କନକ ବ୍ୟୁରୋ: ଛତିଶଗଡ ରାୟପୁରରେ ବାଗେଶ୍ୱର ଧାମରେ ବସିଛନ୍ତି ବାବା ଧୀରେନ୍ଦ୍ର କୃଷ୍ଣ ଶାସ୍ତ୍ରୀ । ଓରଫ ଧୀରେନ୍ଦ୍ର ବାଗେଶ୍ୱର । ହଜାର ହଜାର ଲୋକ ଏକାଠି ହୋଇଛନ୍ତି । ୨୬ ବର୍ଷୀୟ ଏହି ବାବା ଜଣଙ୍କ ଚେହେରା ଦେଖି ଜଣଙ୍କର ମନ ପଢ଼ି ପାରୁଛନ୍ତି ବୋଲି ଦାବି କରୁଛନ୍ତି । ତେଣୁ ନିଜର ଅତୀତ ଏବଂ ଭବିଷ୍ୟତ ଜାଣିବାକୁ ଭିଡ ଜମିଛି ।
Kanak News is now on WhatsApp
Join and get latest news updates delivered to you via WhatsApp
ବିଜ୍ଞାନ ଯୁଗରେ ଏପରି ଭବିଷ୍ୟବାଣୀକୁ ନେଇ ଯଦିଓ ପ୍ରଶ୍ନ ଉଠୁଛି ହେଲେ ବାବା ଯେତେବେଳେ ଜଣଙ୍କୁ ଦେଖି ତାଙ୍କ ବାବଦରେ କହୁଛନ୍ତି ସେତେବେଳେ ବାବାଙ୍କୁ ଅବିଶ୍ୱାସ କରିବା ପ୍ରତିବଦଳରେ ବିଶ୍ୱାସ କରୁଛନ୍ତି ଲୋକେ । କେବଳ ସାଧାରଣ ଲୋକ ନୁହଁନ୍ତି, ନେତା, ଅଭିନେତା ଏବଂ ଶିଳ୍ପପତି ମଧ୍ୟ ବାବାଙ୍କ ଦରବାରକୁ ଆସୁଥିବା ଦେଖିବାକୁ ମିଳିଛି ।
- ଅନ୍ଧବିଶ୍ୱାସକୁ ଅଗ୍ରାଧିକାର ଦେଉଛନ୍ତି ବାବା?
- ବାଗେଶ୍ୱରଙ୍କୁ ବିଜେପି ନେତାଙ୍କ ସମର୍ଥନ
ବାବା ଜଣକ ଅନ୍ଧ ବିଶ୍ୱାସର ପ୍ରଚାର କରୁଛନ୍ତି । କିଛି ସଂଗଠନ ଏ ନେଇ ତାଙ୍କ ବିରୋଧରେ ପୁଲିସର ଆଶ୍ରୟ ନେଇଛନ୍ତି । ଯାହାକୁ ନେଇ ବିବାଦ ବଢିବାରେ ଲାଗିଛି । ଏହାରି ଭିତରେ ବରିଷ୍ଠ ବିଜେପି ନେତା କୈଳାଶ ବିଜୟବର୍ଗୀୟ ମଧ୍ୟ ବାଗେଶ୍ୱରଙ୍କୁ ଖୋଲା ସମର୍ଥନ କରିଛନ୍ତି । ସେ ନିଜେ ଏପରି କରୁନାହାନ୍ତି ବରଂ ସେ ତାଙ୍କ ଇଷ୍ଟଦେବତା ବାଲାଜୀଙ୍କ ପାଇଁ ଏପରି କରିପାରୁଛନ୍ତି ବୋଲି ବାଗେଶ୍ୱର କହୁଥିବା ବିଜୟବର୍ଗୀୟ କହିଛନ୍ତି ।
ଏହାରି ଭିତରେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି ବାବା ବାଗେଶ୍ୱରଙ୍କ ବିଭିନ୍ନ ଭିଡିଓ । ତାଙ୍କୁ ବଦନାମ କରିବା ପଛରେ ଷଡଯନ୍ତ୍ର ରହିଛି ବୋଲି ସେ କହିଛନ୍ତି ।