ବାରବାଟୀରେ ଟିକେଟ କିଣାକୁ ନେଇ ଆସିଲା ସାଂଘାତିକ ଅଭିଯୋଗ । ଧନୀଙ୍କ ପାଇଁ ଧାଡିରେ ଛିଡା ହୋଇ ଟିକେଟ୍ ନେଲେ ଦିନ ମଜୁରିଆ
କନକ ବ୍ୟୁରୋ : ଭାରତ- ଦକ୍ଷିଣ ଆଫ୍ରିକା ମଧ୍ୟରେ ହେବାକୁ ଥିବା ଟି-୨୦ ମ୍ୟାଚ୍ ପାଇଁ ଟିକେଟ କିଣିବାକୁ ଆସିଥିଲେ ମଧ୍ୟ କାହା, କାହା ଭିତରେ ଖେଳ ହେଉଛି ସେମାନେ ଜାଣିନାହାନ୍ତି । ଚର୍ଚ୍ଚା ହେଉଛି ଧନୀ ଲୋକମାନେ ଧାଡିରେ ଛିଡା ନହୋଇ ମଜୁରିଆଙ୍କୁ ଟିକେଟ କାଉଣ୍ଟର ବାହାରେ ଛିଡା କରି ଟିକେଟ ହାତେଇଛନ୍ତି । ଏପରିକି ଟିକେଟ କଳାବଜାରୀ କରିବା ଉଦ୍ଦେଶ୍ୟରେ ମଧ୍ୟ ଲୋକ ଲଗାଇ ଟିକେଟ ସଂଗ୍ରହ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ୧୨ ହଜାର ଟିକେଟ୍ ପାଇଁ ୯ଟି କାଉଣ୍ଟର ଖୋଲା ଯାଇଥିବାବେଳେ ମହିଳାଙ୍କ ପାଇଁ ଦୁଇଟି ସ୍ୱତନ୍ତ୍ର କାଉଣ୍ଟର ଉଦ୍ଦିଷ୍ଟ ଥିଲା । ଆଉ ଏହି ସ୍ୱତନ୍ତ୍ର କାଉଣ୍ଟରରେ ବସ୍ତି ମହିଳାଙ୍କୁ ଛିଡା କରାଇ ଟିକେଟ କିଣିଛନ୍ତି ଦଲାଲ । ଏପରିକି ଖରାରେ ଟିକେଟ ନେବାପାଇଁ ଧାଡିରେ ଛିଡା ହୋଇଥିବା ମହିଳାଙ୍କୁ କଳାବଜାରୀମାନେ ପାଣି ଓ ବିସ୍କୁଟ ଯୋଗାଇ ଦେଉଥିବା ଦେଖାଯାଇଥିଲା । ଅଭିଯୋଗ ହେଉଛି ଜଣେ ମହିଳାଙ୍କୁ ୪୦୦ରୁ ୫୦୦ ଟଙ୍କା ଦେଇ ବସ୍ତି ମହିଳାଙ୍କୁ ଧାଡିରେ ଛିଡା କରାଇଥିଲେ କଳାବଜାରୀ ।
ତେଣୁ ପଇସା ପାଇ ଏମାନେ ଦାର୍ଘ ସମୟ ଧାଡିରେ ଛିଡା ହେବା ସହ ଟିକେଟ ହାତେଇ ନେଇଥିଲେ । ଏକାଧିକ ବୟସ୍କ ମହିଳା ଓ ପୁରୁଷ ବସ୍ତିବାସିନ୍ଦା ଟିକେଟ କାଉଣ୍ଟର ଆଗରେ ଲାଇନ ଲଗାଇଥିବା ଦେଖାଯାଇଥିଲା । ଫଳରେ ଗତକାଲି ସକାଳ ୯ଟାରୁ ସଂଧ୍ୟା ୬ଟା ମଧ୍ୟରେ ସମସ୍ତ ଟିକେଟ ବିକ୍ରି ହୋଇଗଲା । ଆଉ ଏବେ ତାହା ସୋସିଆଲ ମିଡିଆରେ ବିକ୍ରି ଚାଲିଛି । ୫ଶହ ଟଙ୍କାର ରିକେଟ ୫ ହଜାର ଟଙ୍କାରେ ବିକ୍ରି ହେବାପାଇଁ ସୋସିଆଲ ମିଡିଆରେ ବିଜ୍ଞାପନ ଦିଆଯାଇଛି ।