ଧିରେ ଧିରେ ଠିକ୍ ହେଉଛନ୍ତି ‘ବଚପନ୍ କା ପ୍ୟାର୍’ ଗାୟକ ସହଦେବ୍ । ୫ଘଣ୍ଟା ପରେ ଫେରିଲା ହୋସ୍
କନକ ବ୍ୟୁରୋ : ‘ବଚପନ କା ପ୍ୟାର୍’ ଗୀତ ଗାଇ ସାରା ଦେଶରେ ପପୁଲାର ହୋଇଥିବା ସହଦେବଙ୍କ ସ୍ୱାସ୍ଥ୍ୟବସ୍ଥାରେ ସୁଧାର ଆସିଛି । ପ୍ରାୟ ୫ଘଣ୍ଟା ବେହୋସ ରହିବା ପରେ ତାଙ୍କର ହୋସ ଫେରିଛି । ମେଡିକାଲରୁ ମିଳିଥିବା ତାଜା ସୂଚନା ଅନୁଯାୟୀ, ସେ ଏବେ ବିପଦ ମୁକ୍ତ ଅଛନ୍ତି । ଧିରେ ଧିରେ ତାଙ୍କର ସ୍ୱାସ୍ଥ୍ୟବସ୍ଥାରେ ସୁଧାର ଆସୁଥିବା ହସ୍ପିଟାଲ ପକ୍ଷରୁ ସୂଚନା ଦିଆଯାଇଛି । ଡାକ୍ତରଙ୍କ କହିବା ଅନୁସାରେ ସହଦେବ୍ ବର୍ତ୍ତମାନ ସେ ୧୨ ଘଣ୍ଟା ଅବଜରବେଶନରେ ରହିବେ । ୧୨ଘଣ୍ଟା ପରେ ସହଦେବଙ୍କ ସ୍ୱାସ୍ଥ୍ୟବସ୍ଥା ସମ୍ପର୍କରେ ଅଧିକ କୁହାଯାଇପାରିବ ବୋଲି ସୂଚନା ଦେଇଛନ୍ତି ଚିକିତ୍ସା କରୁଥିବା ଡାକ୍ତର ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ସୁକମାଠାରେ ସହଦେବଙ୍କ ଦୁର୍ଘଟଣା ହୋଇଥିଲା । ଏହାପରେ ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ସୁକମା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ସ୍ୱାସ୍ଥ୍ୟବସ୍ଥା ସଂକଟାପର୍ଣ୍ଣ ହେବାରୁ ତାଙ୍କୁ ଜଗଦଲପୁର ମହାରାଣୀ ମେଡିକାଲ କଲେଜକୁ ସ୍ଥାନାନ୍ତର କରାଯାଇଥିଲା