ଦିଲ୍ଲୀ ଅବକାରୀ ନୀତି ମାମଲାରେ ବଢିଲା ଆପ୍ ପାଇଁ ଅଡୁଆ, ସିସୋଦିଆଙ୍କ ବ୍ୟକ୍ତିଗତ ସହାୟକଙ୍କ ବୟାନ ଆଧାରରେ ଚାର୍ଜସିଟରେ ଆସିଲା ରାଘବ ଚଡ୍ଡାଙ୍କ ନାମ
କନକ ବ୍ୟୁରୋ : ଦିଲ୍ଲୀ ଅବକାରୀ ନୀତି ମାମଲାରେ ଇଡି ତରଫରୁ କୋର୍ଟରେ ଦ୍ୱିତୀୟ ପର୍ଯ୍ୟାୟ ଚାର୍ଜସଟ୍ ଦାଖଲ କରିଛି । ଏହି ଚାର୍ଜସିଟରେ ଆମ୍ ଆଦମୀ ପାର୍ଟିର ରାଜ୍ୟସଭା ସାଂସଦ ରାଘବ ଚଡ୍ଡାଙ୍କ ନାମ ସାମିଲ ହୋଇଛି । ଇଡି ତରଫରୁ କୁହାଯାଇଛି କି, ଏହି ମାମଲାରେ ରାଘବ ଚଡ୍ଡା କିଛି ମଦ ବ୍ୟବସାୟୀଙ୍କ ସହ ମିଟିଂ କରିଥିଲେ । ଏହି କ୍ରମରେ ଇଡି ତରଫରୁ ସପ୍ଲିମେଣ୍ଟାରୀ ଚାର୍ଜସିଟରେ ରାଘବ ଚଡ୍ଡାଙ୍କ ନାମ ସାମିଲ କରାଯାଇଛି । ଏହାସହ ଇଡିର ଚାର୍ଜସିଟ ମୁତାବକ ମନୀଷ ସିସୋଦିଆଙ୍କ ବ୍ୟକ୍ତିଗତ ସହାୟକ ସି.ଅରବିନ୍ଦ ତାଙ୍କ ବୟାନରେ କହିଥିଲେ କି, ମନୀଷ ସିସୋଦିଆଙ୍କ ବାସଭବନରେ ଏକ ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ରାଘବ ଚଡ୍ଡା, ପଞ୍ଜାବର ଅବକାରୀ କମିଶନର, ଅବକାରୀ ଅଧିକାରୀ ଓ ବିଜୟ ନାୟାର ସାମିଲ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉ କି ଦିଲ୍ଲୀ ଅବକାରୀ ନୀତି ମାମଲା ଉପରେ ଉପ ରାଜ୍ୟପାଳଙ୍କ ଅନୁରୋଧ କ୍ରମେ ସିବିଆଇ ତଦନ୍ତ ଆରମ୍ଭ କରିଥିଲା । ଏହାପରେ ଅର୍ଥ ହେରଫେର ହୋଇଥିବା ଅଭିଯୋଗ ଆଧାରରେ ଇଡି ମଧ୍ୟ ତଦନ୍ତ ଚଳାଇଛି । ଏହି ମାମଲାରେ ଫେବୃଆରୀ ୨୬ ତାରିଖରେ ଦିଲ୍ଲୀ ସରକାରଙ୍କ ପୂର୍ବତନ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ ଗିରଫ ହୋଇ ଏବେ ନ୍ୟାୟିକ ହେପାଜତରେ ରହିଛନ୍ତି । ତାଙ୍କୁ ପ୍ରଥମେ ସିବିଆଇ ଓ ପରେ ଇଡି ତରଫରୁ ଗିରଫ କରାଯାଇଥିଲା ।