ଆପଣ ସନ୍ନ୍ୟାସୀ ହେବାକୁ ଚାହୁଁଛନ୍ତି କି? +2, ଗ୍ରାଜୁଏଟ୍, ପୋଷ୍ଟଗ୍ରାଜୁଏଟ୍ କରିଥିଲେ କରିପାରିବେ ଆବେଦନ । ଯୁବକଙ୍କୁ ସନ୍ନ୍ୟାସୀ-ବ୍ରହ୍ମଚାରୀ କରିବ ପତଞ୍ଜଳି ।
କନକ ବ୍ୟୁରୋ: ଦେଶର ଯୁବକମାନଙ୍କୁ ସନ୍ନ୍ୟାସୀ ହେବାକୁ ଆମନ୍ତ୍ରିତ କଲେ ଯୋଗଗୁରୁ ବାବା ରାମଦେବ । ଏଥିପାଇଁ ସେ ସୋସିଆଲ୍ ମିଡିଆରେ ବିଜ୍ଞାପନ ଦେବା ସହିତ ନିଜ ସୋସିଆଲ୍ ମିଡିଆ ଆକାଉଣ୍ଟରେ ମଧ୍ୟ ସୂଚନା ସେୟାର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବାବା ରାମଦେବଙ୍କ କହିବା କଥା, ଯେଉଁମାନେ ଯୁବକ, ଯୁବତୀମାନେ ସନ୍ନ୍ୟାସୀ ହେବାକୁ ଚାହୁଁଛନ୍ତି ସେମାନଙ୍କୁ ବାସ୍ କିଛି ସର୍ତ୍ତ ପୂରଣ କରିବାକୁ ପଡିବ । ଏଥିପାଇଁ ସନ୍ନ୍ୟାସ ମହୋତ୍ସବର ଆୟୋଜନ କରାଯାଉଛି । ଆସନ୍ତା ମାର୍ଚ୍ଚ ୨୨ ତାରିଖରୁ ଏହି ମହୋତ୍ସବର ଆରମ୍ଭ ହେବା ସହିତ ମାର୍ଚ୍ଚ ୩୦ ତାରିଖ ଅର୍ଥାତ ରାମନବମୀ ପର୍ଯ୍ୟନ୍ତ ଏହା ଚାଲିବ । ତେବେ ସନ୍ନ୍ୟାସୀ ମହୋତ୍ସବରେ ସନ୍ନ୍ୟାସୀ ହେବା ପାଇଁ ଜଣେ ଯୁବକ କିମ୍ବା ଯୁବତୀ ଅତି କମରେ ଦ୍ୱାଦଶ ଶ୍ରେଣୀ ପାସ୍ ହେବା ଆବଶ୍ୟକ ବୋଲି କୁହାଯାଇଛି । ଏହାସହିତ ଗ୍ରାଜୁଏଟ୍, ପୋଷ୍ଟଗ୍ରାଜୁଏଟ୍ ପଢିଥିବା ଯୁବକ,ଯୁବତୀମାନେ ମଧ୍ୟ ଏଥିପାଇଁ ଆପ୍ଲାଏ କରିପାରିବେ ବାଲେି କୁହାଯାଇଛି ।
ବାବା ରାମଦେବ କରିଥିବା ପୋଷ୍ଟରେ କୁହାଯାଇଛି ଯେ, କୌଣସି ବି ଜାତି କିମ୍ବା ସମୁଦାୟରେ ଜନ୍ମ ହୋଇଥିବା ସାଧାରଣ ମଣିଷ ମଧ୍ୟ ବଡ ବଡ କ୍ରାନ୍ତି କରିପାରିବେ । ଏଥିପାଇଁ ପରାକ୍ରମୀ ଓ ପ୍ରଚଣ୍ଡ ପୁରୁଷାର୍ଥର ଆବଶ୍ୟକତା ହୋଇଥାଏ । ତେଣୁ ରାମଦେବ ରାମନବମୀ ଅବସରରେ ପତଞ୍ଜଳି ଆଶିବା ପରେ ତାଙ୍କଠାରୁ ଦୀକ୍ଷା ନେଇ ସନ୍ନ୍ୟାସୀ ଜୀବନ ଆରମ୍ଭ କରିବାକୁ ଅପିଲ କରିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ପତଞ୍ଜଳି ବିଶ୍ୱବିଦ୍ୟାଳୟ ଆସି ଶିକ୍ଷା-ଦୀକ୍ଷା ହାସଲ କରିବା ସହିତ ଯୁବକ-ଯୁବତୀମାନେ ମହାନ ଋଷିଙ୍କ ଭଳି ବ୍ୟକ୍ତିତ୍ୱ ଗଠନ କରିପାରିବେ ବୋଲି କୁହାଯାଇଛି ।
କୌଣସି ବି ଜାତିର ହେଇଥାଆନ୍ତୁ ନା କାହିଁକି, ମାତା ପିତା ନିଜ ବଂଶର ଗୌରବ ରକ୍ଷା କରିବାକୁ ଚାହୁଁଥିଲେ ନିଜ ପ୍ରତିଭାବାବନ ପିଲାଙ୍କୁ ରାମଦେବଙ୍କ ପାଖକୁ ପଠାଇ ସନ୍ନ୍ୟାସ ଜୀବନ ଅତିବାହିତ କରିବାକୁ ପଠାଇପାରିବେ ବୋଲି ବିଜ୍ଞାପନରେ କୁହାଯାଇଛି । ଏଥିସହିତ ଯଦି କୌଣସି ଯୁବକ ସନ୍ନ୍ୟାସ ଗ୍ରହଣ କରିବାକୁ ଚାହୁଁଛନ୍ତି, ତେବେ ପିତାମାତାଙ୍କ ଅନୁମତି ବିନା ମଧ୍ୟ ସେ ପତଞ୍ଜଳି ଯୋଗପୀଠକୁ ଯାଇପାରିବେ । ସ୍ୱାମୀ ରାମଦେବ ଓ ମହର୍ଷି ଦୟାନନ୍ଦଙ୍କ ଭଳି ସନ୍ନ୍ୟାସୀ ସେହିଠାରେ ହିଁ ତିଆରି ହୋଇଥିଲେ ବୋଲି ବିଜ୍ଞାପନରେ ସୂଚନା ଦିଆଯାଇଛି ।
ବାବା ରାମଦେବ ଦାବି କରିଛନ୍ତି ଯେ, ବିଶ୍ୱବିଦ୍ୟାଳୟରେ ଯୋଗରେ ବିଏ, ଏମଏ, ବିଏଏମଏସ୍ ଓ ବିୱାଇଏନଏସର ସହ ଦର୍ଶନଶାସ୍ତ୍ର, ବେଦଶାସ୍ତ୍ର ଓ ବ୍ୟାକରଣ ସହିତ ସଂସ୍କୃତ ଓ ସାହିତ୍ୟ ଉପରେ ମଧ୍ୟ ବିଏ ଓ ଏମଏ କରାଯାଉଛି ।