ରାୟଗଡା : ଆଇନ ଯୁଦ୍ଧରେ ହାରିଗଲେ ଇରାନୀ ବିଦେଶିନୀ । ଏହି ବିଦେଶୀନିଙ୍କ ବିରୋଧରେ ରାୟଗଡା ଏସଡିଜେଏମ କୋର୍ଟ ଶୁଣାଇଛନ୍ତି ଏକ ବର୍ଷ ଜେଲ ଦଣ୍ଡ ସହ ୩ ଲକ୍ଷ ଟଙ୍କାର କ୍ଷତିପୂରଣ । ୨୦୧୧ ମସିହାରେ ସମାଜସେବା କରିବାକୁ ଓଡିଶା ଆସି ଫସି ଯାଇଥିଲେ ଏହି ଇରାନୀ ବିଦେଶିନୀ ନର୍ଗିସ ।
Kanak News is now on WhatsApp
Join and get latest news updates delivered to you via WhatsApp
ରାୟଗଡାର ଏକ ପାହାଡିଆ ଅଂଚଳରେ ପ୍ରିସନ ଫାଉଣ୍ଡେସନ ନାମକ ଏକ ଅନୁଷ୍ଠାନ ଖୋଲି ଦିବ୍ୟାଙ୍ଗ ପିଲାଙ୍କ ସେବା କରିଆସୁଥିଲେ । ତେବେ ତାଙ୍କ ନାଁରେ ଅଭିଯୋଗ ରହିଥିଲା ଯେ ସେ ଏହି ଅନୁଷ୍ଠାନରୁ କିଛି ଦିବ୍ୟାଙ୍ଗ ପିଲାଙ୍କୁ ନେଇ ନାଗାବଳୀ ନଈକୂଳକୁ ପିକନିକ୍ କରିବାକୁ ଆସିଥିବା ବେଳେ ଅନୁଷ୍ଠାନର ଜଣେ କର୍ମଚାରୀଙ୍କ ପିଲା ନଈରେ ଭାସିଯାଇଥିଲା ।
ଏହାପରେ ନିଖୋଜ ପିଲାର କୌଣସି ଖୋଜଖବର ମିଳିନଥିଲା । ଏନେଇ ନିଖୋଜ ପିଲାର ବାପା ଥାନାରେ ନର୍ଗିସଙ୍କ ବିରୋଧରେ ଏତଲା ଦେଇଥିଲେ । ନର୍ଗିସଙ୍କ ବିରୋଧରେ ଲାଗିଥିଲା ୩୦୪ ଦଫା । ତାଙ୍କୁ ମୁକୁଳାଇବା ପାଇଁ ଇରାନୀ ଦୂତାବାସ ମଧ୍ୟ ହସ୍ତକ୍ଷେପ କରିଥିଲେ ।