‘ସକାଳୁ ଉଠିଲେ ସିବିଆଇ-ଇଡି ଖେଳ ଆରମ୍ଭ କରିଦେଉଛନ୍ତି । ଦେଶ ଉନ୍ନତି କରିବ କିପରି?’: ଅରବିନ୍ଦ କେଜ୍ରିୱାଲ
କନକ ବ୍ୟୁରୋ: ଦିଲ୍ଲୀ ଶିକ୍ଷାମନ୍ତ୍ରୀ ମନୀଷ ସିସୋଦିଆଙ୍କ ବିରୋଧରେ ଲକ୍ ଆଉଟ୍ ନୋଟିସ୍ ଜାରି ହେବା ପରେ ମୋଦୀ ସରକାରଙ୍କ ଉପରେ ପୁଣି ବର୍ଷିଛନ୍ତି ମୁଖ୍ୟମନ୍ତ୍ରୀ କେଜ୍ରିୱାଲ । ଦେଶରେ ବେକାରୀ ସମସ୍ୟା ଓ ଦରବୃଦ୍ଧି ସମସ୍ୟା ବିରୋଧରେ ଲଢିବା ବଦଳରେ କେନ୍ଦ୍ର ସରକାର ସିବିଆଇ- ଇଡିର ଖେଳ ଖେଳୁଛନ୍ତି ବୋଲି କହିଛନ୍ତି କେଜ୍ରିୱାଲ ।
Kanak News is now on WhatsApp
Join and get latest news updates delivered to you via WhatsApp
ରାଜଧାନୀ ଦିଲ୍ଲୀରେ ଏବେ ଅବକାରୀ ନୀତିକୁ ନେଇ ରାଜନୀତି ସରଗରମ । ଏଥିରେ ଏବେ ସିବିଆଇ ଟାର୍ଗେଟରେ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ସମେତ ଅନ୍ୟ ୧୩ ଜଣ ଅଛନ୍ତି । ଆଜି ଲୁକ ଆଉଟ୍ ନୋଟିସ୍ ଜାରି କରିବା ପରେ ଆକ୍ରମଣାତ୍ମକ ପ୍ରତିକ୍ରିୟା ପ୍ରକାଶ କରିଛନ୍ତି କେଜ୍ରିୱାଲ । ‘ଦେଶରେ ବେକାରୀ ସମସ୍ୟା ଓ ଦରଦାମ ବୃଦ୍ଧି ଲୋକଙ୍କ ଉପରେ ଦାଉ ସାଧୁଛି । ଦେଶ କିଭଳି ଏସବୁ ସମସ୍ୟାରୁ ମୁକୁଳିବ ସେକଥା ଚିନ୍ତା ନକରି ସକାଳୁ ଉଠିଲେ ମୋଦୀ ସିବିଆଇ- ଇଡି ଖେଳ ଖେଳୁଛନ୍ତି ।ଏପରି କଲେ ଦେଶ କିଭଳି ଆଗକୁ ବଢିବ?’ ବୋଲି ପ୍ରଶ୍ନ କରିଛନ୍ତି କେଜ୍ରିୱାଲ ।
ଅନ୍ୟପଟେ ନିଜ ଉପରେ ହୋଇଥିବା ଲୁକଆଉଟ୍ ନୋଟିସକୁ ନେଇ ମଧ୍ୟ ମୋଦୀଙ୍କ ଉପରେ ବର୍ଷିଛନ୍ତି ସିସୋଦିଆ । ତାଙ୍କ ବିରୋଧରେ ଟଙ୍କାକର ଦୁର୍ନୀତିର କିଛି ପ୍ରମାଣ ନଥାଇ ବି ତାଙ୍କ ବିରୋଧରେ ଲୁକଆଉଟ୍ ନୋଟିସ୍ ଜାରି କରାଯାଉଛି । ଇଏ କିଭଳି ନୌଟଙ୍କି ବୋଲି ଟ୍ୱିଟ୍ କରିଛନ୍ତି ମନୀଷ ସିସୋଦିଆ ।