କନକ ବ୍ୟୁରୋ : ଟୋକିଓ ଅଲମ୍ପିକ୍ସରେ କାଂସ୍ୟ ପଦକ ବିଜେତା ବଜରଙ୍ଗ ପୁନିଆ ଭାରତୀୟ କୁସ୍ତିଯୋଦ୍ଧା ସଂଘର ଅଧ୍ୟକ୍ଷ ବୃଜଭୂଷଣ ସିଂଙ୍କ ବିରୋଧରେ ପୁଣି ଥରେ ମୁହଁ ଖୋଲିଛନ୍ତି । ସେ କହିଛନ୍ତି କି, ଏବେ ପୁଣିଥରେ ଜନ୍ତର ମନ୍ତର ଠାରେ ବୃଜଭୂଷଣଙ୍କ ସିଂଙ୍କ ବିରୋଧରେ ପ୍ରଦର୍ଶନ କରାଯିବ । ଯେ ପର୍ଯ୍ୟନ୍ତ ବୃଜଭୂଷଣ ସିଂଙ୍କୁ ଗିରଫ କରାଯାଇ ନାହିଁ ସେପର୍ଯ୍ୟନ୍ତ ଧାରଣା ଜାରି ରହିବ ବୋଲି ସେ ଚେତାବନୀ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ୭ଜଣ ମହିଳା କୁସ୍ତିଯୋଦ୍ଧା କର୍ନାଟ ପ୍ଲେସ ଥାନାରେ ବୃଜଭୂଷଣଙ୍କ ବିରୋଧରେ ଅଭିଯୋଗ କରିଥିଲେ ବି ଏପର୍ଯ୍ୟନ୍ତ ପୋଲିସ ମାମଲା ରୁଜୁ କରିନାହିଁ । ସୂତ୍ର ସୂଚନା ମୁତାବକ ଦିଲ୍ଲୀ ପୋଲିସ କହିଛି ଯେ, ମହିଳା କୁସ୍ତିଯୋଦ୍ଧାଙ୍କ ତରଫରୁ ଦାଖଲ ହୋଇଥିବା ଅଭିଯୋଗ ଉପରେ ଯାଂଚ କରାଯାଉଛି, ସାକ୍ଷୀଙ୍କ ପ୍ରାଥମିକ ବୟାନ ପରେ ମାମଲା ରୁଜୁ କରାଯିବ । ହରିଆଣା ଓ ବାହାର ରାଜ୍ୟର ମୋଟ ୭ଜଣ ମହିଳା କୁସ୍ତଯୋଦ୍ଧା ଅଭିଯୋଗ କରିଥିବା କଥା ଦିଲ୍ଲୀ ପୋଲିସ କହିଛି ।
ଅନ୍ୟପଟେ ଦିଲ୍ଲୀ ମହିଳା ଆୟୋଗର ଅଧ୍ୟକ୍ଷ ଏହି ମାମଲାରେ ହସ୍ତକ୍ଷେପ କରିଛନ୍ତି । ମହିଳା କୁସ୍ତିଯୋଦ୍ଧାଙ୍କ ଦ୍ୱାରା ହୋଇଥିବା ଅଭିଯୋଗ ଆଧାରରେ ପୋଲିସ ମାମଲା ରୁଜୁ ନକରିବା ନେଇ ସେ ଦିଲ୍ଲୀ ପୋଲିସକୁ ନୋଟିସ ପଠାଇଛନ୍ତି । ଏହାସହ ଅଭିଯୋଗକାରୀ ମହିଳା କୁସ୍ତିଯୋଦ୍ଧାମାନେ କହିଛନ୍ତି କି, ୨ଦିନ ତଳେ ସେମାନେ ଯୌନ ଉତ୍ପୀଡନ ମାମଲା ନେଇ ବୃଜଭୂଷଣଙ୍କ ବିରୋଧରେ ଦିଲ୍ଲୀ ପୋଲିସ ନିକଟରେ ଲିଖିତ ଅଭିଯୋଗ କରିଥିଲେ ବି ଦିଲ୍ଲୀ ପୋଲିସ ଏପର୍ଯ୍ୟନ୍ତ ମାମଲା ରୁଜୁ କରିନାହିଁ ।