ବନାବିରା ଗୁଳିକାଣ୍ଡ ଘଟଣା ! ବିଜେପି ନେତା ଜୟନାରାୟଣ ମିଶ୍ରଙ୍କୁ ଗିରଫ କଲା ପୁଲିସ, ମୁଖ୍ୟମନ୍ତ୍ରୀ କହିଲେ, ଦୋଷୀଙ୍କୁ ମିଳିବ ଦଣ୍ଡ
କନକ ବ୍ୟୁରୋ: ବନାବିରା ଗୁଳିକାଣ୍ଡ ଘଟଣାରେ ପୁଲିସର ଛାନଭିନ । ବିଜେପି ନେତା ଜୟନାରାୟଣ ମିଶ୍ରଙ୍କୁ ଗିରଫ କଲା ପୁଲିସ । ପଦ୍ମପୁର ଏସଡିପିଓ ଲକ୍ଷ୍ମୀନାରାୟଣ ପଣ୍ଡାଙ୍କ ନେତୃତ୍ୱରେ ତାଙ୍କ ଘରକୁ ଏକ ଟିମ୍ ଯାଇ ଜୟନାରାୟଣ ମିଶ୍ର ଓ ତାଙ୍କର ଜଣେ ସହଯୋଗୀ ଶିବୁଙ୍କୁ ମଧ୍ୟ ପଚରାଉଚରା କରଥିଲା । ଏହାପରେ ତାଙ୍କୁ ଘରୁ ଉଠାଇ ଆଣି ଗିରଫ କରିଛି ପୁଲିସ । ଏନେଇ ପଦ୍ମପୁର ଏସଡିପିଓ ସୂଚନା ଦେଇଛନ୍ତି । ଜୟ ନାରାୟଣ ଓ ତାଙ୍କ ସହଯୋଗୀଙ୍କୁ ଆଜି କୋର୍ଟ ଚାଲାଣ କରାଯିବ । ପୂର୍ବ ବନବିରା ଗୁଳିକାଣ୍ଡ ଘଟଣାରେ ୬ ଜଣଙ୍କୁ ଗିରଫ କରାଯାଇଥିଲା । ଏବେ ସୁଦ୍ଧା ଏହି ଘଟଣାରେ ୮ ଜଣଙ୍କୁ ଗିରଫ କରାଯାଇଥିବା ଏସଡିପିଓ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଜେପି ନେତା ତଥା ପୂର୍ବତନ ମନ୍ତ୍ରୀ ଜୟ ନାରାୟଣ ମିଶ୍ରଙ୍କୁ ପୁଲିସ ଉଠାଇ ନେବା ବେଳେ ବିଜେପି ମହିଳା ମୋର୍ଚ୍ଚା କର୍ମୀ ଏହାକୁ ବିରୋଧ କରିଥିଲେ । ଫଳରେ ପରିସ୍ଥିତି ଉତେଜନାପୂର୍ଣ୍ଣ ହୋଇଥିଲା । ପରେ ପରିସ୍ଥିତି ସାମାନ୍ୟ ହେବା ପରେ ପୁଲିସ ନିଜ ସହ ଜୟନାରାୟଣ ମିଶ୍ର ଓ ତାଙ୍କ ସହଯୋଗୀଙ୍କୁ ନେଇଯାଇଛି । ବନାବିରା ଗୁଳିକାଣ୍ଡ ଘଟଣାରେ ପୁଲିସ ପୂର୍ବରୁ ୬ଜଣଙ୍କୁ ଗିରଫ କରିଛି । ଫେବୃଆରୀ ୨୨ତାରିଖ ରାତିରେ ବରଗଡ ଜିଲ୍ଲା ସୋହେଲା ବ୍ଲକ ବନାବିରା ଅଂଚଳରେ ଶ୍ରମ ମନ୍ତ୍ରୀ ସୁଶାନ୍ତ ସିଂହଙ୍କ ଭାଇ ସୁବ୍ରତ ସିଂହ ଓ ତାଙ୍କର ସହଂଯୋଗୀଙ୍କ ଉପରେ ଗୁଳିମାଡ ହୋଇଥିଲା । ତାଙ୍କ ଗାଡି ଉପରକୁ ଟେକା ପଥର ମାଡ ଓ ଅନ୍ଧାଧୁନିଆ ଗୁଳିମାଡ ହୋଇଥିଲା । ଏଥିରେ ସୁବ୍ରତ ସିଂ ଆହତ ହୋଇଥିବା ବେଳେ କଟକ ବଡ ମେଡିକାଲରେ ଚିକିତ୍ସିତ ଅବସ୍ଥାରେ ଡ୍ରାଇଭରର ମୃତ୍ୟୁ ହୋଇଥିଲା ।
