ବିଜେପିରେ ସାମିଲ ହେବେ ଅମରିନ୍ଦର! ସେପ୍ଟେମ୍ବର ୧୯ରେ ବିଧିବଦ୍ଧ ସାମିଲ ସମ୍ଭାବନା ।
କନକ ବ୍ୟୁରୋ: ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ତଥା ପଞ୍ଜାବ ଲୋକ କଂଗ୍ରେସର ଅଧ୍ୟକ୍ଷ କ୍ୟାପଟେନ ଅମରିନ୍ଦର ସିଂହ ସେପ୍ଟେମ୍ବର ୧୯ରେ ବିଜେପିରେ ସାମିଲ ହୋଇପାରନ୍ତି । ନିଜ ପୁଅ ରଣ ଇନ୍ଦର ସିଂହ, ଝିଅ ଜୟ ଇନ୍ଦର କୌର ଏବଂ ନୀତି ନିର୍ବାଣ ସିଂହଙ୍କ ସହ ସେ ବିଜେପିରେ ସାମିଲ ହେବା ନେଇ ସୂଚନା ମିଳୁଛି । ତାଙ୍କ ଦଳ ଆଧୀକାରିକା ଭାବେ ବିଜେପିରେ ବିଲୟ ହେବାକୁ ଯାଉଛି । ଏହାକୁ ନେଇ ପଞ୍ଜାବ ରାଜନୀତିରେ ମଧ୍ୟ ବଡ ହଲଚଲ ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱସ୍ଥ ସୁତ୍ରରୁ ମିଳିଥିବା ସୂଚନା ଅନୁସାରେ ଅମରିନ୍ଦର ସିଂହ ବିଜେପି ମୁଖ୍ୟାଳୟରେ ଆୟୋଜିତ ଏକ ସଭାରେ ବିଜେପି ଅଧ୍ୟକ୍ଷ ଜେପି ନଡ୍ଡାଙ୍କ ଉପସ୍ଥିତିରେ ବିଜେପିରେ ଯୋଗଦେବେ । ତାଙ୍କ ସହ କଂଗ୍ରେସର ୬ରୁ ୭ ଜଣ ପୂର୍ବତନ ବିଧାୟକ ମଧ୍ୟ ଦଳରେ ସାମିଲ ହେବା ସମ୍ଭାବନା ରହିଛି ।
ନିର୍ବାଚନର କିଛି ଦିନ ପୂର୍ବରୁ କ୍ୟାପଟେନ ଅମରିନ୍ଦର ସିଂହ କଂଗ୍ରେସରୁ ଇସ୍ତଫା ଦେଇଥିଲେ । ନେତୃତ୍ୱକୁ ନେଇ ବିବାଦ ପରେ ତାଙ୍କୁ ମୁଖ୍ୟମନ୍ତ୍ରୀ ପଦରୁ ହଟାଇଦିଆଯାଇଥିଲା । ସେ ପରେ ଦଳରୁ ଇସ୍ତଫା ଦେଇଥିଲେ । ସେତେବେଳେ ପଞ୍ଜାବ ରାଜନୀତିର କେନ୍ଦ୍ରରେ ଥିଲେ ନବଜୋତ ସିଂ ସିଦ୍ଦୁ । ସିଦ୍ଦୁ ଏବଂ ଅମରିନ୍ଦରଙ୍କ ମଧ୍ୟରେ ବୟାନବାଜି ପରେ ଦଳରେ ବିଶ୍ୃଙ୍ଖଳା ସୃଷ୍ଟି ହୋଇଥିଲା । କଂଗ୍ରେସ ଛାଡିବା ପରେ ସେ ନିଜର ଦଳ ଗଠନ କରିଥିଲେ । ବିଜେପିକୁ ସମର୍ଥନ ଦେବା ନେଇ ମଧ୍ୟ ଘୋଷଣା କରିଥିଲେ । ପୂର୍ବରୁ ସେ ଗୃହମନ୍ତ୍ରୀ ଅମିତ ଶାହଙ୍କୁ ଭେଟିସାରିଛନ୍ତି ।