି ।
ସୂଚନା ମୁତାବକ ସବା ହାଇଦର ୨୦୦୭ ମସିହାରେ ନିଜ ସ୍ୱାମୀଙ୍କ ସହ ଏକ କମ୍ପାନୀ ପ୍ରୋଜେକ୍ଟରେ କାମ କରିବାକୁ ଆମେରିକା ଯାଇଥିଲେ । ଏହାପରେ ସେଠାରେ ସେ ଜଣେ ଜବ୍ କନସଲେଣ୍ଟ ଭାବେ କାମ କରିବା ଆରମ୍ଭ କରିଦେଇଥିଲେ । ଏହାସହ ୧୦ ବର୍ଷ ହେବ ସେ ଜଣେ ଯୋଗ ପ୍ରଶିକ୍ଷକ ଭାବେ ସେଠାରେ କାର୍ଯ୍ୟ କରୁଛନ୍ତି । ଏହାସହ ସେଠାରେ ଜଣେ ସାମାଜିକ କର୍ମକର୍ତ୍ତା ଭାବେ ବେଶ୍ ସୁନାମ ଅର୍ଜନ କରିଛନ୍ତି ।
ସେପଟେ ଏହି ନିର୍ବାଚନରେ ଯଦି ସବା ହାଇଦର ବିଜୟୀ ହେଉଛନ୍ତି ତେବେ ସେ ରାଜ୍ୟସ୍ତରୀୟ ପ୍ରବନ୍ଧ ମଣ୍ଡଳର ସଦସ୍ୟ ହୋଇଯିବେ । କରୋନା ସମୟରେ ସବା ହାଇଦର ଯେଭଳି ଭାବେ କାମ କରିଥିଲେ ତାହାକୁ ନଜରରେ ରଖି ଡେମୋକ୍ରାଟିକ ପାର୍ଟି ତରଫରୁ ତାଙ୍କୁ ପ୍ରାର୍ଥୀ କରାଯାଇଥିବା କୁହାଯାଉଛି ।