ଆମ ଲୋକ ସାହାଯ୍ୟ ମାଗୁଛନ୍ତି. ଅନ୍ୟ ଦେଶର ଲୋକେ ହସ୍ତକ୍ଷେପ କରୁଛନ୍ତି… ରାହୁଲଙ୍କୁ ଟାର୍ଗେଟ କଲେ ଜୟଶଙ୍କର
କନକ ବ୍ୟୁରୋ: ବୈଦେଶିକ ମନ୍ତ୍ରୀ ଏସ ଜୟଶଙ୍କର ଦେଶର ରାଜନୀତି ବାବଦରେ ବିଦେଶୀ ହସ୍ତକ୍ଷେପ ଉପରେ ମତ ରଖିଛନ୍ତି । ଶୁକ୍ରବାର ଭାରତୀୟ ଜନତା ଯୁବ ମୋର୍ଚ୍ଚାର ଏକ କାର୍ଯ୍ୟକ୍ରମକୁ ସମ୍ବୋଧନ ବେଳେ ସେ ନିଜର ମତ ରଖିଛନ୍ତି । ଏଠାରେ ସେ ଇସାରା ଇସାରରେ ରାହୁଲ ଗାନ୍ଧୀଙ୍କ ଉପରେ ଟାର୍ଗେଟ କରିଛନ୍ତି । ସେ କହିଛନ୍ତି ଦେଶ ଭିତରର ଲୋକ ଏଠାକାର ରାଜନୀତି ବାବଦରେ ବାହାରେ ଚର୍ଚ୍ଚା କରୁଛନ୍ତି । ସେହିଭଳି ବାହାରର ଲୋକମାନେ ମଧ୍ୟ ଆମଦେଶର ରାଜନୀତିରେ ଦଖଲ ଅନ୍ଦାଜ କରୁଛନ୍ତି । ଆଜିକାଲି ସେ ଏହିଭଳି ଘଟଣା ଅନେକ ସଂଖ୍ୟାରେ ଦେଖୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜୟଶଙ୍କର ନିଜ ମତ ରଖିବା ବେଳେ ଅର୍ନ୍ତରାଷ୍ଟ୍ରୀୟ ଦଖଲ ଅନ୍ଦାଜକୁ ନେଇ କହିଛନ୍ତି ୨୦୧୪ ପୂର୍ବରୁ ସାରା ବିଶ୍ୱ ଠିକ ଥିଲା । ତେବେ ୨୦୧୪ ପରେ ସବୁକିଛି ବଦଳିଯାଇଛି । ଲୋକଙ୍କ ଆମ ଉପରେ ଥିବା ନଜର ବଦଳିଛି । ପୂର୍ବରୁ ଯେଉଁମାନେ ଆମ ଉପରେ ବିଶ୍ୱାସ କରୁନଥିଲେ ବର୍ତ୍ତମାନ ସେମାନେ ବିଶ୍ୱାସ କରିବା ଆରମ୍ଭ କରିଦେଇଛନ୍ତି । ତେବେ ହଠାତ କିଛି ଜଣ କହୁଛନ୍ତି ଯେ ସବୁ କିଛି ଭୁଲ ଚାଲିଛି ।