ଖୋର୍ଦ୍ଧାରୁ ବ୍ରାଉନ ସୁଗାର ଜବତ । ୧୦୫ ଗ୍ରାମର ଧଳା ଜହର ଜବତ କଲା ଅବକାରୀ ବିଭାଗ ।
କନକ ବ୍ୟୁରୋ : ଭୁବନେଶ୍ୱର, କଟକ ପରେ ଖୋର୍ଦ୍ଧାରୁ ବ୍ରାଉନସୁଗାର ଜବତ । ଖୋର୍ଦ୍ଧା ଖ୍ରୀଷ୍ଟିଆନ ସାହିରୁ ୧୦୫ ଗ୍ରାମ ବ୍ରାଉନସୁଗାର ଜବତ ହୋଇଛି । ଅବକାରୀ ବିଭାଗ ଓ ମୋବାଇଲ ସ୍କ୍ୱାର୍ଡ ଏବଂ ପୁଲିସ ବିଭାଗ ପକ୍ଷରୁ ଚଢାଉ କରି ବ୍ରାଉନସୁଗାର ଓ ନଗଦ ୫୮ ହଜାର ଟଙ୍କା ଜବତ ହୋଇଛି । ଜବତ ବ୍ରାଉନସୁଗାରର ଆନୁମାନିକ ମୁଲ୍ୟ ୨୫ ଲକ୍ଷ ଟଙ୍କା ହେବ ।ଘଟଣାରେ ଜଣକୁ ଗିରଫ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି କିଛି ଦିନ ତଳେ ଗୁଇନ୍ଦା ସୂଚନା ବଳରେ ଭୁବନେଶ୍ୱରହଳଦୀ ପଡିଆରେ ଚଢାଉ ବେଳେ ଅବକାରୀ ବିଭାଗକୁ ମିଳିଥିଲା୧୦ ଲକ୍ଷ ଟଙ୍କାର ବ୍ରାଉନସୁଗାର । ଏହି ମାଟିଆ ଜହରକୁ ଜବତ କରିଥିଲା କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ।
କାହା ଘରର ଚାଳରେ, ତ ପୁଣି କାହା ଘରର ଖଟତଳେ, ଆଉ ପୁଣି କିଏ ମସାରି ଡୋରରେ ଲୁଚାଇ ରଖିଥିଲା ବ୍ରାଉନସୁଗାର । ତନ ତନ କରି ଯାଂଚ କରିବା ପରେ, ପୁଲିସକୁ ମିଳିଥିଲା ୧୦୦ ଗ୍ରାମରୁ ଅଧିକ ବ୍ରାଉନସୁଗାର । ୨ ଜଣ ଭେଣ୍ଡର ବିଧାନ ଚନ୍ଦ୍ର ଜୟଧର ଓ ରାହୁଲ ମହାନ୍ତିକୁ ଅବକାରୀ ବିଭାଗ ହାତ କଡି ପିନ୍ଧାଇଥିବା ବେଳେ, ୪ ଡ୍ରଗସ ମାଫିଆ ପୋଲିସ ଆସିବା ପୂର୍ବରୁ ଫେରାର ହୋଇଯାଇଥିଲେ ।
ଫୋନ କଲରେ ହିଁ ଫାଇନାଲ ହେଉଥିଲା ଡିଲ୍ । କିଏ ନେବ କେତେ ଦେବ ଆଉ କେଉଁଠି ଜିନିଷ ଡେଲିଭର ହେବ ସବୁ କିଛି ଫୋନରେ କହି ଦିଆଯାଉଥିଲା । ଏହି ଧନ୍ଦା ରେ ମାଲ୍ ଡେଲିଭର ଦେଇଥିବା ଲୋକେ ଗ୍ରାହକ ପାଖକୁ ସିଧା ସଳଖ ନ ଯାଇ ଅନ୍ୟ ଜଣେ ବ୍ୟକ୍ତିକୁ ଦେଉଥିଲେ ସେ କଟକ ସହରର ବିଭିନ୍ନ ପାନ ଦୋକାନ ଓ ବସ୍ତି ଅଂଚଳରେ ଯୋଗାଣ କରୁଥିଲା । ଏବଂ କଲେଜ ପଢୁଆ ଯୁବକଙ୍କୁ ଛୋଟ ଛୋଟ ପୁଡିଆ କରି ବିକ୍ରି କରାଯାଉଥିଲା ।
ବାଲେଶ୍ୱରରୁ କଟକ ବ୍ରାଉନସୁଗାର ଚାଲାଣ ବେଳେ ଅବକାରୀ ବିଭାଗ ହାତରେ ଧରାପଡିଥିଲେ ଏହି ଦୁଇ ଜଣ । ଏମାନଙ୍କ ଠାରୁ ୨୮୦ ଗ୍ରାମ ବ୍ରାଉନସୁଗାର ଜବତ କରିବା ସହ ଦୁଇଟି ବାଇକ ମଧ୍ୟ ଜବତ କରାଯାଇଥିଲା ।