ବିଷ୍ଣୁ ସେଠୀଙ୍କ ଦେହାନ୍ତ ପରେ ତାଙ୍କ ଶେଷ କବିତାକୁ ନେଇ ଚର୍ଚ୍ଚା । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ପାଇଁ ଲେଖିଥିଲେ ଏହି କବିତା ।
କନକ ବ୍ୟୁରୋ: ବିଷ୍ଣୁ ସେଠୀଙ୍କ ଦେହାନ୍ତ ପରେ ତାଙ୍କର ଶେଷ କବିତାକୁ ନେଇ ଚର୍ଚ୍ଚା । ଓଡିଆ ଝିଅ ରାଷ୍ଟ୍ରପତି ହେବା ପରେ ଦିଲ୍ଲୀ ଯାଇ ରାଷ୍ଟ୍ରପତି ଭବନରେ ଦ୍ରୌପଦୀ ମୁର୍ମୁଙ୍କୁ ଭେଟିଥିଲେ ବିରୋଧୀ ଦଳ ଉପନେତା । ସେଠାରୁ ଫେରିବା ପରେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଲିଖିତ ଜୀବନର ଶେଷ କବିତା ସେ ଆବୃତି କରିଥିଲେ । ଏକାଧାରରେ ବିଷ୍ଣୁ ସେଠୀ ଥିଲେ ଗାଳ୍ପିକ, କବି ଓ ସ୍ତମ୍ଭକାର । ତାଙ୍କ ସଂପାଦନାରେ ପ୍ରକାଶିତ ହେଉଥିବା ତ୍ରୈମାସିକ ପତ୍ରିକା ଘାସ ଫୁଲ ।
Kanak News is now on WhatsApp
Join and get latest news updates delivered to you via WhatsApp
ଅସୁସ୍ଥ ହେବାର କିଛି ଦିନ ପୂର୍ବର ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଉଦ୍ଦେଶ୍ୟରେ ସେ ଏକ କବିତା ଲେଖିଥିଲେ । ଯେଉଁଥିରେ ସେ ବଣଜଙ୍ଗଲ ଘେରା ରାଇରଙ୍ଗପୁରରୁ, ଦିଲ୍ଲୀର ରାଇସିନା ହିଲ୍ ପର୍ଯ୍ୟନ୍ତ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଯାତ୍ରାକୁ କବିତା ମାଧ୍ୟମରେ ବର୍ଣ୍ଣନା କରିଥିଲେ । ଆଉ ଯେତେବେଳେ ଦିଲ୍ଲୀ ଗସ୍ତରେ ଯାଇଥିଲେ ସେତେବେଳେ ଏହି କବିତାଟିକୁ ରାଷ୍ଟ୍ରପତିଙ୍କୁ ପ୍ରଦାନ କରିଥିଲେ । ଯାହା ସେହି ସମୟରେ ବେଶ୍ ଚର୍ଚ୍ଚାର ବିଷୟ ହୋଇଥିଲା । ଦିଲ୍ଳୀରୁ ଫେରିବା ପରେ ଏନେଇ ସେ ଗଣମାଧ୍ୟମକୁ ସୂଚନା ଦେବା ସହ କବିତାର ଆବୃତି କରିଥିଲେ ।
ରାଜନୀତି ବାହାରେ ବିଷ୍ଣୁଙ୍କର ନିଆରା ପରିଚୟ ଥିଲା । ସେ ଏକାଧାରରେ ଜଣେ ଗାଳ୍ପିକ, କବି ଓ ସ୍ତମ୍ବକାର ଭାବରେ ସାରାରାଜ୍ୟରେ ପରିଚିତ ଥିଲେ । ତାଙ୍କ ଦ୍ୱାରା ସମ୍ପାଦିତ ଘାଷଫୁଲ ପତ୍ରିକା ସବୁଠୁ ଅଧିକ ଲୋକପ୍ରିୟ ଥିଲା । ଲେଖା ମାଧ୍ୟମରେ ସେ ଅନେକ ସମୟରେ ଶାସନ କଳର ଦୋଷ ତ୍ରୁଟିକୁ ସାମନାରେ ରଖୁଥିଲେ । ସମାଜରେ ଘଟୁଥିବା ବାସ୍ତବ ଚିତ୍ରକୁ ଶବ୍ଦ ମାଧ୍ୟମରେ ପାଠକଙ୍କ ଆଗରେ ରଖୁଥିଲେ । ହେଲେ, ସେ ଜାଣି ନଥିଲେ ମହାମହିମ ରାଷ୍ଟ୍ରପତିଙ୍କ ପାଇଁ ଲେଖିଥିବା ସେହି କବିତାଟି ତାଙ୍କର ଶେଷ କବିତା ହେବ । ତେବେ ଅସୁସ୍ଥ ହେବା ପରେ ସେ ଆଉ ଗଣମାଧ୍ୟମକୁ ସାକ୍ଷାତକାର ଦେଇନଥିଲେ । ଆଉ ତାଙ୍କର ଏହି ପ୍ରତିକ୍ରିୟା ଶେଷ ପ୍ରତିକ୍ରିୟା ହୋଇ ରହିଗଲା ।