ସେପଟେ ଜୟନାରାୟଣଙ୍କ ଗିରଫଦାରୀ ପରେ ଆରମ୍ଭ ହୋଇଯାଇଛି ବୟାନବାଜି । ଆଇନ ତା ବାଟେରେ ଯିବ ବୋଲି କହିଛନ୍ତି ମୁଖ୍ୟମନ୍ତ୍ରୀ । ସେହିପରି, ଏଥିରେ କୌଣସି ରାଜନୈତିକ ଅଭିସନ୍ଧି ନାହିଁ ବୋଲି ସୁଶାନ୍ତ କହିଛନ୍ତି । ଯିଏ ଦୋଷୀ ତାକୁ ଗିରଫ କରାଯିବ । ତଦନ୍ତ ଆଧାରରେ ତାଙ୍କୁ ଅଟକ ରଖାଯାଇଛି ଏବଂ ଘଟଣା ପରଠୁ ସେ ଫେରାର ଥିଲେ ବୋଲି ମନ୍ତ୍ରୀ ସୁଶାନ୍ତ ସିଂହ କହିଛନ୍ତି । ବିଜେପିର ଅବସ୍ଥା ଦେଖି ସେ ଆତ୍ମସମର୍ପଣ କରିଥିବା କହିଛନ୍ତି ସୁଶାନ୍ତ ।
ସେପଟେ, ଜୟନାରାୟଣ ମିଶ୍ରଙ୍କ ବିରୋଧରେ ହୋଇଥିବା ଅଭିଯୋଗ ଭିତିହୀନ । ଘଟଣା ତଦନ୍ତ ସାପକ୍ଷ୍ୟ ବୋଲି କହିଛନ୍ତି ବିଜେପି ସଭାପତି ବସନ୍ତ ପଣ୍ଡା । ଯଦି ନିଜକୁ ଦୋଷୀ ଭାବିଥାନ୍ତେ ଜୟନାରାୟଣ ମିଶ୍ର ଫେରାର ହୋଇଯାଇଥାନ୍ତେ । ସେ ଘରେ ଥିବା ବେଳେ ତାଙ୍କୁ ଉଠାଇ ନିଆଯାଇଛି । ଜଣେ ପୂର୍ବତନ ମନ୍ତ୍ରୀଙ୍କୁ ଏଭଳି ଉଠାଇନେବା ନିନ୍ଦନୀୟ ବୋଲି କହିଛନ୍ତି ବସନ୍ତ ପଣ୍ଡା । ଶାସକ ଦଳ ରକ୍ତମୁଖା ହୋଇଥିବା ସେ କହିଛନ୍ତି । ଏହି ଘଟଣାକୁ ବିଜେପି ନିନ୍ଦା କରିବା ସହ ଏହା ଗଣତନ୍ତ୍ରର କଣ୍ଠରୋଧ ବୋଲି ବିଜେପି ସଭାପତି କହିଛନ୍ତି ।
ଏଠାରେ ଆମେ କହି ରଖୁଛୁ କି, ଗତ ଫେବୃଆରୀ ୨୨ତାରିଖ ରାତିରେ ବରଗଡ ଜିଲ୍ଲା ସୋହେଲା ବ୍ଲକ ବନାବିରା ଅଂଚଳରେ ଶ୍ରମ ମନ୍ତ୍ରୀ ସୁଶାନ୍ତ ସିଂହଙ୍କ ଭାଇ ସୁବ୍ରତ ସିଂହ ଓ ତାଙ୍କର ସହଂଯୋଗୀଙ୍କ ଉପରେ ଗୁଳିମାଡ ହୋଇଥିଲା । ତାଙ୍କ ଗାଡି ଉପରକୁ ଟେକା ପଥର ମାଡ ଓ ଅନ୍ଧାଧୁନିଆ ଗୁଳିମାଡ ହୋଇଥିଲା । ଏଥିରେ ସୁବ୍ରତ ସିଂ ଆହତ ହୋଇଥିବା ବେଳେ କଟକ ବଡ ମେଡିକାଲରେ ଚିକିତ୍ସିତ ଅବସ୍ଥାରେ ଡ୍ରାଇଭରର ମୃତ୍ୟୁ ହୋଇଥିଲା ।