କନକ ବ୍ୟୁରୋ : ବଲିଉଡର ଜଣାଶୁଣା ଅଭିନେତ୍ରୀ ଅମୀଷା ପଟେଲ ଠକେଇ ମାମଲାରେ ରାଞ୍ଚି କୋର୍ଟରେ ଆତ୍ମସମର୍ପଣ କରିଛନ୍ତି । ସେ ଆତ୍ମସମର୍ପଣ କରିବା ପରେ କୋର୍ଟ ତାଙ୍କୁ ଜାମିନ ପ୍ରଦାନ କରିଛନ୍ତି । ଏହାସହ ପୁଣି ଜୁନ ୨୧ ତାରିଖରେ ହାଜର ହେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅମୀଷା ପଟେଲଙ୍କ ଉପରେ ରାଞ୍ଚର ଫିଲ୍ମ ପ୍ରଯୋଜକ ଅଜୟ କୁମାର ସିଂ ଚେକ୍ ବାଉନ୍ସ ମାମଲା ଦାୟର କରିଥିଲେ । ଏହାସହ ଠକେଇ ଓ ଧମକ ଦେବା ଭଳି ଅଭିଯୋଗ ଆଣିଥିଲେ ଅଜୟ କୁମାର ସିଂ । ଅମୀଷାଙ୍କ ଉପରେ ଅଭିଯୋଗ ଥିଲା କି ସେ ଏକ ସିନେମା ପ୍ରମୋଶନ ଓ ପବ୍ଲିସିଟି ପାଇଁ ଫିଲ୍ମ ନିର୍ମାତା ଅଜୟ କୁମାର ସିଂଙ୍କ ଠାରୁ ୨.୫ କୋଟି ଟଙ୍କା ଅଗ୍ରୀମ ନେଇଥିଲେ । ସିନେମା ସମ୍ପୂର୍ଣ୍ଣ ହେବା ପରେ ସୂଧ ସହ ଟଙ୍କା ଫେରାଇ ଦେବାକୁ ଏଗ୍ରିମେଣ୍ଟ କରିଥିଲେ । ୨୦୧୩ ମସିହାର୍ରୁ ଆରମ୍ଭ ହୋଇଥିବା ସିନେମା ଶେଷ ହେବାରେ ବିଳମ୍ବ ହେବାରୁ ଅଜୟ ଅମୀଷାଙ୍କୁ ଟଙ୍କା ଫେରସ୍ତ ମାଗିଥିଲେ । ହେଲେ ଅମୀଷା ଟଙ୍କା ନଫେରାଇ ତାଙ୍କୁ ଧମକ ଚମକ ଦେଉଥିଲେ ।
ଅମୀଷା ପଟେଲଙ୍କ ନାମରେ ଏହି ମାମଲାରେ କୋର୍ଟ ବାରମ୍ବାର ହାଜିର ହେବାକୁ ନୋଟିସ ଜାରି କରିଥିଲେ । ହେଲେ ସେ କୋର୍ଟଙ୍କ ନୋଟିସକୁ ବେଖାତର କରି କୋର୍ଟରେ ହାଜର ହେଉ ନଥିଲେ । ଏହାପରେ କୋର୍ଟ ଅମୀଷାଙ୍କ ନାମରେ ୱାରେଣ୍ଟ ଜାରି କରିଥିଲେ ।
ସେପଟେ ଅଜୟ କୁମାର ସିଂ କହିଛନ୍ତି କି ବାରମ୍ବାର ଅମୀଷାଙ୍କ ଉପରେ ଟଙ୍କା ଫେରାଇବା ନେଇ ଚାପ ପକାଇବା ପରେ ଅମୀଷା ତାଙ୍କୁ ୨.୫ କୋଟି ଟଙ୍କାର ଏକ ଚେକ୍ ଦେଇଥିଲେ । ହେଲେ ସେ ଚେକ୍ ବାଉନ୍ସ ହୋଇଯାଇଥିଲେ । ଏହାପରେ ଅଜୟ କୁମାର ସିଂ କୋର୍ଟଙ୍କ ଦ୍ୱାରସ୍ଥ ହୋଇଥିଲେ ।