‘ମାରାତ୍ମକ ନୁହେଁ ବିଏଫ୍.୭, ଚୀନ ପରି ଦଶା ଭୋଗିବନି ଭାରତ’ : ଭାରତୀୟ ପୂର୍ବତନ ICMR ବୈଜ୍ଞାନିକ ଡାକ୍ତର ସମୀରନ ପଣ୍ଡାଙ୍କ ଆଶ୍ୱାସନା
କନକ ବ୍ୟୁରୋ: ମାରାତ୍ମକ ନୁହେଁ ବିଏଫ୍.୭ । ଏପରି ଆଶ୍ୱାସନା ଦେଇଛନ୍ତି ଭାରତୀୟ ଭେଷଜ ଗବେଷଣା ପରିଷଦ ବା ଆଇସିଏମ୍ଆରର ପୂର୍ବତନ ବୈଜ୍ଞାନିକ ଡାକ୍ତର ସମୀରଣ ପଣ୍ଡା ।
Kanak News is now on WhatsApp
Join and get latest news updates delivered to you via WhatsApp
ଡା, ପଣ୍ଡା କହିଛନ୍ତି ଯେ, ‘ବିଏଫ୍.୭ ମାରାତ୍ମକତା ନେଇ ନେଇ ସରକାର ବିଭ୍ରାନ୍ତକାରୀ ସୂଚନା ପ୍ରସାରଣରୁ ଦୂରେଇ ରୁହନ୍ତୁ । ସରକାର ହସ୍ପିଟାଲ ଗୁଡ଼ିକୁ ପ୍ରସ୍ତୁତ ରଖିବା ସହ ଔଷଧ, ଅକ୍ସିଜେନ୍ ଓ ବୁଷ୍ଟର ନେବା ଉପରେ ଗୁରୁତ୍ୱ ଦେବା ଯଥାର୍ଥ ବୋଲି କହିଛନ୍ତି । ଏହା ସହ ସେ କହିଛନ୍ତି ବିଏଫ୍.୭ ଦ୍ରୁତ ସଂକ୍ରମଣଶୀଳ ହେଲେ ମାରାତ୍ମକ ନୁହେଁ । ଭାରତ ଚୀନ୍ ପରି ଦଶା ଭୋଗିବ ନାହିଁ । କାରଣ ଭାରତୀୟଙ୍କ ପାଖରେ ହାଇବ୍ରିଡ୍ ୟୁମିନିଟି ରହିଛି । ଭାରତର ମଧ୍ୟ କୋଭିଡ୍ ମହାମାରୀ ପରିଚାଳନା କରିବାର ଅଢେଇ ବର୍ଷର ଅଭଭିଜ୍ଞତା ରହିଛି । ଭାରତର ଅଧିକାଂଶ ଲୋକ ଦୁଇ ଡୋଜ୍ ଟିକା ନେଇ ସାରିଛନ୍ତି । ଏପରିକି ଅନେକ ଲୋକ ବୁଷ୍ଟର ନେଇ ନେଇଛନ୍ତି । ଯେଉଁମାନେ ବୁଷ୍ଟର ନେଇନାହାନ୍ତି ସେମାନେ ବୁଷ୍ଟର ଡୋଜ୍ ନେବା ଉଚିତ’୍ ବୋଲି କହିଛନ୍ତି ଡାକ୍ତର ସମୀରନ୍ ପଣ୍ଡା ।