୩୦୦ ରୁ ଅଧିକ ସହରରେ ଫେସବୁକ ଦେଉଛି ୫୦ ଲକ୍ଷ ପର୍ଯ୍ୟନ୍ତ ଋଣ, ଜାଣନ୍ତୁ କେମିତି କରିବେ ଆବେଦନ
କନକ ବ୍ୟୁରୋ : ଯଦି ଆପଣ କିଛି ଛୋଟ ବ୍ୟବସାୟ କରୁଛନ୍ତି ତ ଆପଣ ଫେସବୁକ୍ ଭଳି ସୋସିଆଲ ମିଡିଆ ବ୍ୟବହାର କରି ନିଜର ବ୍ୟବସାୟକୁ ବଢାଇ ପାରିବେ । ଏନେଇ ଫେସବୁକ୍ ତରଫରୁ ଏବେ ଋଣ ଦିଆଯାଉଛି । ଏନେଇ ଫେସବୁକ ଆପଣଙ୍କ ବ୍ୟବସାୟ ବୃଦ୍ଧି କରିବାକୁ ୫୦ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଦେଉଛି ।
Kanak News is now on WhatsApp
Join and get latest news updates delivered to you via WhatsApp
ଫେସବୁକ ତରଫରୁ ଛୋଟ ବ୍ୟବସାୟକୁ ବଡ କରିବା ଅର୍ଥାତ ନିଜ ବ୍ୟବସାୟକୁ ବୃଦ୍ଧି କରିବା ପାଇଁ ଏବେ ଋଣ ଦେବା ଆରମ୍ଭ କରିଛି । ଏନେଇ ନିଜେ ଫେସବୁକ ଋଣ ପ୍ରଦାନ କରୁ ନଥିବା ବେଳେ ଇଣ୍ଡିଫି କମ୍ପାନୀ ସହ ମିଶି ଋଣ ପ୍ରଦାନ କରୁଛି । ଏହି ଋଣ ପାଇବାକୁ ଫେସବୁକ ତରଫରୁ ସାଧାରଣ ସର୍ତ୍ତ ରଖାଯାଇଛି । କମ୍ପାନୀ ତରଫରୁ ପ୍ରଥମେ ଭାରତର ୨୦୦ଟି ସହରରେ ଏହି ଋଣ ଦେବା ଆରମ୍ଭ କରିଥିବା ବେଳେ ଏବେ ଏହାକୁ ବୃଦ୍ଧି କରି ୩୦୦ ଟି ସହରରେ ଋଣ ଦେଉଛି । ଏନେଇ କମ୍ପାନୀ ତରଫରୁ ସର୍ତ୍ତ ରଖାଯାଇଛି କି ଋଣ ନେବାକୁ ଚାହୁଁଥିବା ବ୍ୟବସାୟୀ ସର୍ବନିମ୍ନ ୬ ମାସ ହେବ ଫେସବୁକ ବ୍ୟବହାର କରୁଥିବେ । ଏହାସହ ଫେସବୁକ ମାଧ୍ୟମରେ ନିଜ ବ୍ୟବସାୟର ବିଜ୍ଞାପନ ଦେଇଥିବେ । ଏହା ବ୍ୟତୀତ ଇଣ୍ଡିଫି ତରଫରୁ ବି କିଛି ସର୍ତ୍ତ ରଖାଯାଇଛି ।
ଆପଣ ପ୍ରଥମେ Facebook Small Business Loans Initiative ସାଇଟକୁ ଯାଇ ଋଣ ପାଇଁ ଅନଲାଇନ ଆବେଦନ କରିପାରିବେ । ଆପଣ ପ୍ରଥମଥର ପାଇଁ ଆବେଦନ କରୁଥିଲେ ଆପଣଙ୍କ ବ୍ୟବସାୟର ସ୍ଥିତିକୁ ଦେଖି ଫେସବୁକ ଆପଣଙ୍କୁ ୨-୫୦ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଦେଇପାରେ । ଯଦି ଆପଣଙ୍କ ଋଣ ମଞ୍ଜୁର ହେବ ତେବେ ୩ ଦିନ ଅର୍ଥାତ ୭୨ ଘଂଟା ମଧ୍ୟରେ ଆପଣଙ୍କ ବ୍ୟାଙ୍କ ଖାତାକୁ ଋଣ ଟଙ୍କା ଆସିଯିବ । ଅନ୍ୟପଟେ ଋଣ ପାଇଁ ଆପଣଙ୍କୁ କୌଣସି ଜିନିଷ ବନ୍ଧକ ରଖିବାକୁ ପଡିବ ନାହିଁ । ଋଣ ଉପରେ ସୁଧ କଥା ଯଦି ଆଲୋଚନା କରିବା ତେବେ ଆପଣଙ୍କୁ ବାର୍ଷିକ ୧୭-୨୦ ପ୍ରତିଶତ ସୁଧ ଦେବାକୁ ପଡିବ । ଏହାସହ ମହିଳା ବ୍ୟବସାୟୀଙ୍କ ପାଇଁ କମ୍ପାନୀ ତରଫରୁ ୨ ପ୍ରତିଶତ ସୁଧହାର କମ କରାଯାଇଛି ।