ବାରବାଟୀରେ ଭାଇଚାରାର ବାର୍ତ୍ତା ଦେଲେ ଭାଇଜାନ୍ : ନବୀନଙ୍କୁ କଲେ ପ୍ରଶଂସା, ଉଠାଇଲେ ଫଟୋ
ଆଳୁଦମ୍ ଦହିବରା ଖାଇବାକୁ ଦେଖାଇଲେ ଆଗ୍ରହ
କନକ ବ୍ୟୁରୋ : କଳିଙ୍ଗ ଷ୍ଟାଡିୟମ ପରେ ଝଟକିଲା ବାରବାଟୀ । କଟକରେ ଜଲୱା ଦେଖାଇଛନ୍ତି ଭାଇଜାନ୍ । କଟକ ବାରବାଟୀ ଷ୍ଟାଡିଅମରେ ବିଶ୍ୱକପ୍ ହକି ପାଇଁ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ସଲମାନ ଖାନ ଯୋଗ ଦେଇ ସମସ୍ତଙ୍କୁ ଉତ୍ସାହିତ କରିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ସଲମାନ ଖାନଙ୍କୁ ସ୍ୱାଗତ କରିବା ସହ ମଂଚ ଉପରେ ସମ୍ବର୍ଦ୍ଧିତ କରିଛନ୍ତି । ଓଡିଆରେ ନିଜ ଅଭିଭାଷଣ ଆରମ୍ଭ କରି ଓଡିଆ ଲୋକଙ୍କୁ ଭଲ ପାଉଥିବା କହିଛନ୍ତି । ସଲମାନ ଖାନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଶଂସା କରିବା ସହ ବିଶ୍ୱକପ୍ ହକି ପାଇଁ ଶୁଭେଚ୍ଛା ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସଲମାନ ଖାନ କଟକ ଗସ୍ତରେ ଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ବେଶ କିଛି ସମୟ ଅନ୍ତରଙ୍ଗ ମୁହୁର୍ତ୍ତ ବିତାଇଛନ୍ତି । ଏମିତି କି ମୁଖ୍ୟମନ୍ତ୍ରୀଙ୍କ ସହ ଉତ୍ସାହର ସହ ଫଟୋ ଉଠାଇଛନ୍ତି ଭାଇଜାନ୍ । ନବୀନ ପଟ୍ଟନାୟକ ଓ ସଲମାନଙ୍କ ଏହି ଫଟୋ ଦେଖିଲେ ଯେ କେହି ବି ଅନୁମାନ କରିପାରିବ କେତେ ଆତ୍ମିୟ ଭାବରେ ମିଶିଛନ୍ତି ଏହି ନେତା ଓ ଅଭିନେତା । ବର୍ତ୍ତମାନ ଏହି ଫଟୋଟି ସୋସିଆଲ ମିଡିଆରେ ବେଶ୍ ଚର୍ଚ୍ଚା ସୃଷ୍ଟି କରିଛି ।
ମଂଚ ଛାଡିବା ଆଗରୁ ଦର୍ଶକଙ୍କ ଚମକାଇ ଦେଇଥିଲେ ସଲୁ । କଟକିଆଙ୍କ ଭାବାବେଗ ସହ ଯୋଡି ହୋଇଥିବା ଆଳୁଦମ ଓ ଦହିବରାର ପ୍ରଂଶସା କରିଛନ୍ତି ସଲମାନ । ଏମିତି କି କାର୍ଯ୍ୟକ୍ରମ ଶେଷରେ ଫେରିଯିବା ଆଗରୁ କଟକର ଆଳୁଦମ ଓ ଦହିବରା ଖାଇବେ ବୋଲି ମଂଚ ଉପରେ କହିଥିଲେ ସଲମାନ ଖାନ । ତାଙ୍କ -ଏହି କଥା ପଦକ ଶୁଣିବା ପରେ ଦର୍ଶକଙ୍କ ଉତ୍ସାହ ଦୁଇ ଗୁଣିତ ହୋଇଯାଇଥିଲା ।
ସେପଟେ କଳିଙ୍ଗ ପରେ ବାରବାଟୀରେ ଛୁମିଲେ ଦର୍ଶକ । ନିଜ କମାଲ ଦେଖାଇଲେ ଏଆର ରେହମାନ ଟିମ୍ । ଗୋଟିଏ ପରେ ଗୋଟିଏ ଗୀତ ସହ ଉଲ୍ଲସିତ ହୋଇଥିଲେ ପ୍ରାୟ ୪୦ ହଜାର ଦର୍ଶକ । ଦିଲ୍ ସେ ରେ, ଦିଲ୍ ହେ ଛୋଟାସା .., ମୁକାବିଲା ମୁକାବିଲା .. ଆଦି ଗୀତ ଗାଇଥିଲେ ରେହମାନ ଓ ଟିମ୍ ।