କନକ ବ୍ୟୁରୋ : ବର୍ତ୍ତମାନ ହ୍ୱାଟ୍ସଆପ୍ ସମସ୍ତଙ୍କର ଜରୁରୀ ଆପ୍ ପାଲଟିଯାଇଛି । ଏହି ଆପ୍ ବିନା ଗୋଟିଏ ଦିନ ବିତାଇବାବି ୟୁଜର୍ସଙ୍କ ପାଇଁ ମୁସକିଲ୍ ହୋଇପଡିଛି । ଏହି ଆପ୍ ଲୋକଙ୍କ ପାଇଁ ବର୍ତ୍ତମାନ ଏକ ବଡ ମାଧ୍ୟମ ପାଲଟିଥିବା ବେଳେ ଏହି ଆପକୁ ନେଇ ଅନେକ ଅପବ୍ୟବହାର ମଧ୍ୟ କରାଯାଉଛି । ହ୍ୱାଟ୍ସଆପକୁ ବ୍ୟବହାର କରି ବିଭିନ୍ନ ପ୍ରକାରରେ ଠକାମୀ ଏବଂ ସ୍କାମର ମାମଲା ସାମ୍ନାକୁ ଆସିଛି । ତେଣୁ ଏହାକୁ ଦୃଷ୍ଟିରେ ରଖି ଏକ ସେପ୍ଟି ଫିଚର୍ସ ଲଞ୍ଚ କରିବାକୁ ଯାଉଛି ହ୍ୱାଟ୍ସଆପ୍ । ଏହାଦ୍ୱାରା ସନ୍ଦିଗ୍ଧ ମେସେଜ୍ ପଠାଯାଉଥିବା ଆକାଉଣ୍ଟକୁ ଲକ୍ କରି ମେସେଜ୍ ଯିବାରୁ ରୋକିବ ।
Kanak News is now on WhatsApp
Join and get latest news updates delivered to you via WhatsApp
ଏହି ଫିଚର୍ ଅନୁସାରେ, ହ୍ୱାଟ୍ସଆପ୍ କୌମସି ସନ୍ଦେହଜନକ ବାର୍ତ୍ତା ପାଇବା ମାତ୍ରେ ଏହା ସାମୟିକ ଭାବରେ ସଂପୃକ୍ତ ଉପଭୋକ୍ତା ଆକାଉଣ୍ଟକୁ ଅବରୋଧ କରିପାରିବ ଏବଂ ଏହିପରି କୌଣସି ବାର୍ତ୍ତା ପଠାଇବାରେ ୟୁଜର୍ସ ସମର୍ଥ ହେବେ ନାହିଁ । ହ୍ୱାଟ୍ସଆପକୁ ଅପଡେଟ୍ କରିବା ପରେ ଏହି ଫିଚର୍ସ ଆପେ ଆପେ ସାମିଲ ହୋଇଯିବ ।
ହ୍ୱାଟ୍ସଆପର ନୂଆ ଫିଚର୍ସ ସ୍କାମ୍ ଓ ଫ୍ରଡ୍ କରୁଥିବା ଲୋକଙ୍କୁ ପ୍ରଥମେ ଚେତାବନୀ ଦେବ । ଯଦି ୟୁଜର୍ସ ଚେତାବନୀକୁ ନମାନନ୍ତି ତେବେ ୟୁଜର୍ସର ଆକାଉଣ୍ଡକୁ ସବୁଦିନ ପାଇଁ ବନ୍ଦ କରିଦିଆଯିବ । ଯଦି କୌଣସି ସନ୍ଦିଗ୍ଧ ଆକାଉଣ୍ଟ ନଜର ଆସେ ତେବେ ଏହି ଫିଚର୍ସ ସେହି ସନ୍ଦିଗ୍ଧ ଆକାଉଣ୍ଟକୁ ତୁରନ୍ତ ବ୍ଲକ୍ କରିଦେବ । ଏହି ଫିଚର୍ସ ଖୁବଶୀଘ୍ର ଲଜ୍ଞ ହେବାକୁ ଯାଉଛି