ଗୁଜରାଟରେ କଂଗ୍ରେସ ଓ ଆପ୍, ମିଳତ ଭାବେ କରିବେ ସରକାର ? ଜାଣନ୍ତୁ କଣ କହିଲେ ମନୀଷ ସିସୋଦିଆ ?
କନକ ବ୍ୟୁରୋ : ଦିଲ୍ଲୀ ନଗର ନିଗମ, ହିମାଚଳ ଓ ଗୁଜରାଟ ବିଧାନସଭା ନିିର୍ବାଚନ ନେଇ ଭୋଟ ଗ୍ରହଣ ପରେ ଏକଜିଟପୋଲକୁ ନେଇ ଚାରିଆଡେ ଚର୍ଚ୍ଚା । ଏକଜିଟ ପୋଲ ମୁତାବକ ୧୫ ବର୍ଷ ପରେ ଦିଲ୍ଲୀ ନଗରନିଗମ ବିଜେପି ହାତରୁ ଯାଉଛି ଓ ପ୍ରଥମଥର ପାଇଁ ସେଠାରେ ବହୁମତ ହାସଲ କରିବାକୁ ଯାଉଛି ଆମ୍ ଆଦମୀ ପାର୍ଟି । ଏନେଇ ଗଣମାଧ୍ୟମ ସହ ସାକ୍ଷାତକାର ବେଳେ ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ ଖୁସିବ୍ୟକ୍ତ କରିବା ସହ କହିଛନ୍ତି କି ଏଥିରୁ ସ୍ପଷ୍ଟ ଯେ, ଦିଲ୍ଲୀବାସୀ ବିଜେପିକୁ ପ୍ରତ୍ୟାଖାନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଗୁଜରାଟ ନିର୍ବାଚନରେ ଆମ୍ ଆଦମୀ ପାର୍ଟି ପୁରା ତାକତ ଲଗାଇ ଦେଇଥିଲେ ବି ଏକଜିଟପୋଲ ମୁତାବକ ସେଠାରେ ପୁଣି ବିଜେପି ସରକାର ଗଠନ କରିବାକୁ ଯାଉଛି । ଏନେଇ ସିସୋଦିଆ କହିଛନ୍ତି ଯେ, ଗୁଜରାଟରେ ଆମ୍ ଆଦମୀ ପାର୍ଟିର ଜବରଦସ୍ତ ଏଣ୍ଟ୍ରି ହୋଇଛି । ଗୋଟିଏ ୧୦ ବର୍ଷର ରାଜନୈତିକ ଦଳକୁ ୧୦-୧୫ ପ୍ରତିଶତ ଭୋଟ ମିଳିବା ଏକ ବଡକଥା । ଗୁଜରାଟକୁ ବିଜେପିର ଗଡ କୁହାଯାଉଥିବା ବେଳେ ଆମ୍ ଆଦମୀ ପାର୍ଟି ଯେଭଳି ବିଜେପିକୁ ଚ୍ୟାଲେଞ୍ଜ ଦେଇଛି ତାହା ଦଳ ପାଇଁ ବଡ କଥା ବୋଲି ସେ କହିଛନ୍ତି ।
ସେପଟେ ଗୁଜରାଟରେ କଂଗ୍ରେସ ସହ ମିଶି ମିଳିତ ସରକାର କରିବେ କି ବୋଲି ପ୍ରଶ୍ନର ଉତ୍ତରରେ ସିସୋଦିଆ କହିଛନ୍ତି କି, ଏପର୍ଯ୍ୟନ୍ତ ଯେତେ ସର୍ଭେ ରିପୋର୍ଟ ଆସିଛି ସେଥିରେ କଂଗ୍ରେସ ସରକାର ଗଠନ କରିବା ଭଳି କିଛି ସ୍ଥିତି ଦେଖାଯାଉନାହିଁ । ହେଲେ ତାହା ନିର୍ବାଚନ ଫଳାଫଳ ଆସିବା ପରେ ଜଣାପଡିବ । ମାତ୍ର ଗୁଜରାଟରେ ବିଜେପିକୁ ଆମ୍ ଆଦମୀ ପାର୍ଟି ଯେଭଳି ଟକ୍କର ଦେଲା ତାହା ଦଳ ପାଇଁ ଆଗାମୀ ଦିନରେ ଲାଭଦାୟକ ହେବ ।