କନକ ବ୍ୟୁରୋ: ନିର୍ବାଚନ ପୂର୍ବରୁ ନବରଙ୍ଗପୁର ପୋଲିସକୁ ସଫଳତା । ଓଡିଶା ସୀମାରେ ଏନକାଉଂଟରରେ ଜଣେ ନକ୍ସଲ ନିହତ । ଏନେଇ ସୂଚନା ଦେଇଛନ୍ତି ଡିଆଇଜି ଚରଣ ସିଂ ମିନା । ଡିଆଇଜିଙ୍କ ସୂଚନା ଅନୁସାରେ, ନବରଙ୍ଗପୁର ଜିଲ୍ଲା ରାଇଘର ବ୍ଲକ ହାତୀ ଗାଁ ସଂରକ୍ଷିତ ଜଙ୍ଗଲରେ ନକ୍ସଲ ଥିବା ଗୁଇନ୍ଦା ସୂତ୍ରରୁ ଖବର ପାଇଥିଲା ଓଡିଶା ପୋଲିସ । ପରେ ନକ୍ସଲ ବିରୋଧୀ ସ୍ୱତନ୍ତ୍ର ଦୁଇ ଏସଓଜି ଟିମ୍ ସର୍ଚ୍ଚ ଅପରେସନ ଆରମ୍ଭ କରିଥିଲା । ତେବେ ଏହି ସମୟରେ ଏସଓଜି ଉପରକୁ ଗୁଳି ମାଡ଼ କରିଥିଲେ ନକ୍ସଲ । ଆତ୍ମରକ୍ଷା ପାଇଁ ଗୁଳିମାଡ଼ କରିଥିଲେ ଏସଓଜି । ଏହି ଗୁଳି ବିନିମୟରେ ଜଣେ ପୁରୁଷ ନକ୍ସଲ ନିହତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସର୍ଚ୍ଚ ଅପରେସନ୍ ବେଳେ ଗୋଟିଏ ରାଇଫଲ, ଗୋଟିଏ ଦେଶୀ ପିସ୍ତଲ, ୬ଟି ଆଇଡି ଟିଫିନ ବୋମା, ୪ଟି ଜୀବନ୍ତ ଗୁଳି, ଗୋଟିଏ ବଣ୍ଡଲ ବିଦ୍ୟୁତ ତାର ସହ ଆଉକିଛି ମାରଣାସ୍ତ୍ର ସହ ମାଓ ସାମଗ୍ରୀ ଜବତ ହୋଇଛି । ତେବେ ମତଦାନ ପୂର୍ବରୁ ଏଭଳି ଘଟଣାକୁ ଗୁରୁତ୍ୱର ସହ ନେଇଛନ୍ତି ଡିଆଇଚି । ଆଗାମୀ ୧୩ ତାରିଖରେ କିପରି ଶାନ୍ତିଶୃଙ୍ଖଳାର ସହ ମତଦାନ ସେଥିପାଇଁ ପୋଲିସ ସଜାଗ ଥିବା କହିଛନ୍ତି ଡିଆଇଜି ଚରଣ ସିଂ ମିନା ।