ସୋନାଲି ଫୋଗଟଙ୍କ ମୃତ୍ୟୁ ମାମଲା, ପୋଷ୍ଟମର୍ଟମ୍ ରିପୋର୍ଟରେ ଆସିଲା ଚାଞ୍ଚଲ୍ୟକର ତଥ୍ୟ
କନକ ବ୍ୟୁରୋ : ଟିକ୍ ଟକ୍ ଷ୍ଟାର ତଥା ବିଜେପି ନେତ୍ରୀ ସୋନାଲି ଫୋଗଟଙ୍କ ମୃତ୍ୟୁ ମାମଲାକୁ ନେଇ ଏବେ ଜୋରଦାର ଚର୍ଚ୍ଚା ହେଉଛି । ଗୋଟିଏ ପଟେ ସୋନାଲିଙ୍କ ମୃତ୍ୟୁକୁ କିଛି ଲୋକ ଆତ୍ମହତ୍ୟା କହୁଥିବା ବେଳେ ଆଜି ଗୋଆ ପୋଲିସ ଏହାକୁ ଏକ ହତ୍ୟାମାମଲା ବୋଲି କହି ମାମଲା ରୁଜୁ କରିଛି । ହେଲେ ଏବେ ଆସିଛି ସୋନାଲିଙ୍କ ପୋଷ୍ଟମର୍ଟମ ରିପୋର୍ଟ । ଜଣେ ଅଧିକାରୀଙ୍କ ସୂତ୍ରରୁ ମିଳିଥିବା ସୂଚନା ମୁତାବକ ସୋନାଲିଙ୍କ ମୃତ ଶରୀରରେ ରହିଛି ଅନେକ କ୍ଷତ ଚିହ୍ନ । ଏହାକୁ ଆଧାର କରି ଗୋଆ ପୋଲିସ ହତ୍ୟା ମାମଲା ରୁଜୁ କରିଛି । ଏହାସହ ଏହି ମାଲାରେ ସୁଧୀର ସଂଗବାନ ଓ ସୁଖବିନ୍ଦର ବାସୀକୁ ଗୋଆ ପୋଲିସ ଅଭିଯୁକ୍ତ ଭାବେ ନେଇଛି । ଅଗଷ୍ଟ ୨୨ ତାରିଖରେ ସୋନାଲି ଫୋଗଟ ଯେତେବେଳେ ଗୋଆ ପହଂଚିଥିଲେ ସେତେବେଳେ ଉଭୟ ସୁଧୀର ଓ ସୁଖବିନ୍ଦର ତାଙ୍କ ସହ ଥିବା କଥା ପ୍ରମାଣ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ହରିଆଣାର ହିସାରରେ ରହୁଥିବା ସୋନାଲିଙ୍କ ସନ୍ଦିଗ୍ଧ ହୃଦଘାତ ହୋଇଛି ଭାବି ତାଙ୍କୁ ନର୍ଥ ଗୋଆର ସେଣ୍ଟ ଆନ୍ଥୋନୀ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ହସ୍ପିଟାଲରେ ପହଂଚିବା ପୂର୍ବରୁ ତାଙ୍କର ମୃତ୍ୟୁ ହୋଇସାରିଥିବା ଡାକ୍ତର କହିଥିଲେ । ଏହାପରେ ପୋଲିସ ତରଫରୁ ଏହା ଏକ ସ୍ୱାଭାବିକ ମୃତ୍ୟୁ ବୋଲି କହିଥିଲା । ହେଲେ ଢାକାରେ ରହୁଥିବା ସୋନାଲିଙ୍କ ଭାଇ ଗୋଆ ପୋଲିସରେ ଅଭିଯୋଗ କରିଥିଲେ କି ସୋନାଲିଙ୍କୁ ତାଙ୍କ ବନ୍ଧୁମାନେ ହତ୍ୟା କରିଛନ୍ତି । ଏହାପରେ ପୋଲିସ ସୋନାଲିଙ୍କ ମୃତଦେହକୁ ପୋଷ୍ଟମର୍ଟମ କରିଛି ଓ ହତ୍ୟା ଆଧାରରେ ମାମଲା ରୁଜୁ କରିଛି ।