ଅଗ୍ନିପଥ ଯୋଜନା: ଓଡିଆ ଯୁବକ ହେବେନି ଲାଭବାନ! କାହିଁକି ସେନାରେ ଓଡିଆଙ୍କ ସଂଖ୍ୟା କମ୍?
କନକ ବ୍ୟୁରୋ : ସାରା ଦେଶରେ ଅଗ୍ନିପଥ ଯୋଜନାକୁ ନେଇ ନିଆଁ ଜଳୁଥିବାବେଳେ ଓଡିଶାରେ ଆନ୍ଦୋଳନ ଅନ୍ୟ ରାଜ୍ୟ ତୁଳନାରେ ଅପେକ୍ଷାକୃତ କମ । ତେବେ ଆନ୍ଦୋଳନର ଧାରା ଓଡିଶାର ଜନସାଧାରଣଙ୍କ ସେନାରେ ଯୋଗଦାନ ସଂଖ୍ୟାକୁ ପଦାରେ ପକାଇଛି । ଓଡିଶାରେ ଦେଶ ଜନସଂଖ୍ୟାର ୩.୪ ପ୍ରତିଶତ ଲୋକ ରହୁଥିବାବେଳେ, ଭାରତୀୟ ସେନାରେ ମାତ୍ର ୧.୫ ପ୍ରତିଶତ ଓଡିଆ । ଅର୍ଥାତ ଦେଶର ମୋଟ ଯବାନଙ୍କ ସଂଖ୍ୟା ପାଖାପାଖି ୨୧ ଲକ୍ଷ ହୋଇଥିବାବେଳ ଓଡିଆଙ୍କ ସଂଖ୍ୟା କେବଳ ୩୧ ହଜାର ୬୦୦ ।
Kanak News is now on WhatsApp
Join and get latest news updates delivered to you via WhatsApp
ଜନସଂଖ୍ୟା ଦୃଷ୍ଟିରୁ ଓଡିଶା ଦେଶର ଏକାଦଶ ସର୍ବବୃହତ ରାଜ୍ୟ, କିନ୍ତୁ ସେନାରେ ନିଯୁକ୍ତି କ୍ଷେତ୍ରରେ ଓଡିଶାର ସ୍ଥାନ ୧୬ । ଉତ୍ତର ପ୍ରଦେଶ ଏହି ତାଲିକାରେ ଶୀର୍ଷରେ ରହିଛି ଏବଂ ବିଶେଷଜ୍ଞଙ୍କ ମତରେ ଉତ୍ତର ଭାରତରେ ସେନା ପ୍ରତି ଆକର୍ଷଣ ଅଧିକା
ପୂର୍ବତନ ସେନା ଅଧିକାରୀଙ୍କ ମତରେ ଓଡିଆ ଲୋକଙ୍କ ସେନା ପ୍ରତି ଆକର୍ଷଣ କମ ଓ ଉତ୍ତର ଭାରତ ପରି ବାତାବରଣ ଓଡିଶାରେ ନାହିଁ । ନିଯୁକ୍ତି ପରୀକ୍ଷାରେ ଉତ୍ତୀର୍ଣ୍ଣ ପାଇଁ ଉପଯୁକ୍ତ ତାଲିମ କେନ୍ଦ୍ର ଓଡିଶାରେ ନାହିଁ । ସରକାରୀ ସ୍ତରରେ ମଧ୍ୟ ସେନାରେ ଯିବା ପାଇଁ ବିଶେଷ ପ୍ରୋତ୍ସାହନ ନାହିଁ ।
ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକ କଳିଙ୍ଗ ରେଜିମେଣ୍ଟ ଗଠନ ପାଇଁ ବାରମ୍ବାର ସ୍ୱର ଉଠାଇଥିଲେ କିନ୍ତୁ କେନ୍ଦ୍ର ପ୍ରତିରକ୍ଷା ବିଭାଗ ଏହାକୁ ଗୁରୁତ୍ୱ ଦେଇନଥିଲେ ।