ଟ୍ୱିଟର ପରେ ଫେସବୁକରେ ଆରମ୍ଭ ହେଲା କି ଛଟେଇ ? ଇସ୍ତଫା ଦେଲେ ଭାରତ ମୁଖ୍ୟ
କନକ ବ୍ୟୁରୋ : ଗୋଟିଏ ପଟେ ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରରେ କର୍ମଚାରୀ ଛଟେଇ ଚାଲିଥିବା ବେଳେ ଆଜି ଫେସବୁକର ଭାରତ ମୁଖ୍ୟ ଅଜିତ ମୋହନ ନିଜ ପଦରୁ ଇସ୍ତଫା ଦେଇଛନ୍ତି । ଅଜିତ ଦୀର୍ଘ ୪ ବର୍ଷ ଧରି ଏହି ପଦରେ ରହିବା ପରେ ଆଜି ଇସ୍ତଫା ଦେଇଛନ୍ତି । କମ୍ପାନୀ ତରଫରୁ ଏକ ଗଣମାଧ୍ୟମ ସହାୟତାରେ ଏହି ସୂଚନା ଦିଆଯାଇଛି । ଫେସବୁକ ଇଣ୍ଡିଆର ନିର୍ଦ୍ଦେଶକ ପ୍ରମୁଖ ମନୀଷ ଚୋପଡା ଅନ୍ତରୀଣ ଆଧାରରେ ଏବେ ଏହି ପଦରେ ଅବସ୍ଥାପିତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଅଜିତ ମୋହନ ତାଙ୍କ ଲିଙ୍କଡଇନ ପୋଷ୍ଟରେ ଉଲ୍ଲେଖ କରିଛନ୍ତି ଯେ ସୋସିଆଲ ମିଡିଆ ପ୍ଲାଟଫର୍ମ ସ୍କ୍ରେପ ପାଇଁ କାମ କରିବାକୁ ଯାଉଛନ୍ତି । ସେ ସ୍କ୍ରେପର ଏକଜ୍ୟୁକଟିଭ ଟିମରେ ଭାଗ ନେବେ । ଏହାସହ ତାଙ୍କୁ ଭାରତ ଭଳି ଏକ ମହତ୍ୱପୂର୍ଣ୍ଣ ଦେଶରେ ଫେସବୁକ୍ ଯେଉଁ ସୁଯୋଗ ଦେଇଥିଲା ତାହା ପାଇଁ ସେ କମ୍ପାନୀକୁ ଧନ୍ୟବାଦ ଜଣାଇଛନ୍ତି ।
ସୂଚନା ଥାଉକି ୨୦୧୯ ଜାନୁଆରୀ ମାସରେ ଅଜିତ ଫେସବୁକ୍ ଇଣ୍ଡିଆରେ ପରିଚାଳନା ନିର୍ଦ୍ଦେଶକ ଭାବେ ଯୋଗ ଦେଇଥିଲେ । ସେ ତାଙ୍କ କାର୍ଯ୍ୟକାଳରେ ଭାରତରେ ପ୍ରଡକ୍ଟ, ହ୍ୱାଟସଆପ୍ ଓ ଇନଷ୍ଟାଗ୍ରାମରେ ୨୦୦ ମିଲିୟନରୁ ଅଧିକ ୟୁଜର୍ସ ଯୋଡିଥିଲେ । ସେ ପୂର୍ବରୁ ଷ୍ଟାର ଇଣ୍ଡିଆର ଭିଡିଓ ଷ୍ଟ୍ରିମିଂ ସର୍ଭିସ ହଟଷ୍ଟାରର ମୁଖ୍ୟ ପରିଚାଳକ ଭାବେ କାମ କରିଛନ୍ତି ।