ଏକାଧିକ ମାମଲା, ୭୫ ହଜାର ଟଙ୍କା ପୁରସ୍କାର ଘୋଷଣା, ଦୀର୍ଘ ଦିନରୁ ଫେରାର… କେଉଁଠି ଅଛନ୍ତି ଗ୍ୟାଙ୍ଗଷ୍ଟର ମୁଖତାର ଅନସାରୀଙ୍କ ପତ୍ନୀ?
କନକ ବ୍ୟୁରୋ: ପୁରା ଉତ୍ତରପ୍ରଦେଶରେ ଆତଙ୍କ ଖେଳାଇଥିବା ଗ୍ୟାଙ୍ଗଷ୍ଟର ମୁଖତାର ଅନସାରୀର ମୃତ୍ୟୁ ପରେ ପୁରା ରାଜ୍ୟରେ ଉତ୍ତେଜନା ଦେଖାଦେବାରୁ ସୁରକ୍ଷା ବ୍ୟବସ୍ଥା କଡାକଡି କରାଯିବା ସହ ୧୪୪ ଧାରା ଜାରି ହୋଇଛି । ଏତେବେଳେ ପ୍ରଶ୍ନ ଉଠୁଛି କୁଆଡେ ଗଲେ ଅନସାରୀଙ୍କ ପତ୍ନୀ ଅଫଶାଂ ଅନସାରୀ?
Kanak News is now on WhatsApp
Join and get latest news updates delivered to you via WhatsApp
ଦୀର୍ଘ ଦିନରୁ ଫେରାର ଅଛନ୍ତି ମୁଖତାର ଅନସାରୀଙ୍କ ପତ୍ନୀ ଅଫଶାଂ ଅନସାରୀ । ତାଙ୍କ ଉପରେ ପୋଲିସ ଘୋଷଣା କରିଛି ପାଖାପାଖି ୭୫ହଜାରର ପୁରସ୍କାର । ଦୀର୍ଘ ଦିନରୁ ଖୋଜା ଜାରି ରଖିଛି ପୋଲିସ । କାରଣ ଅଫଶାଂଙ୍କ ଉପରେ ରହିଛି ଏକାଧିକ ମାମଲା । ବିବାହ ପୂର୍ବରୁ ଅଫଶାଂଙ୍କ ନାଁ କୌଣସି ମାମଲା ନଥିଲା କିନ୍ତୁ ମୁଖତାରଙ୍କୁ ବିବାହ କରିବା ପରେ ସେ ମଧ୍ୟ ଗ୍ୟାଙ୍ଗଷ୍ଟର ସାମ୍ରାଜ୍ୟରେ ସାମିଲ ହୋଇଯାଇଥିଲେ । ସୂଚନା ଅନୁସାରେ, ଅଫଶାଂ ଗାଜିପୁର ଜିଲ୍ଲା ୟୁସୁଫପୁର ମୋହମ୍ମଦାବାଦର ବାସିନ୍ଦା । କିଛି ବର୍ଷ ପୂର୍ବରୁ ମଉ ଦକ୍ଷିଣ ଟୋଲାର ରୈନି ଗାଁ ନିକଟରେ ଥିବା ବିସ୍ତୃତ ଜମିକୁ ବେଆଇନ ଭାବେ ନିଜ ନାଁରେ ରେଜେଷ୍ଟ୍ରି କରାଇ ଏଠାରେ ଏକ ଗୋଦାମ କରିଥିଲେ ଯାହାକୁ ଫୁଡ କର୍ପୋରେସନକୁ ଭଡାରେ ଦେଇଥିଲେ । ଏହା ଅନୁସୂଚିତ ଜାତି ଲୋକଙ୍କ ନାଁରେ ଥିବାବେଳେ କିଛି ସାଧାରଣ ବର୍ଗର ଲୋକଙ୍କ ନାଁରେ ଥିବା ଜମିକୁ ବି ହଡପ କରିନେଇ ତାହା ଉପରେ ଏହି ଗୋଦାମ କରିଥିଲେ ଆଫଶାଂ । ଏହି ଜମି ଆଫଶାଂଙ୍କ ସହ ତାଙ୍କର କିଛି ସମ୍ପର୍କୀୟଙ୍କ ନାଁରେ ରେଜେଷ୍ଟ୍ରି ହୋଇଥିଲା । ଏହା ଜଣାପଡିବା ପରେ ତାଙ୍କ ନାଁରେ ସମ୍ପତ୍ତି କ୍ଷତି ଅଧିନିୟମ ଅନୁସାରେ ମାମଲା ଦାଏର କରାଯାଇଥିଲା ।
ଏହି ମାମଲାରେ ସମସ୍ତ ଅଭିଯୁକ୍ତ କୋର୍ଟରେ ହାଜର ହୋଇଥିଲେ ବି ଆଫଶାଂ କିନ୍ତୁ ବାରମ୍ବାର ନୋଟିସ୍ ପରେ ବି ହାଜର ହୋଇନଥିଲେ । ୨୦୨୧ ଜୁନରେ ଏହି ଜମିର ପାଚେରୀକୁ ଭାଙ୍ଗି ଏହାକୁ ମୁକ୍ତ କରାଗଲା । କିନ୍ତୁ ସେବେଠାରୁ ଆଫଶାଂ କେଉଁଆଡେ ଫେରାର ଅଛନ୍ତି । ଏହି ଘଟଣାରେ ଉଭୟ ମଉ ପୋଲିସ ଗାଜିପୁର ପୋଲିସ ଆଫଶାଂଙ୍କ ଉପରେ ୭୫ ହଜାର ଟଙ୍କାର ପୁରସ୍କାର ଘୋଷଣା କରିଛନ୍ତି ।