କନକ ବ୍ୟୁରୋ: ନବଜାତର ନାମକରଣକୁ ନେଇ ଚର୍ଚ୍ଚାରେ ଅଭିଭାବକ । ଏପରି ଘଟଣା ଘଟିଛି ସ୍ୱିଡେନରେ । ସବୁ ବାପା , ମା’ ଚାହାଁନ୍ତି ତାଙ୍କର ପିଲାର ନାଁ ପ୍ରେରଣାଦାୟୀ ବା କିଛି ଲୋକପ୍ରିୟ ବ୍ୟକ୍ତିତ୍ୱଙ୍କ ନାଁକୁ ନେଇ ରଖିବାକୁ ।ହେଲେ ସ୍ୱିଡେନ ଲାହୋମରେ ରହୁଥିବା ଜନୈକ ଦମ୍ପତ୍ତି ନିଜ ପୁଅର ନାମକରଣକୁ ଆଇନଗତ ବିବାଦର ସମ୍ମୁଖୀନ ହୋଇଛନ୍ତି । ଏଠିକାର ନିୟମ ଅନୁସାରେ କାହାରି ସନ୍ତାନ ଜନ୍ମ ହେବାର ୨ମାସ ଭିତରେ ପିଲାର ଦିଆଯାଉଥିବା ନାଁକୁ ସ୍ୱିଡେନ ଟ୍ୟାକ୍ସ ଏଜେନ୍ସି ସ୍କାଟେଭେର୍କେଟ୍ରେ ରେଜେଷ୍ଟ୍ରି କରିବାକୁ ପଡିବ । ପିଲାର ନାଁ ଯେପରି କୌଣସି ରାଜନେତା ବା ଆପତ୍ତିଜନକ ନହୁଏ ସେନେଇ ଏହି ଏଜନ୍ସି ଯାଞ୍ଚ କରିଥାଏ । ଏହି ଦମ୍ପତ୍ତି ନିଜ ପୁଅର ପ୍ରଥମ ନାଁ ଭ୍ଲାଦିମିର ରଖିଥିଲେ ବି ଟାଇଟଲ ପୁତିନ ରଖିବା କେବେବି ଗ୍ରହଣୀୟ ନୁହେଁ ବୋଲି ସଫେଇ ଦେଇ ଏପରି ନାଁ ରଖିବାକୁ ଏଜେନ୍ସି ପକ୍ଷରୁ ନୋଟିସ୍ କରାଯାଇଛି । ଏହାପରେ ଦମ୍ପତ୍ତି ପୁଅର ନାଁ ପୁଣିଥରେ ବଦଳାଇ ଜଣାଇବାକୁ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନାମକରଣକୁ ନେଇ ଏତେ କଡା ନିୟମ ଥିବା ସତ୍ତେ୍ୱ ଦେଶରେ ୧୪୨୩ଜଣଙ୍କ ପ୍ରଥମ ନାଁ ଭ୍ଲାଦିମିର ଥିବା ଜଣାପଡିଛି । ମାତ୍ର ଦୁଇଜଣଙ୍କ ଟାଇଟଲ ପୁତିନ୍ ରହିଥିବା ଏକ ପରିସଂଖ୍ୟାନରୁ ଜଣାପଡିଛି । ପୂର୍ବରୁ ଏହି ଏଜେନ୍ସି ଫର୍ଡ, ପିଜନର, କ୍ୟୁ, ଆଲାହ୍ ନାଁକୁ ପ୍ରତ୍ୟାକ୍ଷାନ କରିଛି । କେବଳ ଗୁଗୁଲ, ମେଟାଲିକା ପରି ନାଁକୁ ଅନୁମତି ଦେଇଥିବା ଜଣାପଡିଛି ।