ପୌରାଣିକ ଲୋକକଥାରେ ଶ୍ରୀବିଗ୍ରହଙ୍କ ଅଧୁରା ମୁରତୀ ! ତେବେ ଏହି କାରଣରୁ ଆଜି ବି ଅଧୁରା ରହିଛି ଶ୍ରୀବିଗ୍ରହଙ୍କ ମୂର୍ତ୍ତୀ
ସବୁ ମନ୍ଦିର ତଥା ପବିତ୍ର ସ୍ଥାନ ସହ ଜଡିତ କିଛି ନା କିଛି ଲୋକକଥା ଥାଏ । ଏହି ପ୍ରଚଳିତ ଲୋକକଥା ଆଗକୁ ଯାଇ ଶ୍ରଦ୍ଧାଳୁଙ୍କୁ ଉକ୍ତ ସ୍ଥାନକୁ ଆସିବା ପାଇଁ ପ୍ରଭାବିତ କରିଥାଏ । ପୁରୀ ଜଗନ୍ନାଥ ମନ୍ଦିରରେ ପ୍ରଚଳିତ ଏକ ଲୋକକଥା ମଧ୍ୟ ଖୁବ୍ ପ୍ରଚଳିତ । ପ୍ରଚଳିତ କଥା ଅନୁସାର ମାତା ଯଶୋଦା,ଦେବକୀ ଏବଂ ତାଙ୍କ ଭଉଣୀ ସୁଭଦ୍ରା ବୃନ୍ଦାବନରୁ ଦ୍ୱାରିକା ଆସିଥିଲେ । ତାଙ୍କ ସହ ଆସିଥିବା ଅନ୍ୟ ରାଣୀ ତାଙ୍କୁ ନିବେଦନ କରିଥିଲେ ଯେ ସେ ତାଙ୍କୁ ଶ୍ରୀକୃଷ୍ଣଙ୍କ ବାଲ୍ୟଲୀଳା ସଂପର୍କରେ କୁହନ୍ତୁ । ଏହି କଥାରେ ମାତା ଯଶୋଦା ଏବଂ ଦେବକୀ ରାଣୀମାନଙ୍କୁ ଶ୍ରୀକୃଷ୍ଣ ବାଲ୍ୟଲୀଳା ଶୁଣାଇବାକୁ ରାଜି ହୋଇଗଲେ ଏବଂ ତାଙ୍କ କଥାକୁ ଶ୍ରୀକୃଷ୍ଣ ଏବଂ ବଳରାମ ନ ଶୁଣିବା ପାଇଁ ମାତା ସୁଭଦ୍ରା କବାଟରେ ପ୍ରହରା ଦେଲେ ।
Kanak News is now on WhatsApp
Join and get latest news updates delivered to you via WhatsApp
ମାତା ଯଶୋଦା ଶ୍ରୀକୃଷ୍ଣଙ୍କ ଲୀଳାର ଗାଥା ଆରମ୍ଭ କରିଥିଲେ ଏବଂ ମନ୍ତ୍ରମୁଗ୍ଧ ହୋଇ ଶ୍ରୀକୃଷ୍ଣ ଗାଥା ଶୁଣିବାକୁ ଲାଗିଲେ । ମାତା ସୁଭଦ୍ରା ମଧ୍ୟ ଏଭଳି ମନ୍ତ୍ରମୁଗ୍ଧ ହେଲେ ଯେ ପ୍ରହରା କଥା ଭୁଲି ଗାଥା ଶୁଣିବାକୁ ଲାଗିଲେ । ଏଥିମଧ୍ୟରେ ଦୁଇଭାଇ କୃଷ୍ଣ ଏବଂ ବଳରାମ ସେଠାକୁ ଆସିଗଲେ ଯାହାର ଖବର କାହାରିକୁ ଲାଗିନଥିଲା । ଭଗବାନ କୃଷ୍ଣ ଏବଂ ଜ୍ୟୋଷ୍ଠଭ୍ରାତା ବଳରାମ ମାତା ଯଶୋଦାଙ୍କ ମୁଖରୁ ନିଜ ବାଲ୍ୟଲୀଳା ଶୁଣିବାକୁ ଲାଗିଲେ । ନିଜ ଚାପଳପଣ ଏବଂ କ୍ରୀଡା କଥା ଶୁଣି ଶୁଣି ଦୁଇ ଭାଇଙ୍କ ଚୁଟି ଠିଆ ହେବାକୁ ଲାଗିଥିଲା ଏବଂ ଆଶ୍ଚର୍ଯ୍ୟ କାରଣରୁ ଆଖି ବଡ ହେବାକୁ ଲାଗିଥିଲା ଏବଂ ମୁହଁ ଖୋଲା ହୋଇ ରହିଥିଲା । ଏପଟେ ମାତା ସୁଭଦ୍ରା ମଧ୍ୟ ମନ୍ତ୍ରମୁଗ୍ଧ ହୋଇ ପ୍ରେମଭାବରେ ତରଳିବାକୁ ଲାଗିଲେ । ଏହି କାରଣରୁ ଜଗନ୍ନାଥ ମନ୍ଦିରରେ ସୁଭଦ୍ରାଙ୍କ ଲମ୍ବ ଛୋଟ । କୃଷ୍ଣଲୀଳା ଶୁଣୁଥିବା ସମୟରେ ଉକ୍ତ ସ୍ଥାନକୁ ବେଦମୁନି ନାରଦ ଆସିଥିଲେ । ନାରଦ ମୁନିଙ୍କ ଆସିବାକୁ ସମସ୍ତେ ଜାଣିସାରିଥିଲେ ତେଣୁ କୃଷ୍ଣଲୀଳାକୁ ଅଧାରେ ବନ୍ଦ କରିଦେଇଥିଲେ । ପ୍ରଭୂ ଶ୍ରୀକୃଷ୍ଣଙ୍କ ବାଚାଳ ଏବଂ ସୋମ୍ୟ ମୁଖମଣ୍ଡଳକୁ ଦେଖି ନାରଦ ମୁନି କହିଥିଲେ , “ଆପଣ କେତେ ସୋମ୍ୟ ଲାଗୁଛନ୍ତିି ପ୍ରଭୁ , ଆପଣ ଏହି ରୁପରେ କେବେ ଅବତାର ନେବେ?” ସେତେବେଳେ ପ୍ରଭୂଙ୍କ ଶ୍ରୀମୁଖରୁ ପଦଟୁଏ ବାହାରିଥିଲା ଯେ “କଳିଯୁଗରେ ନେବି” ।
କଥା ଅନୁସାର କଳିଯୁଗରେ ପ୍ରଭୂ ଶ୍ରୀକୃଷ୍ଣ ରାଜା ଇନ୍ଦ୍ରଦ୍ୟୁମ୍ନ ସ୍ୱପ୍ନରେ ଆସି ଏବଂ ପୁରୀ ସମୁଦ୍ର କୂଳରେ ଏକ ଗଛ ମୂଳେ ତାଙ୍କ ବିଗ୍ରହ ପ୍ର୍ରସ୍ତୁତ କରି ମନ୍ଦିରରେ ସ୍ଥାପିତ କରିବାକୁ କହିଥିଲେ । ପ୍ରଭୂଙ୍କ ଆଦେଶନୁସାର ରାଜା ଏହି କାମ ପାଇଁ ଦକ୍ଷ ବଢେଇଙ୍କୁ ଖୋଜିବା ଆରମ୍ଭ କରିଦେଲେ । କିଛି ଦିନର ଅନ୍ତରାଳରେ ତାଙ୍କୁ ଜଣେ ବୁଢା ବ୍ରାହ୍ମଣ ମିଳିଲେ ଏବଂ ସେ ରାଜାଙ୍କୁ ବିଗ୍ରହ ପ୍ରସ୍ତୁତ କରିବା ପାଇଁ ଇଚ୍ଛା ଜାହିର କଲେ । କିନ୍ତୁ ବ୍ରାହ୍ମଣ ରାଜାଙ୍କ ଆଗରେ ଏକ ସର୍ତ୍ତ ରଖିଥିଲେ ଯେ ସେ ଏକ ନିବୁଜ କୋଠରୀରେ ମୂର୍ତ୍ତୀ ପ୍ରସ୍ତୁତ କରିବେ ଏବଂ ସେ କାମ କରୁଥିବା ସମୟରେ କେହି କୋଠରୀର କବାଟ ଖୋଲିବେ ନାହିଁ । ଯଦି ଏଭଳି ହୁଏ ତେବେ ସେ ଅଧାରୁ କାମ ଛାଡି ଚାଲିଯିବେ ।
ପ୍ରଥମେ ପ୍ରଥମେ କାମର ଶବ୍ଦ ଶୁଭୁଥିଲା କିନ୍ତୁ କିଛି ଦିନ ପରେ କୋଠରୀରୁ ଶବ୍ଦ ଆସିବା ବନ୍ଦ ହୋଇଗଲା । ରାଜା ଚିନ୍ତାରେ ପଡିଗଲେ ଯେ ସେ କୋଠରୀ ଖୋଲି ଦେଖିବେ ନା ନାହିଁ । ବୁଢା ବ୍ରାହ୍ମଣଙ୍କ ସ୍ୱାସ୍ଥ୍ୟବସ୍ତା କଥା ଧ୍ୟାନରେ ରଖି ରାଜା କୋଠରୀର ଦ୍ୱାର ଖୋଲିଦେଲେ । କବାଟ ଖୋଲିବା ସମୟରେ ସାମ୍ନାରେ ତାଙ୍କୁ ଅର୍ଦ୍ଧ ବିଗ୍ରହ ଦେଖିବାକୁ ମିଳିଲେ । ସେତେବେଳେ ରାଜା ଜାଣିପାରିଥିଲେ ଯେ ବୁଢା ବ୍ରାହ୍ମଣ ଆଉ କିଏ ନଥିଲେ ସେ ଥିଲେ ଜଗତର ସର୍ବଶ୍ରେଷ୍ଠ କାରିଗର ବିଶ୍ୱକର୍ମା । ରାଜା ଅଧୁରା ବିଗ୍ରହକୁ ହିଁ ମନ୍ଦିରରେ ସ୍ଥାପିତ କରିଥିଲେ । ଏହି କାରଣରୁ ଜଗନ୍ନାଥ ମନ୍ଦିରରେ କୌଣସି ପ୍ରସ୍ତର କିମ୍ବା ଅନ୍ୟ ଧାତୁର ମୂର୍ତ୍ତୀ ନାହିଁ କେବଳ କାଠ ମୂର୍ତ୍ତୀ ବ୍ୟବହାର କରାଯାଇ ପୂଜା କରାଯାଉଛି ।