ବିଜେପୁର ପରୀକ୍ଷା ! ପୁଣି ଶୁଭିଲା ‘ଶଙ୍ଖ’ । କାହିଁକି ଫୁଟିଲାନି ‘ପଦ୍ମ’ ? ଫଳ ବାହାରିଲା, ଚର୍ଚ୍ଚା ବଢ଼ିଲା ।
ପୁଣି ବିଜେପୁରରେ ଶୁଭିଲା ‘ଶଙ୍ଖ’ । ବହୁତ ଚେଷ୍ଟା କରି ମଧ୍ୟ ଫୁଟିଲାନି ‘ପଦ୍ମ’ । ବିରୋଧୀଙ୍କୁ ଏମିତି ପଛରେ ପକାଇଲା ବିଜେଡି ଯାହା କୌଣସି ବିଧାନସଭା ନିର୍ବାଚନରେ ଦେଖିବାକୁ ପାଇନଥିଲେ ରାଜ୍ୟବାସୀ ।
କନକ ବ୍ୟୁରୋ: ପୁଣି ବିଜେପୁରରେ ଶୁଭିଲା ‘ଶଙ୍ଖ’ । ବହୁତ ଚେଷ୍ଟା କରି ମଧ୍ୟ ଫୁଟିଲାନି ‘ପଦ୍ମ’ । ବିରୋଧୀଙ୍କୁ ଏମିତି ପଛରେ ପକାଇଲା ବିଜେଡି ଯାହା କୌଣସି ବିଧାନସଭା ନିର୍ବାଚନରେ ଦେଖିବାକୁ ପାଇନଥିଲେ ରାଜ୍ୟବାସୀ । ଇତିହାସ ରଚିଲେ ରୀତା, ରେକର୍ଡ ସଂଖ୍ୟକ ଭୋଟ୍ ବ୍ୟବଧାନରେ ବିରୋଧଙ୍କୁ କଲେ ଚିତ୍ । ତେବେ ବିଜେଡିର ବିପୁଳ ବିଜୟ ପରେ ଏବେ ଗେରୁଆ କ୍ୟାମ୍ପରେ ଖେଳିଯାଇଛି ନୀରବତା । କାରଣ ବିଜେପୁରରେ ‘ପଦ୍ମ’ର ଶୋଚନୀୟ ପରାଜୟ ବିଜେପି ଶିବିରକୁ ସ୍ତବ୍ଧ କରିଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ବିଜେପୁରରେ ବିଜେପିର ଏଭଳି ପରାଜୟ କାହିଁକି ହେଲା ଏବଂ କେଉଁ କାରଣରୁ ବିଜେପି ବିଫଳ ହେଲା ସେନେଇ ରାଜନୈତିକ ମହଲରେ ଆରମ୍ଭ ହୋଇଛି ଅଙ୍କ କଷା । ପ୍ରଥମ କାରଣ- ବିଜେପୁର ବିଜେପିରେ ଅର୍ନ୍ତକନ୍ଦଳ ଦଳକୁ ଏଭଳି ପରାଜୟ ଆଣିଦେଇଥିବା ଚର୍ଚ୍ଚା ହେଉଛି । ସେହିପରି ୨୦୧୮ ଉପ-ନିର୍ବାଚନରେ ବିଜେପି ପାଇଁ ପ୍ରାର୍ଥୀ ହୋଇଥିବା ଅଶୋକ ପାଣିଗ୍ରାହୀ ଭୋଟ୍ ପଡ଼ିବାର କିଛି ଦିନ ପୂର୍ବରୁ ବିଜେପିକୁ ବାଏ ବାଏ କହିଥିଲେ ।
