ପ୍ରକୃତିର କରାଳ ରୂପ : ବୁଡିଲା ମନ୍ଦିର, ଭୁଶୁଡିଲା ଘରଦ୍ୱାର; ସିମଲାରେ ମାଟିତଳେ ଦବିଗଲେ ୫୦ରୁ ଅଧିକ ଶ୍ରଦ୍ଧାଳୁ, ଉଦ୍ଧାରକାର୍ଯ୍ୟ ଜାରି
କନକ ବ୍ୟୁରୋ : ପ୍ରକୃତିର କରାଳ ରୂପ । ବାଦଲ ଫଟା ବର୍ଷାରେ ବେହାଲ ପୂର୍ବ ଭାରତର ପାହାଡି ରାଜ୍ୟ । ହିମାଚଳ ପ୍ରଦେଶ ଓ ଉତ୍ତରାଖଣ୍ଡରେ ବାଦଲ ଫଟା ବର୍ଷା ପାଇଁ ଉଛୁଳୁଛି ନଦୀ ପାଣି । ଫଳରେ ଏହି ଦୁଇଟି ରାଜ୍ୟରେ ଭୟଙ୍କର ସ୍ଥିତି ଦେଖିବାକୁ ମିଳିଛି । ହିମାଚଳପ୍ରଦେଶର ସିମଲାରେ ପ୍ରବଳ ବର୍ଷା ଓ ଭୁସ୍ଖଳନ ପାଇଁ ମାଟି ତଳେ ଦବି ଯାଇଛି ଶିବ ମନ୍ଦିର ।
Kanak News is now on WhatsApp
Join and get latest news updates delivered to you via WhatsApp
ଫଳରେ ଶ୍ରାବଣ ମାସ ସୋମବାର ପାଇଁ ମନ୍ଦିରକୁ ଆସିଥିବା ୫୦ରୁ ଅଧିକ ଶ୍ରଦ୍ଧାଳୁ ମାଟି ତଳେ ଦବି ଯାଇଛନ୍ତି । ସେମାନଙ୍କୁ ଉଦ୍ଧାର କରିବା ପାଇଁ ପ୍ରଶାସନ ପକ୍ଷରୁ ଉଦ୍ଧାରକାରୀ ଦଳ ନିୟୋଜିତ କରାଯାଇଛି । ସିମଲାର ସମରହିଲ ଅଞ୍ଚଳରେ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି ।
ସେହିପରି ହିମାଚଳ ପ୍ରଦେଶ ସୋଲାନରେ ବାଦଲ ଫଟା ବର୍ଷାରେ ୭ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଏହା ସହ ୩ ଜଣ ନିଖୋଜ ହୋଇଛନ୍ତି । ଭୁସ୍ଖଳନ ପାଇଁ ବଦ୍ରିନାଥ ଜାତୀୟ ରାଜପଥ ବନ୍ଦ ହୋଇଛି । ସେହିପରି ଚମୋଲିରେ ଭୁସ୍ଖଳନ ପାଇଁ ଅନେକ ଗାଡି ମାଟି ତଳେ ଦବି ଯାଇିବା ଦେଖିବାକୁ ମିଳିଛି । ଚଣ୍ଡିଗଡ-ମନାଲି ଜାତୀୟ ରାଜପଥରେ ଯାତାୟତ ଠପ୍ ହୋଇଛି ।
ଦୃଶ୍ୟ-୧
ଚମୋଲି, ଉତ୍ତରାଖଣ୍ଡ
ବାଦଲ ଫଟା ବର୍ଷାରେ ବେହାଲ ଉତ୍ତରାଖଣ୍ଡ । ପ୍ରବଳ ବର୍ଷା ଓ ଭୁସ୍ଖଳନରେ ସ୍ଥାନୀୟ ଅଞ୍ଚଳରେ ଭୟାବହ ସ୍ଥିତି ଦେଖିବାକୁ ମିଳିଛି । ଅନେକ ଯାନ ମାଟି ତଳେ ଦବି ଯାଇଥିବା ଦେଖିବାକୁ ମିଳିଛି ।
ଦୃଶ୍ୟ-୨
ଗଡୱାଲ, ଉତ୍ତରାଖଣ୍ଡ
ବର୍ଷାରେ ବେହାଲ ପୂର୍ବ ଭାରତ । ଉତ୍ତରାଖଣ୍ଡରେ ଗତ ୫୫ ଘଣ୍ଟା ଧରି ବର୍ଷା ଲାଗି ରହିଛି । ଏହାକୁ ନେଇ ବିଭିନ୍ନ ନଦୀରେ ବନ୍ୟା ସ୍ଥିତି ଦେଖିବାକୁ ମିଳିଛି । ବନ୍ୟାରେ ଅନେକ ଘର ଦ୍ୱାର ସମେତ ବହୁ ମନ୍ଦିର ବୁଡି ଯାଇଛି ।
ଦୃଶ୍ୟ-୩
ଡେରାଡୁନ, ଉତ୍ତରାଖଣ୍ଡ
ପ୍ରବଳ ବର୍ଷାରେ ଭୁସୁଡିଲା କଲେଜ । ଉତ୍ତରାଖଣ୍ଡ, ଡେରାଡୁନରେ ଥିବା ଡିଫେନ୍ସ କଲେଜ ଭୁଶୁଡି ପଡିଛି ।
ଦୃଶ୍ୟ-୪
ମଣ୍ଡି, ହିମାଚଳପ୍ରଦେଶ
ଦାଉ ସାଧୁଛି ପ୍ରକୃତି । ବାଦଲ ଫଟା ବର୍ଷାରେ ଲୋକେ ହନ୍ତସନ୍ତ । ଏ ଦୃଶ୍ୟ ହେଉଛି ହିମାଚଳପ୍ରଦେଶ ମଣ୍ଡି ଅଞ୍ଚଳର । କେଉଁଠି ନଦୀ ପାଣିରେ ଭାସି ଯାଇଛି ଘର ଦ୍ୱାର । ପୁଣି କେଉଁଠି ଭୁସ୍ଖଳନ ପାଇଁ ଜାତୀୟ ରାଜପଥ ବନ୍ଦ ହୋଇ ପଡିଛି । ମାଟି ତଳେ ଅନେତ ଯାନବାହାନ ଦବି ଯାଇଥିବା ଦେଖିବାକୁ ମିଳିଛି ।
ଦୃଶ୍ୟ-୫
ସିରମୌର, ହିମାଚଳପ୍ରଦେଶ
ବାଦଲ ଫଟା ବର୍ଷା ପାଇଁ କେଉଁଠି ଘର ଦ୍ୱାର ଭାସିଛି, କେଉଁଠି ଯାଇଛି ଜୀବନ । ଏ ଦୃଶ୍ୟ ବଖାଣୁଛି କେତେ ଭୟଙ୍କର ସ୍ଥିତି ।
