କନକ ବ୍ୟୁରୋ : ବଲିଉଡର ବରିଷ୍ଠ ଅଭିନେତା ଦିଲ୍ଲୀପ ତାହିଲଙ୍କୁ ନେଇ ଏକ ବଡ ଖବର ସାମ୍ନାକୁ ଆସିଛି । କୋର୍ଟ ଦିଲ୍ଲୀପଙ୍କୁ ୨ମାସ ପାଇଁ ଜେଲ ଦଣ୍ଡରେ ଦଣ୍ଡିତ କରିଛି । ୫ବର୍ଷ ପୂର୍ବେ ମଦ୍ୟପାନ କରି ଗାଡି ଚଳାଉଥିବା ମାମଲାରେ ତାଙ୍କୁ ଜେଲ ଦଣ୍ଡ ହୋଇଛି । ଏହି ମାମଲା ୨୦୧୮ ମସିହାର ଥିଲା ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀପଙ୍କ ଉପରେ ଅଭିଯୋଗ ରହିଛି କି ୨୦୧୮ ମସିହାରେ ସେ ମଦ୍ୟପାନ କରି ନିଶାରେ ମୁମ୍ବାଇର ପାଶ ଖାର ଅଞ୍ଚଳରେ ଏକ ଅଟୋକୁ ଧକ୍କା ଦେଇଥିଲେ । ଏହି ଦୁର୍ଘଟଣାରେ ଜଣେ ମହିଳା ଗମ୍ଭୀର ଆହତ ହୋଇଥିଲେ । ଗଣମାଧ୍ୟମର ରିପୋର୍ଟ ମୁତାବକ ଅଦାଲତ ଏହି ପ୍ରମାଣକୁ ଆଧାର କରି ତହିଲଙ୍କୁ ଦଣ୍ଡିତ କରିଛନ୍ତି ।
ଅଭିନେତାଙ୍କ ମୁହଁର ମଦ ଗନ୍ଧ ଓ ଅଭିନେତାଙ୍କ ଚାଲିଚଳନକୁ ଆଧାର କରି କୋର୍ଟ ଦଣ୍ଡିତ କରିଛନ୍ତି । ଏହି ମାମଲାରେ ଦିଲ୍ଲୀପଙ୍କୁ ତୁରନ୍ତ ପୋଲିସ ଗିରଫ କରିଥିଲା । ହେଲେ ଦିଲ୍ଲୀପ ଜାମିନରେ ଜେଲରୁ ବାହାରି ଆସିଥିଲେ । ଗତ ୫ ବର୍ଷ ଧରି ଏହି ମାମଲା ଚାଲିଥିଲା । ଏହି ମାମଲାରେ ଏବେ କୋର୍ଟ ରାୟ ଶୁଣାଣି କ୍ରମରେ ଦିଲ୍ଲୀପଙ୍କୁ ଦୋଷୀ ସାବ୍ୟସ୍ତ କରି ୨ମାସ ଜେଲ ଦଣ୍ଡରେ ଦଣ୍ଡିତ କରିଛନ୍ତି ।