କେବଳ ଏତିକି ନୁହେଁ ବିଜେପୁର ବ୍ୟାଟେଲ୍ ପାଇଁ ବିଜେପିର ୪୦ ଜଣିଆ ଷ୍ଟାର ପ୍ରଚାରକ ତାଲିକାରେ ଥିବା ଅନେକ କେନ୍ଦ୍ରମନ୍ତ୍ରୀ ତଥା କେନ୍ଦ୍ରୀୟ ନେତାମାନେ ବିଜେପୁର ମାଟି ମାଡ଼ିଲେନି । ଏହାସହ ଦଳୀୟ ଅର୍ନ୍ତକନ୍ଦଳକୁ ସମାଧାନ ନକରି ବିଜେପୁର ବିଜେପିର ଫାଟ ଅଧିକ ସମସ୍ୟା ବଢ଼ାଇଲା ଯାହା ବିଜେପିକୁ ବ୍ୟାକଫୁଟକୁ ନେଲା ଆଉ ଏଭଳି ବଡ଼ ବିପର୍ଯ୍ୟୟର ସମ୍ମୁଖୀନ ହେଲା ବୋଲି ବିଜେପୁରରୁ ଭୁବନେଶ୍ୱ ଚା’ଖଟିରେ ଚର୍ଚ୍ଚା ଜୋର ଧରିଛି ।
ଅନ୍ୟପଟେ ବିଜେଡି ଯେଉଁ ଦମ୍ଭୋକ୍ତି ବାଢ଼ିଥିଲା ତାହାକୁ ବାସ୍ତବରେ ପରିଣତ କଲା । ଆଉ ୯୭ ହଜାର ୯୯୪ ଖଣ୍ଡ ଭୋଟ୍ ବ୍ୟବଧାନରେ ବିଜେପୁରରେ ହ୍ୟାଟ୍ରିକ୍ ମାରି ବିରୋଧୀଙ୍କୁ ଚିତ୍ ପଟାଙ୍ଗ କରିଦେଲେ ବିଜେଡି ପ୍ରାର୍ଥୀ ରୀତା ସାହୁ । ତେବେ କେଉଁ କେଉଁ ପ୍ରସଙ୍ଗ ନେଇ ଶଙ୍ଖର ସଫଳତା ପାଇଲା ସେନେଇ ଚାଲିଛି ଚର୍ଚ୍ଚା ଆଲୋଚନା । ବିଶେଷ ଭାବେ ନବୀନ ଫ୍ୟାକ୍ଟର ବିଜେପୁରରେ ବଡ଼ ଭୂମିକା ନେଇଥିବା କୁହାଯାଉଛି । ଏପରିକି ନିର୍ବାଚନ ପୂର୍ବରୁ ଏବଂ ବିଜେଜପୁର ବିଧାୟକ ପଦବୀ ଛାଡ଼ିବା ପରେ ବିଜେପୁରବାସୀଙ୍କ ପାଇଁ ନବୀନଙ୍କ ପ୍ୟାକେଜ୍ ଭୋଟରଙ୍କ ମନଜିଣିପାରିଥିଲା ।
ତେବେ ବିଜେପୁରକୁ ସାଧାରଣ ନିର୍ବାଚନରେ ନବୀନଙ୍କୁ ଯେଉଁଭଳି ସମର୍ଥନ ଦେଇଥିଲେ ବିଜେପୁର ବାସୀ ତା’ଠୁ ଅଧିକ ଆଶୀର୍ବାଦ ରୀତା ସାହୁଙ୍କ ଉପରେ ଅଜାଡ଼ିଦେଲେ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା କି, ବିରୋଧୀଙ୍କ ଷ୍ଟାର ପ୍ରଚାରକ ତାଲିକାର ଶୀର୍ଷନେତାମାନେ ବିଜେପୁର ପ୍ରଚାର ପାଇଁ ମାଟି ମାଡ଼ିନଥିବାବେଳେ ବିଜେଡି ସୁପ୍ରିମୋଙ୍କ ଦୁଇ ଦିନିଆ ମାରାଥନ୍ ସୋ’ ଲୋକଙ୍କ ବିଶ୍ୱାସ ଜିତିପାରିଲା । ତେଣୁ ଏଭଳି ବିପୁଳ ଭୋଟ୍ ଏବଂ ରେକର୍ଡ କରି ରୀତା ‘ଶଙ୍ଖ’ନାଦ କଲେ ବୋଲି ଚର୍ଚ୍ଚା ହେଉଛି ।