ମାଲକାନଗିରି ମାଥିଲିରେ ଅଜଣା ରୋଗ ପଛରେ ମଦ। ସିଡିଏମଓ କହିଲେ, ମୃତକଙ୍କର ଥିଲା ଗମ୍ଭୀର କିଡନୀ ସମସ୍ୟା।
କନକ ବ୍ୟୁରୋ: ହଳଦୀକୁଣ୍ଡ ଗାଁର ମୃତ ଆଇତା ମଡକାମୀଙ୍କ ପରିବାର ଲୋକ ଦୁଃଖରେ । କନକ ନ୍ୟୁଜ କ୍ୟାମେରାରେ ତାଙ୍କ ସ୍ତ୍ରୀ ବଖାଣିଛନ୍ତି ଆଇତାଙ୍କ ମୃତ୍ୟୁ ଘଟିବାର ସତ । କିଛି ଦିନ ତଳେ ସେ ବିଷାକ୍ତ ମାଂସ ଖାଇ ଅସୁସ୍ଥ ହୋଇପଡିଥିଲେ । ପରିବାର ଲୋକେ ତାଙ୍କୁ ଡାକ୍ତରଖାନା ନ ନେଇ ଝଡାଫୁଙ୍କା କରିଥିଲେ । ଏହା ପରେ ତାଙ୍କର ମୃତ୍ୟୁ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
କେବଳ ଆଇତା ନୁହନ୍ତି ହଳଦୀକୁଣ୍ଡ ଗାଁରେ ଏବେ ଏହି ଅଜଣା ରୋଗରେ ୧୨ ଜଣ ପ୍ରାଣ ହରାଇଥିବା ଅଭିଯୋଗ ହୋଇଛି । ଏହାପରେ ସିଡିଏମଓଙ୍କ ନେତୃତ୍ୱରେ ଜିଲ୍ଲା ସ୍ୱାସ୍ଥ୍ୟ ବିଭାଗର ଏକ ଟିମ ହଳଦୀକୁଣ୍ଡ ଗାଁକୁ ଯାଇ ତଦନ୍ତ କରିଛନ୍ତି । ଏ ବାବଦରେ ଲୋକଙ୍କୁ ସଚେତନ କରାଯାଇଛି । କିଛି ଦିନ ପୂର୍ବରୁ ବିଷାକ୍ତ ମାଂସ ଓ ମଦ ପିଇ ଅନେକ ଲୋକ ଆକ୍ରନ୍ତ ହୋଇଥିଲେ । ପରେ ଚିକିତ୍ସାଧୀନ ଅବସ୍ଥାରେ କିଛି ଲୋକ ପ୍ରାଣ ହରାଇଛନ୍ତି । ଆକ୍ରାନ୍ତ ଲୋକଙ୍କୁ ମାଥିଲି ସ୍ୱାସ୍ଥ୍ୟକେନ୍ଦ୍ର ନିଆଯାଇଛି । ଗ୍ରାଉଣ୍ଡ ଜିରୋରେ କନକ ନ୍ୟୁଜ ପହଞ୍ଚିବା ପରେ ଅନୁସନ୍ଧାନରୁ ଜଣାପଡିଥିଲା, ରୋଗ ବ୍ୟାପିବା ପୂର୍ବରୁ ଏମାନେ ବିଷାକ୍ତ ମାଂସ ଖାଇବା ସହ ଅଭ୍ୟାସଗତ ଭାବରେ ମଦ ପିଉଥିଲେ ।
ଗାଁରେ ସ୍ୱାସ୍ଥ୍ୟ ବିଭାଗର ଟିମ ଲୋକଙ୍କୁ ସଚେତନ କରାଇଥିବାବେଳେ ଗାଁରେ ଏବେ ବି ରହିଛି ଅନ୍ଧବିଶ୍ୱାସର ଚିତ୍ର । ଲୋକେ ଏବେ ବି ଝଡାଫୁଙ୍କା ଉପରେ ବିଶ୍ୱାସ କରୁଛନ୍ତି । ଏବେ ବି ଦେଶୀ ମଦ ପିଉଥିବା ଚିତ୍ର ଦେଖିବାକୁ ମିଳିଛି । ଗାଁ ଲୋକଙ୍କୁ ସ୍ୱାସ୍ଥ୍ୟ ବିଭାଗ ଯେେତେ ସଚେତନ କଲେ ବି ଗାଁରେ କୌଣସି ପରବର୍ତନ ଦେଖିବାକୁ ମିଳିନାହିଁ । ସ୍ୱାସ୍ଥ୍ୟ ବିଭାଗ ଓ ଅବକାରୀ ବିଭାଗର ଟିମ ଗାଁକୁ ଯାଇ ରକ୍ତ ନମୁନା , ଖାଦ୍ୟ , ପାନୀୟ ଜଳ ଓ ମଦର ନମୁନା ସଂଗ୍ରହ କରିଛନ୍ତି ।