କନକ ବ୍ୟୁରୋ: ସ୍ୱାଧୀନତାର ୭୫ ବର୍ଷ ପୂର୍ତ୍ତି ଅବସରରେ ‘ହର ଘର ତ୍ରିରଙ୍ଗା’ ଅଭିଯାନର ଶୁଭାରମ୍ଭ ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜୁଲାଇ ୨୨ରେ ଏହି କାର୍ଯ୍ୟକ୍ରମର ଘୋଷଣା କରିଥିଲେ । ଆଜାଦୀ କା ଅମୃତ ମହୋତ୍ସବ ଅନ୍ତର୍ଗତ ଏହି କାର୍ଯ୍ୟକ୍ରମ ଆଜିଠାରୁ ସାରା ଦେଶର ଆରମ୍ଭ ହୋଇଛି । ବିଭିନ୍ନ ବ୍ୟକ୍ତି ବିଶେଷ ନିଜ ଘରେ ତ୍ରିରଙ୍ଗା ଉଡାଇଛନ୍ତି । ଅଗଷ୍ଟ ୧୫ ତାରିଖ ଯାଏ ସମସ୍ତ ନାଗରକ ନିଜ ଘରେ ତ୍ରିରଙ୍ଗା ଉଡାଇବେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆମେ ସମସ୍ତେ ଜାଣିବା ଦରକାର ଜାତୀୟ ପତାକା ଉତ୍ତେଳନ ସମୟରେ ଆମେ କଣ କରିବା ଦରକାର ଆଉ କଣ ନୁହେଁ । ତେବେ ଆସନ୍ତୁ ଜାଣିବା ଯେ ପତାକା ଉତ୍ତୋଳନ ସନମୟରେ କଣ କରିବା ଆବଶ୍ୟକ ଆଉ କଣ ନୁହେଁ ।
ଭାରତୀୟ ସମ୍ବିଧାନର ଫ୍ଲାଗ କୋର୍ଡ ଅନୁସାରେ ତ୍ରିରଙ୍ଗାକୁ ଆମେ ବିଭିନ୍ନ ସମୟରେ ଉଡାଇପାରିବା । ଯେତେବେଳେ କୌଣସି ସ୍ଥାନରେ ସମ୍ମାନ ପ୍ରଦାନ କରାଯାଉଥିବ, ଯେତେବେଳେ ଦେଶକୁ ନେଇ କୌଣସି ଗର୍ବର ବିଷୟ ରହିଥିବ ସେହି ସ୍ଥାନରେ ତ୍ରିରଙ୍ଗା ଉଡାଯାଇପାରିବା । ତେବେ ପତାକା କୌଣସି ବି ସାଇଜର ହେଉଥାଉନା କାହିଁକି କିନ୍ତୁ ଏହାର ଅନୁପାତ ୩:୨ ହେବା ଦରକାର। ଏହା ଆୟତାକାର ହେବା ମଧ୍ୟ ଆବଶ୍ୟକ ।
ଫ୍ଲାଗ କୋର୍ଡର ଧାରା ୧୧ର ପାରା ୨.୨ରେ ଦ୍ୱିତୀୟ ଅଧ୍ୟାୟରେ ସୂର୍ଯ୍ୟ ଉଦୟ ପରେ ହିଁ ପତାକା ଉଡାଇବାର ନିୟମ ରହିଛି । ତେବେ ବର୍ତ୍ତମାନ ହର ଘର ତ୍ରିରଙ୍ଗା ଅଭିଯାନରେ କୌଣସି ବି ନାଗରିକଙ୍କ ଘରେ ୨୪ ଘଣ୍ଟା ଯାଏ ତ୍ରିରଙ୍ଗା ଉଡିପାରିବେ । ତେବେ ପତାକା ଉଡାଉଥିବା ବ୍ୟକ୍ତି ବିଶେଷ ଭାବେ ଧ୍ୟାନ ଦେବେ ଯେ ପତାକା କେଉଁଭଳି ସଠିକ ଭାବେ ଉଡୁଛି । ଏହା ସହ ନାରଙ୍ଗୀ ରଙ୍ଗ ଯେଉଁ ଭଳି ଉପରକୁ ରହିଛି ।
ପତାକା ଉଡିବା ସମୟରେ ଦେଖିବା ଦରକାର ଯେ ଏହାକୁ ଯେଉଁଭଳି କୌଣସି କ୍ଷତି ହୋଇନଥିବ । ସେହିଭଳି ଯିଏ ପତାକା ଉଡାଇବେ ସେ ଧ୍ୟାନ ଦେବେ ଯେ ପତାକା କୌଣସି ଖମ୍ବର ସବା ଉପରେ ଲାଗି ରହିବ ନାହିଁ । ଅର୍ଥାତ ସାମନ୍ୟ ତଳକୁ ଏହା ରହିବ । ଯଦି ଉଡୁଥିବା ଅବସ୍ଥାରେ ଏହାକୁ କୌଣସି କ୍ଷତି ପହଞ୍ଚେ ତେବେ ତୁରନ୍ତ ଏହାକୁ ବାହାର କରିଦିଆଯିବ । ଏହାକୁ କୌଣସି ଏକ ନିର୍ଦ୍ଧିଷ୍ଟ ସ୍ଥାନକୁ ନିଆଯାଇ ଗୁପ୍ତ ଭାବେ ନଷ୍ଟ କରାଯିବ ।