ବରିଷ୍ଠ କଂଗ୍ରେସ ନେତା ଶିିବରାଜ ପାଟିଲଙ୍କ ବିବାଦୀୟ ବୟାନ : କହିଲେ, ମହାଭାରତ ଯୁଦ୍ଧ ବେଳେ ଅର୍ଜୁନଙ୍କୁ ଜିହାଦ ଶିକ୍ଷା ଦେଉଥିଲେ କୃଷ୍ଣ
କନକ ବ୍ୟୁରୋ : ବରିଷ୍ଠ କଂଗ୍ରେସ ନେତା ଓ ପୂର୍ବତନ କେନ୍ଦ୍ର ଗୃହମନ୍ତ୍ରୀ ଶିବରାଜ ସିଂ ପାଟିଲଙ୍କ ଏକ ବୟାନକୁ ନେଇ ବଡ଼ ଧରଣର ବିବାଦ ଦେଖାଦେଇଛି । ଦିଲ୍ଲୀରେ ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ସେ ଜିହାଦ ସହ ଭଗବାନ କୃଷ୍ଣ ଓ ଭଗବଦ ଗୀତାକୁ ଯୋଡ଼ି ବିବାଦୀୟ ବୟାନ ଦେଇଛନ୍ତି । ନିଜ ମନ୍ତବ୍ୟରେ ପାଟିଲ କହିଛନ୍ତି ଯେ, ମହାଭାରତ ଯୁଦ୍ଧ ବେଳେ କୃଷ୍ଣ ଅର୍ଜୁନଙ୍କୁ ଜିହାଦର ଶିକ୍ଷା ଦେଉଥିଲେ ।
Kanak News is now on WhatsApp
Join and get latest news updates delivered to you via WhatsApp
ପୂର୍ବତନ କେନ୍ଦ୍ରମନ୍ତ୍ରୀ ମୋହସିନା କିଦୱାଇଙ୍କ ଦ୍ୱାରା ଲିଖିତ ଏକ ପୁସ୍ତକ ଉନ୍ମୋଚନ ଅବସରରେ ଶିବରାଜ ପାଟିଲ ଭାଷଣ ଦେଉଥିଲେ । ସେହି କାର୍ଯ୍ୟକ୍ରମରେ ଶଶୀ ଥରୁର, ଫାରୁକ ଅବଦୁଲ୍ଲା, ସୁଶୀଲ କୁମାର ସିନ୍ଦେ ମଧ୍ୟ ଉପସ୍ଥିତ ଥିଲେ । ଶିବରାଜଙ୍କ ଏହି ମନ୍ତବ୍ୟ ପରେ ତାଙ୍କୁ ଜୋରଦାର ସମାଲୋଚନା କରିଛି ବିଜେପି । ଦଳୀୟ ମୁଖପାତ୍ର ଶେହଜାଦ ପୁନାୱାଲା ପାଟିଲ ଓ କଂଗ୍ରେସକୁ ସମାଲୋଚନା କରି ପ୍ରତିକ୍ରିୟା ରଖିଛନ୍ତି ।