ସଲମାନ ଖାନ୍ ବେଆଇନ ଅସ୍ତ୍ରଶସ୍ତ୍ର ରଖିବା ମାମଲାରେ ଆଜି ଯୋଧପୁର କୋର୍ଟରେ ଶୁଣାଣି ହେବ । ଏଥିପାଇଁ ଗତକାଲି ସଲମାନ ଯୋଧପୁରରେ ପହଂଚିଛନ୍ତି । ୧୯୯୮ ମସିହାର ଫିଲ୍ମ ‘ହମ ସାଥ୍ ସାଥ୍ ହୈ’ର ସୁଟିଂ ସମୟରେ ସଲମାନଙ୍କ ଉପରେ ବେଆଇନ ଅସ୍ତ୍ରଶସ୍ତ୍ର ରଖିଥିବା ନେଇ ଅଭିଯୋଗ ହୋଇଥିଲା । ଏଥିପାଇଁ ତାଙ୍କ ବିରୋଧରେ ଆର୍ମ୍ସ ଆକ୍ଟର ଧାରା ୩/୨୫ ଓ ୨୫ ଦଫା ଲାଗିଛି ।

କୁହାଯାଉଛି ଯଦି ଏହି ଆକ୍ଟର ପ୍ରଥମ ଧାରାରେ ଯଦି ସଲମାନ ଦୋଷୀ ସାବ୍ୟସ୍ତ ହୁଅନ୍ତି, ତେବେ ୩ବର୍ଷ ଓ ଦ୍ୱିତୀୟ ଧାରାରେ ଦୋଷୀ ସାବ୍ୟସ୍ତ ହେଲେ ସାତ ବର୍ଷ ଜେଲ ଦଣ୍ଡ ଭୋଗିପାରନ୍ତି । କୃଷ୍ଣସାରମୃଗ ଶିକାର ମାମଲାରେ ପୂର୍ବରୁ ଯୋଧପୁର କୋର୍ଟ ତାଙ୍କୁ ଦୋଷମୁକ୍ତ କରିଛନ୍ତି । ସୁଟିଂ ସମୟରେ ସଲମାନ ଖାନ୍ ୨ଟି କୃଷ୍ଣସାର ମାରିଥିବା ନେଇ ତାଙ୍କ ଉପରେ ମାମଲା ରୁଜୁ ହୋଇଥିଲା ।