ମଧ୍ୟ ପ୍ରଦେଶରେ ଟି୨୦ ଭଳି ମୁକାବିଲା : ଅନ୍ତିମ ସିଟ୍ କରିବ ବିଜେତା ଘୋଷଣା
ଯଦି ୨ଦଳଙ୍କ ମଧ୍ୟରେ ଟାଇ ହୋଇଯାଏ ତା’ ହେଲେ ଶେଷ ଫଇସଲା ବିଏସପି ହାତକୁ ଆସିବ ।
ପାଂଚଟି ରାଜ୍ୟରେ ବିଧାନସଭା ନିର୍ବାଚନରେ ସବୁଠାରୁ ରୋମାଂଚକର ନିର୍ବାଚନ ମଧ୍ୟପ୍ରଦେଶରେ ହେଉଥିବା ଦେଖିବାକୁ ମିଳୁଛି । ୧୨ ଟା ୩୦ ପର୍ଯ୍ୟନ୍ତ କଂଗ୍ରେସ ଓ ବିଜେପିର ବଢ଼ୁଥିବା ଆକଳନ ସମାନରେ ଝୁଲୁଥିଲା । ସର୍ବନିମ୍ନ ୩ ଥର ବିଜେପି ଓ ୩ ଥର କଂଗ୍ରେସ ବହୁମତକୁ ଛୁଇଁ ତଳକୁ ଖସିଲେଣି । ଏପର୍ଯ୍ୟନ୍ତର ଆକଳନରୁ ଜଣାପଡୁଛି କି, ମଧ୍ୟପ୍ରଦେଶର ମଧ୍ୟ ଭାଗରେ ଓ ବିନ୍ଧ୍ୟ କ୍ଷେତ୍ରରେ ବିଜେପିର ସିଟ୍ ବଢ଼ିଛି । ଅନ୍ୟ ଭାଗରେ କଂଗ୍ରେସ ଆଗରେ ଅଛି । ବୁନ୍ଦେଲଖଣ୍ଡ ଅଂଚଳରେ କଡା ମୁକାବିଲାରେ ବିଜେପି ଭାରୀ ପଡିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଫଳାଫଳକୁ ଦେଖି ଗୋଟିଏ ଦିନ ପୂର୍ବରୁ ମୁଖ୍ୟମନ୍ତ୍ରୀ ଶିବରାଜ ସିଂ ଚୈାହାନ ଦେଇଥିବା ବୟାନ ମନେପଡେ କି ତାଙ୍କ ଠାରୁ ବଡ ନିର୍ବାଚନ ସର୍ଭେ କରୁଥିବା ବ୍ୟକ୍ତି କେହି ନାହାଁନ୍ତି । ଅନ୍ୟ ପଟେ ଦିଗବିଜୟ ସିଂହଙ୍କ କଥା ମନେପଡୁଛି କି କଂଗ୍ରେସ ସର୍ବନିମ୍ନ ୧୨୬ଟି ସିଟ୍ ହାସଲ କରିବ । ମତଗଣନା ଯେଭଳି ଧିରେ ଧିରେ ଆଗକୁ ବଢ଼ୁଛି , ସେମିତି ନିର୍ବାଚନର ପରିଣାମ ଉପରେ ଶୀଘ୍ର ଅନ୍ଦାଜା ଲଗାଇବା ଠିକ୍ ହେବନି । ଏହି ନିର୍ବାଚନ ଏବେ ଟି୨୦ ମ୍ୟାଚ ଭଳି ହୋଇଗଲାଣି । ଯେଉଁଥିରେ ପ୍ରତ୍ୟେକ ଓଭର ଓ ବଲ୍ ସହିତ ୱିକେଟ୍ ଓ ରନ୍ ରେଟ୍ ସମୀକରଣ ବଦଳୁଥାଏ । ଏମିତିରେ ଯେପର୍ଯ୍ୟନ୍ତ ମଧ୍ୟ ପ୍ରଦେଶର ଅନ୍ତିମ ସିଟର ଫଳାଫଳ ସାମନାକୁ ନଆସିଛି । ସେ ପର୍ଯ୍ୟନ୍ତ କିଛି କହିବା ଠିକ୍ ହେବନି । ଯଦି ୨ଦଳଙ୍କ ମଧ୍ୟରେ ଟାଇ ହୋଇଯାଏ ତା’ ହେଲେ ଶେଷ ଫଇସଲା ବିଏସପି ହାତକୁ ଆସିବ ।