ଲୋକସଭାରେ ଦିଲ୍ଲୀ ସେବା ସଂଶୋଧନ ବିଲ ଆଗତକୁ ନେଇ ଝଡ : ବିରୋଧୀ କହିଲେ ଲୋକତନ୍ତ୍ରକୁ ଦୁର୍ବଳ କରୁଛି କେନ୍ଦ୍ର
କନକ ବ୍ୟୁରୋ : ଅଧିକାରୀଙ୍କ ନିଯୁକ୍ତି ଓ ସ୍ଥାନାନ୍ତର ସହ ଜଡିତ ଦିଲ୍ଲୀ ସେବା ସଂଶୋଧନ ବିଲ ମଙ୍ଗଳବାର ଲୋକସଭାରେ ଆଗତ ହୋଇଛି । ବିରୋଧୀଙ୍କ ପ୍ରବଳ ହଟ୍ଟଗୋଳ ଏବଂ ହୋହଲ୍ଲା ମଧ୍ୟରେ ଆଜି ଦିଲ୍ଲୀ ସେବା ନିଯୁକ୍ତି ବିଲ୍କୁ ସରକାର ଲୋକସଭାରେ ଆଗତ କରିଥିଲେ । ବିରୋଧୀ ସାଂସଦମାନେ ଉକ୍ତ ବିଲ୍କୁ ତୀବ୍ର ବିରୋଧ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିରୋଧୀ ଦଳ ନେତା ଅଧୀର ରଂଜନ ଚୌଧୁରୀ ଏହାକୁ ବିରୋଧ କରି କହିଛନ୍ତି କେନ୍ଦ୍ର ସରକାର ସମ୍ବିଧାନକୁ ଦୁର୍ବଳ କରୁଛନ୍ତି । ଦିଲ୍ଲୀ ସରକାରଙ୍କ ଅଧିକାରକୁ ହ୍ରାସ କରିବା ପାଇଁ ଏହା ଏକ ପ୍ରୟାସ ବୋଲି କହିଛନ୍ତି ବିରୋଧୀ । ଏହି ବିଲ ସୁପ୍ରିମକୋର୍ଟଙ୍କ ନିଷ୍ପତ୍ତି ବିରୋଧୀ ବୋଲି କହିଛନ୍ତି । ବିଲ ଆଗତ ସମୟରେ ଗୃହରେ ପ୍ରବଳ ହଟ୍ଟଗୋଳ ଦେଖିବାକୁ ମିଳିଛି । ସରକାରଙ୍କ ବିରୋଧରେ ସ୍ଲୋଗାନ ଦେଇ ହଙ୍ଗାମା କରିଥିଲେ ବିରୋଧୀ ।
କିନ୍ତୁ କେନ୍ଦ୍ର ସରକାର ବିରୋଧୀଙ୍କ ଅଭିଯୋଗକୁ ଖଣ୍ଡନ କରିଛନ୍ତି । କେନ୍ଦ୍ର ଗୃହମନ୍ତ୍ରୀ ଅମିତ ଶାହ କହିଛନ୍ତି, ଦିଲ୍ଲୀ ପାଇଁ ଆଇନ ତିଆରି କରିବାପାଇଁ ସମ୍ବିଧାନ ସଂସଦକୁ ଅନୁମତି ଦେଇଛି । ବିଲ୍ ବିରୋଧରେ ଯେଉଁ ଟିପ୍ପଣୀ ଦିଆଯାଇଛି ତାହା ରାଜନୈତିକ ଏବଂ ତା’ର କୌଣସି ଆଧାର ନାହିଁ ବୋଲି ଶାହ କହିଛନ୍ତି ।