ବ୍ୟୁରୋ ରିପୋର୍ଟ: ପରସ୍ପରର ସହମତିରେ ଶାରୀରିକ ସମ୍ପର୍କ ଥାଇ ବି ପରେ ସମ୍ପର୍କ ଖରାପ ହେଲେ କେହି ଦୁଷ୍କର୍ମର ଅଭିଯୋଗ ଗ୍ରହଣୀୟ ନୁହେଁ । କୌଣସି କାରଣରୁ ଦୁହେଁ ବିବାହ କରିପାରିନଥିଲେ । ଫଳରେ ଆଇନର ଆଶ୍ରୟ ନେଇ ପ୍ରେମିକ ଉପରେ ଦୁଷ୍କର୍ମର ଅଭିଯୋଗ ଆଣିଥିଲେ ମହିଳା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୨୦୧୬ ରେ ଜନୈକ ମହିଳା କୋର୍ଟର ଦ୍ୱାରସ୍ଥ ହୋଇ ନିଜ ଉପରେ ପ୍ରେମିକ ବିବାହ ପ୍ରଲୋଭନ ଦେଖାଇ ଦୁଷ୍କର୍ମ କରିଥିବା ଅ୍ରଭିଯୋଗ କରିଥିଲେ । ଏହାର ଶୁଣାଣି କରି ଉପରୋକ୍ତ ଗୁରୁତ୍ୱପୂର୍ଣ୍ଣ ଶୁଣାଣି କରିଛନ୍ତି ବିମ୍ବେ ହାଇକୋର୍ଟ । କୋର୍ଟ କହିଛନ୍ତି ଯେ, ଦୁହେଁ ଦୀର୍ଘ ୮ ବର୍ଷ ଏକାଠି ରହିଥିଲେ । ଏହି ସମୟରେ ଦୁହିଁଙ୍କ ସମୟରେ ଯେଉଁ ସମ୍ପର୍କ ରହିଥିଲା, ତାହା ମହିଳାଙ୍କ ଅସହମତିରେ ନୁହେଁ ବରଂ ତାଙ୍କର ସହମତିରେ ରହିଥିବ । ସବୁ ସମୟରେ ଦୁହିଁଙ୍କ ମଧ୍ୟରେ ସମ୍ପର୍କ ସ୍ଥାପନ କେବଳ ବିବାହ ସର୍ତ୍ତକୁ ନେଇ ହୋଇନଥିବ । ସବୁଠାରୁ ବଡ କଥା ହେଉଛି । ଦୁହେଁ ଯଥେଷ୍ଟ ବୁଝିବା ଶକ୍ତି ଥିବା ବୟସରେ ଥିଲେ । ତେଣୁ କୌଣସି କାରଣରୁ ସମ୍ପର୍କରେ ଫାଟ ସୃଷ୍ଟି ହେବାରୁ ପୁରୁଷ ବନ୍ଧୁ ଉପରେ ଦୁଷ୍କର୍ମ ଅଭିଯୋଗ ଆଣିବା ସମ୍ପୂର୍ଣ୍ଣ ଭୁଲ । ତେଣୁ ଏହି ମାମଲାକୁ ଖାରଜ କରିଛନ୍ତି ବମ୍ବେ ହାଇକୋର୍ଟ ।