ଭୂକମ୍ପ ଝଟକାରେ ଥରିଲା ରାଜଧାନୀ ଦିଲ୍ଲୀ । ରିକ୍ଟର ସ୍କେଲରେ ଭୂମିକମ୍ପର ତ୍ରୀବତା ୬.୪, ଜମ୍ମୁ ଓ କାଶ୍ମୀରରେ ମଧ୍ୟ ଭୂକମ୍ପର ଜୋରଦାର ଝଟକା
କନକ ବ୍ୟୁରୋ : ଭୂମିକମ୍ପ ଝଟକାରେ ଥରିଲା ଦେଶର ରାଜଧାନୀ । ଦିଲ୍ଲୀ-ଏନସିଆର ଅଞ୍ଚଳରେ ଭୂମିକମ୍ପ ଝଟକା । ରିକ୍ଟର ସ୍କେଲରେ ୬.୪ ତ୍ରୀବତାର ଭୂକମ୍ପର ଝଟକା ଦିଲ୍ଲୀ-ଏନସିଆରରେ ଅନୁଭୂତ ହୋଇଛି । ସୂଚନା ଅନୁଯାୟୀ, ଶନିବାର ଅପରାହ୍ନ ୫ଟା ୫୦ ମିନିଟ ସମୟରେ ଏହି ଭୂକମ୍ପ ଅନୁଭୂତ ହୋଇଛି । ଭୂକମ୍ପର କେନ୍ଦ୍ରସ୍ଥଳ ହିନ୍ଦୁକୁଶ ପର୍ବତମାଳା ବୋଲି ସୂଚନା ମିଳିଛି । ଏହାଛଡା ଦିଲ୍ଲୀର ଗାଜିଆବାଦରେ ମଧ୍ୟ ଭୂକମ୍ପର ହାଲକା ଝଟକା ଅନୂଭୂତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଭୂମିକମ୍ପ ହେବା ଜାଣିବା ପରେ ଉଚ୍ଚ ବିଲ୍ଡିଂରେ ରହୁଥିବା ଲୋକମାନେ ଭୟଭୀତ ଅବସ୍ଥାରେ ଘରୁ ବାହାରକୁ ଚାଲି ଆସିଛନ୍ତି । କେବଳ ଦିଲ୍ଲୀ ନୁହେଁ ଜମ୍ମୁ-କାଶ୍ମୀରରେ ମଧ୍ୟ ଭୂକମ୍ପର ଝଟକା ଅନୁଭୂତ ହୋଇଛି । ଜମ୍ମୁ କାଶ୍ମୀରର ଅନେକ ଅଞ୍ଚଳରେ ଭୂକମ୍ପ ଅନୁଭୂତ ହୋଇଛି । ତେବେ କ୍ଷୟକ୍ଷତିର କୌଣସି ସୂଚନା ଏଯାଏଁ ମିଳିନି । ତେବେ ଉଭୟ ସ୍ଥାନରେ ଲୋକ ବାହାରକୁ ସୁରକ୍ଷିତ ସ୍ଥାନକୁ ଆସିବା ସହ ଭୟଭୀତ ଅବସ୍ଥାରେ ଅଛନ୍ତି ।