କାଶ୍ମୀର ପ୍ରସଙ୍ଗରେ ଆମେରିକାର ବୟାନ୍ । କହିଲା ଏହା ଦେଶର ସମ୍ପୂର୍ଣ୍ଣ ଆଭ୍ୟନ୍ତରୀଣ ବ୍ୟାପାର, ଏଲଓସିରେ ଶାନ୍ତି ବଜାୟ ରଖୁ ଭାରତ ।
କନକ ବ୍ୟୁରୋ : ଜାମ୍ମୁକାଶ୍ମୀର ନେଇ ବଡ ନିଷ୍ପତି ସମ୍ପର୍କରେ ପାଂଚଟି ପ୍ରମୁଖ ଦେଶକୁ ଅବଗତ କରାଯାଇଛି । ଆମେରିକା, ଚୀନ, ଫ୍ରାନ୍ସ, ବ୍ରିଟେନ ଓ ଋଷକୁ ନିଷ୍ପତି ନେଇ ଜଣାଇଛି ଭାରତ । ଏଥିସହ ପ୍ରାୟ ୨୦ରାଷ୍ଟ୍ରର ରାଷ୍ଟ୍ରଦୂତଙ୍କୁ ମଧ୍ୟ ଏହି ଐତିହାସିକ ନିଷ୍ପତି ବାବଦରେ ଜଣାଇଦିଆଯାଇଛି । ଭାରତ ଏସମ୍ପର୍କରେ ଜଣାଇଥିବା କଥା ଆମେରିକା ବି ସ୍ୱୀକାର କରିଛି ।
Kanak News is now on WhatsApp
Join and get latest news updates delivered to you via WhatsApp
ଆମେରିକା ଗୃହ ବିଭାଗର ମୁଖପାତ୍ର ମୋର୍ଗାନ କହିଛନ୍ତି ଭାରତ କାଶ୍ମୀର ସମ୍ପର୍କରେ ନେଇଥିବା ନିଷ୍ପତି ଏହାର ଆଭ୍ୟନ୍ତରୀଣ ବ୍ୟାପାର । ହେଲେ କାଶ୍ମୀରରେ ଯେମିତି ବ୍ୟକ୍ତିଗତ ସ୍ୱାଧୀନତା କ୍ଷୁର୍ଣ୍ଣ ନହୁଏ ଓ ଏଲଓସିରେ ଶାନ୍ତି ବଜାୟ ରୁହେ ସେ ଉପରେ ଧ୍ୟାନ ଦେବାକୁ ପରାମର୍ଶ ଦେଇଛି ଆମେରିକା । ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ମୋର୍ଗାନଙ୍କ ଏହି ପ୍ରତିକ୍ରିୟାରେ କିନ୍ତୁ ପାକିସ୍ତାନର ଉଦବେଗ ସମ୍ପର୍କରେ କିଛି ବି ଉଲ୍ଲେଖ ନାହିଁ ।