କନକ ବ୍ୟୁରୋ : ନକଲି ଔଷଧ ବିକ୍ରି ଅଭିଯୋଗରେ ଜଣେ ଗିରଫ । ବରଗଡ ଟାଉନର ଅଶୋକ ମେଡିକାଲ ହଲ କମ୍ପାନୀ ମାଲିକ ସୁନୀଲ ଅଗ୍ରୱାଲଙ୍କୁ ବାନ୍ଧିଛି ବରଗଡ ପଲିସ । ଗିରଫ ପରେ ଅଭିଯୁକ୍ତ ସୁନୀଲ ଅଗ୍ରୱାଲଙ୍କୁ କୋର୍ଟଚାଲାଣ କରାଯାଇଛି । ଘଟଣାକୁ ନେଇ ଡ୍ରଗ୍ସ ଇନ୍ସପେକ୍ଟର କୌଣସି ପ୍ରତିକ୍ରିୟା ଦେବାକୁ ମନା କରିଛନ୍ତି । ଏବେ ବରଗଡ ଜିଲ୍ଲାର ବୁହ ମେଡିକାଲ ଷ୍ଟୋରରେ ନକଲି ଔଷଧ ବିକ୍ରି ହେଉଥିବା ଚର୍ଚ୍ଚା ହେଉଛି ।
Kanak News is now on WhatsApp
Join and get latest news updates delivered to you via WhatsApp
ଓଡିଶାରେ ନକଲି ଔଷଧ କାରବାର ଅଭିଯୋଗ ପରେ ସ୍ୱାସ୍ଥ୍ୟ ସଚିବ ଶାଳିନୀ ପଣ୍ଡିତଙ୍କ ନିର୍ଦ୍ଦେଶରେ ରାଜ୍ୟର ବିଭିନ୍ନ ସ୍ଥାନରେ ଚଢାଉ କରାଯାଇଥିଲା । ଏଥିରେ ବରଗଡ ଟାଉନସ୍ଥିତ ଅଶୋକ ମେଡିକାଲ ହଲରେ ମଧ୍ୟ ଚଢାଉ ହୋଇଥିଲା । ସେଠାରୁ ଜବତ ହୋଇଥିବା ମେଡିସିନକୁ ଯାଞ୍ଚ ପାଇଁ ଫରେନସିକ ଲାବକୁ ପଠାଯାଇଥିଲା । ପରବର୍ତ୍ତୀ ସମୟରେ ସେହି ଔଷଧ ନକଲି ବୋଲି ପ୍ରମାଣିତ ହୋଇଥିଲା । ଏ ନେଇ ବରଗଡ ଡ୍ରଗ୍ସ ଇନସ୍ପେକ୍ଟରଙ୍କ ଅଭିଯୋଗ କ୍ରମେ ଟାଉନ ଥାନା ପୁଲିସ ମାଲିକ ସୁନୀଲ ଅଗ୍ରୱାଲଙ୍କୁ ଗିରଫ କରି କୋର୍ଟଚାଲାଣ କରିଛି ।