ଟି-୨୦ ବିଶ୍ୱକପରେ କୋହଲିଙ୍କ କାନରେ କଣ କହିଥିଲେ ପାକିସ୍ତାନ ଅଧିନାୟକ? ସାମ୍ବାଦିକଙ୍କ ପ୍ରଶ୍ନର ଏମିତି ଉତ୍ତର ରଖିଲେ ବାବର ।
କନକ ବ୍ୟୁରୋ : ଟି-୨୦ ବିଶ୍ୱକପରେ ପ୍ରଥମଥର ଭାରତକୁ ମାତ୍ ଦେଇ ଇତିହାସ ରଚିଥିଲା ପାକିସ୍ତାନ । ପ୍ରଥମ ଥର ପାଇଁ ବିଶ୍ୱକପ ମୁକାବିଲାରେ ଭାରତ ବିପକ୍ଷରେ ବିଜୟ ହାସଲ କରିଥିଲା ପାକିସ୍ତାନ । ଏହି ମ୍ୟାଚରେ ଭାରତ ୧୦ ୱିକେଟରେ ମାତ୍ ଖାଇବା ସହ ଶୋଚନୀୟ ପରାଜୟ ବରଣ କରିଥିଲା । ତେବେ ଏହି ମ୍ୟାଚରେ ଅନେକ ସ୍ମରଣୀୟ ମୂହୁର୍ତ୍ତ ସାମ୍ନାକୁ ଆସିଥିଲା । ଖାସକରି ଟସ୍ ପଡିବା ସମୟରେ ଉଭୟ ଦେଶର ଅଧିନାୟକ ମଧ୍ୟରେ ହୋଇଥିବା ବାର୍ତ୍ତାଳାପ ଉପରେ ସମସ୍ତଙ୍କର ନଜର ଥିଲା । ଟସ୍ ସମୟରେ ପାକିସ୍ତାନ ଅଧିନାୟକ ବାବର ଆଜମ ପୂର୍ବତନ ଭାରତୀୟ ଅଧିନାୟକ ବିରାଟ କୋହଲିଙ୍କ କାନରେ କିଛି କହିଥିଲେ । ଯାହାକୁ ନେଇ ଜୋରଦାର ଚର୍ଚ୍ଚା ହୋଇଥିଲା । ତେବେ କୋହଲିଙ୍କ କାନରେ ବାବର କଣ କହିଥିଲେ ତାହା କାହାକୁ ଜଣାନଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଏବାବଦରେ ଯେତେବେଳେ ବାବର ଆଜମଙ୍କୁ ପଚରାଗଲା ସେତେବେଳେ ଏହାର ଜବାବ ଦେବାକୁ ଯାଇ ବାବର କହିଥିଲେ, ଆମ ଭିତରେ କଣ କଥା ହୋଇଥିଲା ତାହା ସମସ୍ତଙ୍କ ସାମ୍ନାରେ କହିବା ଠିକ୍ ହେବ ନାହିଁ । ଏହାଛଡ଼ା ବିରାଟଙ୍କୁ ଉଭୟ ଟି-୨୦ ଓ ଦିନିକିଆ ଅଧିନାୟକ ପଦରୁ ହଟାଇବା ବାବଦରେ ଯେତେବେଳେ ବାବରଙ୍କୁ ପ୍ରଶ୍ନ କରାଗଲା ସେତେବେଳେ ଏହାକୁ ଏଡାଇ ଯାଇଥିଲେ । କେବଳ ୱେଷ୍ଟଇଣ୍ଡିଜ ସିରିଜ ବାବଦରେ ପ୍ରଶ୍ନ କରିବାକୁ ପାକିସ୍ତାନ ମିଡିଆ ମ୍ୟାନେଜର ସାମ୍ବାଦିକଙ୍କୁ କହିଥିଲେ ।
ଚଳିତ ଟି-୨୦ ବିଶ୍ୱକପରେ ଭାରତର ପ୍ରଦର୍ଶନ ଅତି ନୈରାଶ୍ୟଜନକ ରହିଥିଲା । ଅନ୍ୟପଟେ ପାକିସ୍ତାନ ଦମଦାର ପ୍ରଦର୍ଶନ ସହ ସେମିଫାଇନାଲ ଟିକେଟ ହାତେଇଥିଲା । ତେବେ ସେମିଫାଇନାଲ ମୁକାବିଲାରେ ପାକିସ୍ତାନକୁ ମାତ୍ ଦେଇଥିଲା ଅଷ୍ଟ୍ରେଲିଆ । ଆଉ ପ୍ରଥମ ଥର ପାଇଁ ଟି-୨୦ ବିଶ୍ୱକପ ଚାମ୍ପିୟନ ଟାଇଟଲ ହାତେଇଥିଲା ଅଷ୍ଟ୍ରେଲିଆ ।